潮囍薈

Timothy Ngai 3 個月前

透過 DiningCity 訂位時，我已在備註欄清楚寫明「特別要求：長腳蟹套餐」，但到店後才得知原來還需提前一天致電餐廳作額外預訂。職員表示，系統只能顯示訂座人數，未能查看客人的特別要求，反映 DiningCity 與餐廳之間的溝通機制仍有很大改善空間。 點餐時，我曾詢問「鍾家醬蝦球西蘭花」中的「鍾家醬」是甚麼，惟男服務生似乎對菜單內容不太熟悉，停頓良久後只回應一句「即係咸咸地咁囉」，感覺前線員工在菜式認識及應對方面仍有待加強培訓。 雖然整體服務體驗未如理想，但菜式水準不俗，味道出色，當中尤以椒鹽豆腐和甜酸排骨最為值得一試。

Shara Hui 3 個月前

地區贏晒👍👍 性價比高的餐廳，價錢不算很貴， 點心相當之多、味道亦不錯，是和朋友聚餐傾偈的好地方🥰 最愛他的鮑魚燒賣，看見便已經滿足了價錢亦不貴

Galen Fong 7 個月前

酒樓位於尖沙嘴彌敦道100號The One商場12/F全層，擁有維港海景。 酒樓裝修尚算華麗，食物質素高，價格相超值，性價比高。

peggy Apple 10 個月前

潮．囍薈．親戚飯局好味之選 真係好耐冇試過咁滿足咁同親戚食飯！ 大佬今次真係有眼光，book咗尖沙咀「潮．囍薈」， 話要帶我哋試吓正宗潮粵菜。 成晚食落，唔單止係味覺享受，更多嘅係一種人情味嘅返嚟。 一坐低，個雙冬羊腩煲已經香到震！ 羊腩燜得夠淋，入口即化， 冬菇同冬筍吸晒啲精華， 個汁濃而不膩，撈飯真係一流。 跟住上枱嘅菊花太史五蛇羹， 更加係驚喜！湯底醇厚， 蛇肉絲搭配木耳、花菇， 灑上檸檬葉同菊花瓣， 清香得嚟又暖身，飲完成個人暖笠笠。 前菜江南五小拼，每樣都各有特色。 川辣爽魚皮真係不得了，超爽脆，辣得嚟又唔會搶喉。 雞絲粉皮嘅麻醬香得嚟唔膩，雞胸肉撕得幼細，同粉皮一齊食，滑溜得嚟有層次。 拍蒜青瓜同陳醋雲耳就係清爽之選，蒜香同陳醋嘅酸香互相平衡，好開胃。 最得意係個宮廷蘿蔔，切到成朵花咁，清甜爽口，睇得又食得。 蛇汁唐生菜簡單得嚟見功夫，用返蛇羹嘅湯汁去燜， 生菜清甜之餘帶少少鮮味，一啲都唔寡。 龍仔豉汁蒸白鱔係我全晚至愛之一， 鱔肉厚身，蒸得剛熟， 豉汁香濃但唔會蓋過魚鮮，入口滑溜，真係食到舔舔脷。 至於個秘製脆皮燒鵝，真係好好食呀！ 皮脆到顛左！一咬落去入面嘅肉汁即刻爆出嚟， 鵝味香濃，真係好耐冇食過水準咁高嘅燒鵝。 大佬仲笑我食到唔捨得停口。 尾聲嘅香芋臘味糯米飯同陳皮紅豆沙， 為成晚畫上完美句號。糯米飯香軟， 芋頭同臘味嘅油香滲透每粒米； 紅豆沙煲到起沙，陳皮香淡淡哋， 甜而不膩，食完成個人都舒服晒。 成晚飯局，唔止係食咗一餐好嘢，更多嘅係同親戚傾偈嘅溫暖。 真係要多謝大佬嘅安排，等我哋可以一邊食好西，一邊 reconnect。 呢度嘅味道，同嗰份人情味一樣，會一直留喺心入面。 1.雙冬羊腩煲 2.菊花太史五蛇羹 3.江南五小拼：川辣爽魚皮、雞絲粉皮、拍蒜青瓜、陳醋雲耳、宮廷蘿蔔 4.蛇汁唐生菜 5.龍仔豉汁蒸白鱔 6.燒鵝 7.香芋臘味糯米飯 8.陳皮紅豆沙 餐廳：潮．囍薈 地址：尖沙咀彌敦道100號The ONE 12樓 #theone #香港探店 #尖沙咀探店 #羊腩煲 #蛇羹 #snack #燒鵝 #粵菜 #廣東菜 #酒樓 #香港美食 #酒樓 #茶樓 #抵食 #hongkongfood #tasty #delish #eating #foodpic #hungry #foodgasm #love #follow4follow #hot #spicy #amazing #sweet #fresh #tasty #delish #eating #coffe #cafe #dinner #crispy #sweet #fresh #tasty #delish #eating #foodpic #hungry #foodgasm #love #follow4follow

TM128 1 年前

超值豐盛大閘蟹宴 又到咗食大閘蟹季節喇！朋友介紹咗一個超值的大閘蟹宴。 🦀江南五小蝶 ✨拍蒜青瓜，青瓜爽脆，味道有蒜香和少辣； ✨陳醋雲耳，味道酸甜帶醋香； ✨宮廷蘿蔔，質地爽口； ✨沙薑豬手，豬手肥美； ✨雞絲粉皮，粉皮幾滑，花生醬濃烈。 今晚的主角🦀🦀🦀出場喇！ 🦀皇者大閘蟹24隻 侍應將一個載咗24隻大閘蟹的大蒸籠放係枱上，每隻有4両至4両半。 啲蟹都幾多膏架！ 🦀XO醬花枝冰山蚌 花枝片爽口，西芹脆口，仲有紅椒和黃椒，XO醬微辣。 🦀香芋臘味糯米飯 糯米飯口感煙韌，芋頭粒軟綿，臘味帶油香。 🦀窩心薑茶湯圓 每次食完蟹都要飲返碗薑茶湯圓，芝麻湯圓軟糯，薑茶辛辣。