川莊

Lotus 2 年前

食落唔係太正宗、性價比低嘅四川菜。。。 最失望係個賽螃蟹，入面有好多塊剪蛋，蟹肉成份好少，成碗都係油，食完好似飲咗幾杯油落肚咁。 另一碟辣子雞，入面竟然有炸薯條，薯條係多過雞，啲雞又多骨少肉，非常唔值得收咁貴。 正常少少嘅係鹹蛋黃炒秋葵同豆角。

carcar.foodie 3 年前

📍川莊 心心念念想食川菜，於是又去左食川莊😆今次特登嚟試佢招牌嘅酸菜魚🐠 🐠招牌酸菜魚 $338 佢係南充特色酸菜魚-桂花魚，魚嘅肉質比較好，幾嫩滑，而且冇魚骨，好加分😆味道上幾惹味；份量亦都好足料，亦都俾你揀想要嘅配料，咁今次就揀咗蓮藕片、萵筍條同埋木薯粉條，份量十足，食到底都仲有，吸收埋啲湯汁，麻辣既感覺好上癮！份量其實都真係好多，所以3-4個人share食就差唔多啦👍🏻 🌶️麻辣鴨血 $160 喺出邊好少食鴨血，因為出邊好多都唔好食🥲但呢碟見到好多人叫，於是就膽粗粗要嚟試吓～鴨血嘅份量勁多，大概都有十幾嚿；個質地係硬身嘅，唔會淋到夾唔起果種～而個醬汁就比較稠身既，鴨血亦都好吸收啲醬汁，所以特別好食！ 🌈七彩雞翼拼盤 $75 顧名思義就係有七種唔同顏色既食材整成嘅七彩雞翼，當中有三款辣味雞翼同四款唔辣嘅雞翼，味道包括香辣/麻辣/韓式辣/ 紫薯/芝麻/沙律醬同芝士，每食一隻都有唔同嘅味道😆覺得香辣同麻辣味幾好食，雞翼面頭淋咗特製嘅辣醬，會有種愈食愈開胃嘅感覺；但！可能當晚人流太多，廚師趕住出餐，啲雞翼有啲燒唔熟，眼見仲有血絲🥲所以扣左少少分～ 🍹特大新鮮果茶 （700ml) $62 食咗咁多辣嘢，一定要帶返杯嘢飲解下辣🥵叫咗杯比較健康嘅新鮮果茶飲，水果好足，食到有橙、火龍果、檸檬等等嘅水果喺裏面，味道方面就同出邊差唔多啦，不過不失😗 ⭐️好味指數：8/10 📍川莊 (旺角) 旺角亞皆老街8號朗豪坊12樓12號舖

Kermit 3 年前

📍 📍 📍 川莊 (旺角) 旺角亞皆老街8號朗豪坊12樓12號舖 辣癮又起既我見到朗豪坊呢間川莊好評如潮點可以唔試😆😆😆呢到樓底好高，坐落好舒服，一坐低每人就有一杯八寶茶，賣相精緻，好高質！ 👉 水煮麻辣豆花烤魚（配菜：萵筍條、牛肚、水晶粉皮) 💰$348 😋😋😋😋.5/5 江團魚好小聽，所以就試下乜黎😋😋個一黎到，夾起小量魚肉，已經好入味，肉質嫩滑，吸埋啲麻辣汁，係魔鬼同天使嘅混合！叫得做豆花烤魚，當然要有豆腐花。 水晶粉條好有口感，索埋啲湯汁，好正！呢個係必叫！牛肚都好驚喜✨✨✨好大碟，配埋辣汁食姐好食！而萵筍絲夠爽脆！我地食左曬都唔洗加湯！😋😋😋 回頭: yesYesyes!!!好食環境又舒服，坐足兩個鐘店員都依然咁好服務，而且價錢唔貴，可以再黎！💓💓💓😆😆 #kermit食在旺角

