川粤

Yan Hohoho 3 年前

<隱世川菜🤣> 我哋一去到就話我哋唔太食得辣，佢地就話ok，仲幫我哋安排咗食微辣添👍🏼我哋都食到唔會食到好辛苦🤣但絕對係接受到嘅辣!! 店面面積唔算大，坐到6枱左右！所以想食最好訂位，我見佢都有做外賣生意咼！ 藤椒魚皮 $48 涼拌木耳 $28 口水雞 $48 涼拌窩筍 $48 川式豬手 $48 $50都唔洗一個前菜好抵食！當中魚皮，口水雞係最好食我覺得🤣食咗好多！！口水雞唔會好辣，而且雞皮好似啫喱咁QQ，雞肉就非常之嫩juicy!加埋啲辣醬好好食😋而魚皮亦都好入味，好彈牙爽口！！不過豬手就相對比較辣少少🤣我食到流鼻水，如果你鐘意食辣就一定唔好錯過！！！ 酸菜魚 $228 勁大盤😆4個人食都夠唒喇！一食就好似返咗大陸咁，啲回憶返唒黎！啲魚份量都幾多，無骨好嫩！！入面有紫洋蔥，海量酸菜，酸菇，蓮藕，好豐富!!同樣地，按我哋要求，唔會好辣，同個酸味平衡咗👍🏼👍🏼 干鍋 係逐個逐個餸計嘅！而且仲要用個火爐上嘅，唔怕食耐咗之後凍咗，啲辣油停咗係度！今晚我哋有椰菜花，豬青肉，肥牛，雞軟骨，蓮藕!!好重口味，雖然見到好多辣椒，但一啲都唔會辣！！雞軟骨超得！令個干鍋多咗個口感，脆脆地咁！而肥牛就吸唒啲味，好正🤩 ================= 川粵 (尖沙咀) 尖沙咀廣東道82-84號流尚坊11樓 =================

JoJo Chan 3 年前

放假同朋友喺尖沙咀睇完戲，天氣轉涼咗不少，大家都想食辣嘢，上網搵到這間新開川菜，而且有乾鍋食嘅餐廳。 🌶️至尊套餐$108 這個是店員介紹的，可以一次過品嚐9款四川小食，啱晒心多多嘅我，套餐已包白飯🍚。 以九宮格木盤盛上，賣相都幾靚✨，裡面有口水雞、紅燒牛肉、蒜泥白肉、涼拌木耳、涼拌萵筍、尖椒皮蛋、泡椒鳳爪、麻辣魚皮及紅油抄手；各款口感香辣惹味，我最鍾意食係麻辣魚皮🐟，非常之爽脆，朋友就鐘意紅燒牛肉🐂，牛肉煮得好焾好軟熟，牛味亦濃。 🥘晚餐干鍋(五餸起) 有廿多款餸菜選擇，價錢由$28起。 我地選咗蓮藕、豬腸、肉片、花菜及萵筍，辣度可隨客人選擇，我哋選咗中辣🌶️🌶️。 份量都幾多，仲有個火爐🔥暖住，一邊食，一邊傾偈都唔怕餸菜凍咗，干鍋好香好辣，再飲啖冰凍嘅「烏龍茶🌱」$18 x2，好爽😋。

fatty foodie 3 年前

一向都無辣不歡, 係流尚坊新開左間叫川粵, 一睇就知係食川菜辣野,見到MENU有雞煲就比佢吸引左去試試啦~ 岩岩新開, 樓上鋪乾淨企理, 裝修簡約。 叫左雞煲聽到佢地係廚房即刻炒雞既滋滋聲令人期待~ 重慶雞煲 $168 同港式雞煲唔一樣, 唔係平時既雞煲醬味, 而係紅油麻辣, 雖然係油左D但陣辣味特別勁而且好惹味, 份量都好足依度只係半隻咋, 而且唔會骨多過肉, 叫碗飯送食完都飽左。 另外叫左D小食試下,泡椒鳳爪, 麻辣魚皮同埋涼拌萵荀, 都係$28-$38不等, 價錢好合理, 而且全部都係愛辣人士會中意, 因為夠哂味, D醬汁調得好香。最中意麻辣魚皮好爽脆, 估唔到係依D小店都食到。 見佢有D SET LUNCH, 價錢都幾抵食, 諗住過幾日叫同事黎試下LUNCH~!

Andy Chan 3 年前

川粵，位於尖沙咀廣東道流尚坊，距離地鐵站幾分鐘，餐廳以四川菜為主，餐牌選擇非常多，有辣有不辣，總有一款合心意。 先來一個川菜代表-麻辣干鍋，五餸起，每款都只是幾十元，認真超值，叫了芽菜，萵荀，豬頸肉，雞軟骨，豆卜，所有菜式全吸收了川式麻辣味道，辣度不算太強，越食越過癮，送飯食一流。 不辣選擇有椰子雞鍋，大量椰子味道鮮甜，半隻雞份量足，雞肉嫩滑。 小食強烈推介泡椒鳳爪，真的是令人驚喜的味道，泡椒辣度強，鳳爪有咬口，添食之選。

Leo S 3 年前

尖沙咀新開張川菜料理 晚市同朋友仔一齊搵左呢間新開既川辣餐廳，碟碟都辣到令人上癮，鍾意辣既朋友真係要試試！ #酸菜肥牛煲 $188 足料金黃色湯底既肥牛煲，金針菇特別多，肥牛都片片分明易咬口，酸菜湯底夠曬入味！ #重慶雞煲 $168/半隻 勁多乾辣椒而且湯底好鮮紅，辣度非常！雞件吸曬辣味愈食愈起勁，鍾意食辣真係要試試！ 之後仲叫左好多小食，碟碟都花時間醃製相當吸引。 #蒜泥白肉 $36 #麻辣魚皮 $38 #尖椒皮蛋 $32 #涼拌木耳 $28 #口水雞 $48 #川粵 📍尖沙咀廣東道82-84號流尚坊11樓 #mroolong #foodieoolong #foodie #hkig #hkfoodie #hkfoodstagram #hkfoodblogger #hkfood #foodielife #foodiehk #life #foodiegram #foodpic #travelhk #本地遊 #香港美食 #尖沙咀美食 #尖沙咀川菜 #香港川菜 #川菜 #辣 #相機食先