池記 - 尖沙咀

chan natalie 2 個月前

下午茶餐超抵食，主食再追加小食，餐飲仲可以點桑寄生蛋茶，感覺好滋潤，而且好抵食。 /壹桶貴妃雞飯 吸收曬雞嘅油和香味，米飯口感偏濕軟，撈埋姜蔥蓉開胃食。 . /雲吞面 面身爽脆無梘水味，雲吞有質素。 . /蠔油冬菇 冬菇非常大只而且厚身 . /炸雲吞 雲吞外皮炸得金黃酥脆、內餡的海蝦依然保持彈牙。 . /桑寄生蛋茶 清熱潤燥，熱辣辣喝下去感覺非常滋潤舒服。

sylgpsnac 3 個月前

今日同太太嚟到尖沙咀樂道嘅池記，呢間地道港式麵家喺區內都幾有名氣，主打傳統雲吞麵同牛腩麵，晚市時間都幾熱鬧。 我揀咗牛筋牛腩湯麵套餐，加配海蝦鮮雲吞湯麵，牛腩炆得夠腍，牛筋入口帶膠質，湯底清甜唔油膩，加底後份量好足夠，男士一定夠飽😌 凍咖啡加$3，正常水準，唔會太苦。 太太點咗海蝦鮮雲吞湯麵套餐，雲吞皮薄餡靚，蝦肉彈牙，湯底同我嗰碗一樣，清甜順喉，佢加$3轉凍檸檬茶，茶味夠濃。 另外加配咗蠔油冬菇，冬菇厚身，蠔油汁唔會太鹹，送麵食幾夾🍄 整體嚟講，池記保持到傳統麵家水準，價錢合理，份量足，服務都算勤快，不過環境偏逼，晚市坐得迫少少，但都係港式風味嘅一部分。

Keresawong.L.S 3 個月前

雲吞麵是香港最經典的傳統代表性麵食之一, 在尖沙咀就找到了間很好吃的雲吞麵店啊!! 多款自選組合粉麵套餐配飲品, 另可額外+$22追加小吃。 重點是這裡的碗麵上都會有薄薄一層蝦籽的!! 另味道更鮮、更香濃, 不是全港雲吞麵都有啊!! 雲吞麵套餐 HK$59 (配開胃小食: 甜酸蘿蔔 + 飲品) 麵質彈牙, 雲吞皮薄, 包裹了爽口鮮甜的鮮蝦和豬肉, 配上了香氣濃郁的大地魚清湯, 完美! 水餃麵: 水餃相比雲吞大一點點, 除包裹了鮮蝦和豬肉, 更有木耳絲, 層次更豐富一點。 桑寄生蛋茶: 甘甜潤喉, 沒有傳統中藥的強烈苦澀味, 附有一隻雞蛋。 套餐另額外加錢追加小食(每款另$22): 炸雲吞: 口感香脆, 包裹了爽口鮮甜蝦隻, 點上甜酸醬吃, 更為開胃。 炸鯪魚球: 鮮美濃郁、鹹香帶有陳皮與蜆蚧的獨特香氣。 另外單點了一份小食: 紅油孖寶 HK$35 包括了雲吞跟水餃, 另有甜辣豉油自行沾點。

Matthew Ming 4 個月前

遊客區所以收費比較進取，一碗雲吞麵索價$58，如果套餐跟熱飲就只係加多$1，講簡單嚟講就係碗麵已經計埋飲品嘅價錢。 雲吞麵加埋少少蝦子賣相唔錯，湯底有大地魚嘅清香，我覺得合格有餘不過相信有人會覺得比較淡。麵就稍為唔夠爽口彈牙，雲吞滑溜好食。仲有細細碟嘅酸蘿蔔。 整體上唔錯，係稍為貴啲。

Eunice Cheung 5 個月前

港式滋味｜滿足一餐 小店主打傳統港式風味，飽足又暖胃 雲吞麵 湯底清甜鮮香，蝦子竹昇麵條爽滑彈牙，雲吞皮薄餡靚，每隻都包着飽滿彈牙的原隻鮮蝦和半肥瘦豬肉，咬開有肉汁，鮮味突出 一桶貴妃雞飯 用木桶盛載，賣相懷舊。雞肉嫩滑入味。每一粒白飯都吸收了雞汁精華，吃得非常滿足 上湯芥蘭 芥蘭翠綠爽脆，上湯配有杞子 阿華田 港式經典飲品。沖得濃郁，香氣十足，入口順滑 南北杏紅棗雪耳 清潤不甜膩，雪耳煮得軟淋，紅棗香甜，南北杏帶淡淡果香，滋潤又養生 小店水準紮實，甜品更為驚喜，難怪食客不絕，更有很多外籍人士來朝聖