ECC Chan 4 年前

餐廳走形格裝修路線，座位舒適。 酸菜魚加了金針菇份量很多，足夠2人吃。食量小的應該會吃不完。 看了menu 上的特別推介，點了四川保寧醋香排骨，很失望。排骨味道偏淡，汁太希。看來要多煮一會至收汁，味道應該會好好多。 樓面的工作人員不足，下午時間只有幾檯客也常常找不到侍應。 剛坐下時待應就奉上八寶茶，味道不錯。結賬時才知道原來要收$15一位。幸好沒有點其他凍飲，否則沒有怎麼喝它就白白浪費了。 總括來說，好吃的川菜，在旺角區還有其他更佳的選擇。

Ho Cin 上次編輯：4 年前

🗒 睇餐牌菜式多又地道且價錢好合理，我哋點咗好幾個人氣菜式： 🐟 Mandarin Fish Fillets with Vermicelli & Pickled Vegetable 南充特色酸菜桂花魚 $318 例牌價，可選辣/不辣 ⤴️ 食川菜點可缺少酸菜魚！例牌份量大有好多魚片、3個人食綽綽有餘😍！桂花魚非常嫩滑、店家好細心把細骨去除令客人食得放心，裡面亦有煙韌滑捋捋的水晶薯粉、“𠽌”一聲咁吸晒入口好正，呢個差唔多係每枱必點菜 🐔 Mouth Watering Chicken 川莊口水雞 $125 ⤴️ 我哋大讚的另一菜式👍 雞件亦已全去骨用竹籤篤住方便食，麻辣鮮香嘅雞肉口感超爽嫩肉質夠滑，味道層次豐富、🌶辣嘅級數我可以接受，真的忍不住一口接一口咁食，好好味🤤 🦐 Fried Prawns in Salted Egg Yolk and Dried Okra 翡翠黃金蝦球 $188 ⤴️ 這個菜我們也讚口不絕💯！蝦球表面沾滿鹹蛋黃蓉，影相時我已被飄著的香味電到、真想即刻吞晒佢哋落肚😻！蝦球炸得爽脆不過火，鹹香惹味的鹹蛋黃🟠簡直是錦上添花，真正人人食過笑呵呵😁 墊底的秋葵脆卜卜💚 🍢 Eel Skewer 鰻魚串 $32 ⤴️ 魚係我頭號必點食物，呢個鰻魚燒得好香皮脆肉嫩、正！ 🐐 Barbecued Lamb Rack with Cumin 孜然羊架 $48 ⤴️ 用孜然粉調味的羊架香濃鮮味，肉質算軟稔，朋友們豪邁哋大快朵頤😄 🐑 Lamb Skewer 紐西蘭羊肉串 $35 ⤴️ 羊肉🆗️軟嫩，孜然麻辣醇香，喜歡食羊會幾like這個風味小吃 🐮 Wagyu Beef Skewer 一口和牛串 $32 ⤴️ 和牛粒本身有油脂令口感較油潤軟腍、孜然和其他調味恰到好處，蠻有新疆街頭小吃風味🔥 🍗 7 Spices Chicken Wings Platter Pepper Sauce/Sichuan Sauce/Korean Sauce/Purple Potato/Sesame/Salad Sauce/Cheese 七彩雞翼拼盤 $89 香辣/麻辣/韓式辣/紫薯/芝麻/沙律醬/芝士 ⤴️ 7種味道的雞翼拼盤各具特色，既上鏡又吸睛兼食味不俗😊！當中的紫薯味🍠坊間少見、幾款辣味的異常香濃🔥、芝麻味很香口🖤、沙律醬和芝士味道正常發揮😚 🥄 Soup▪︎湯 🥣 Diced Fish Soup with Vegetables 翡翠鮮魚羹 $55/位 ⤴️ 好足料兼大碗的鮮味魚羹、嫩嫩的魚蓉和蔬菜是個無敵組合，調味得宜剛剛好，好滿足🔝 🌶 Hot & Sour Soup 川莊酸辣湯 $52/位 ⤴️ 朋友點這個說辣得過癮、酸酸辣辣配料又多，絕無欺場😉 🍅 Cherry Tomatoes with Salted Plum Sauc