麻辣香鍋 (旺角)

Anthony Mak 1 個月前

平日夜晚大約2000去，人唔多，直入隨便搵位坐低。枱面已經放好QR code直接落單，點咗一個翠玉瓜炒腩肉晚餐，微辣，加HKD 8要個凍酸梅湯走冰。 個酸梅湯因為走冰所以佢上嚟嗰陣已經少咗一截，但味道正常嘅。個炒肉上面啲翠玉瓜切得幾好，每一塊貼邊，炒得淋但爽口，啲肉都真係腩肉，係見到一層肉一層油嘅，幾均勻，切得都幾薄，食落都算爽，味道正常，不過成個菜都比較多油。跟餐有個飯，都有咬口，粒粒分明嗰種，但冇乜飯香。 餐廳冇乜服務，坐低水都冇杯，但餐具嗰啲佢一早放好，有紙巾供應。埋單HKD 76，收八達通同埋主流QR code支付。

Falav 5 個月前

來一客藤香雞 ($66)，辣度可選擇，呢個辣椒份量系小辣。 雞件浸煮得相當入味，有藤椒香味，凍凍地又少少惹味辣度，空口食都唔會過濃味，用黎送凍飲都幾唔錯。 講起凍飲，除咗有D特式飲品如酸梅湯/百香果檸檬茶外，仲有港式飲品，凍奶茶及可樂就成為呢餐解味飲品。 想要爽脆口感得黎又帶點濃味，呢客蒜香拍青瓜 ($38)就岩曬。尤其系呢D初夏日子食，輕鬆無負擔。 唔系見到餐牌有，都唔知系川菜店可以有得食蕃茄炒蛋 ($68)。賣相絶對似平時媽媽出品。 味道帶酸甜，蕃茄仍然食到，唔系煮到溶曬; 炒蛋塊多過蕃茄，用佢黎撈飯食，絶對可以輕鬆幹掉一碗。 招牌香鍋五餸起，多款食材，由海鮮，肉類至蔬菜類都有，要選擇嘅系醬汁方面要辣 (麻辣/香辣)，唔辣 (醬香)，加埋大蔥芹菜一齊炒，炒起再放芫茜及芝麻。 成鍋上枱，呢度系五餸份量，包括有鮑魚 ($68/4只)，鯛魚片 ($42)，豬皮 ($36)，牛肚 ($46)及花菜 ($26)。 鮑魚有點厚度，食起黎幾彈牙。醬香汁味道帶少少微甜，叫豬皮及牛肚就系想索佢嘅汁，而鯛魚片炒得幾爽口，花菜夠腍甜。份量夠多，食得相當滿足。

Nicole Fung 5 個月前

很喜歡幫襯朗豪坊附的麻辣香鍋，因為地點方便，食物出色，而且價錢相宜，亦能滿足我的嗜辣口味，認真是我的摯愛😍😍😍 是夜晚餐以招牌香鍋作為主軸，我們選了醬香小辣，既保留了醬底的濃郁，又帶少許辣度提味。鍋內的新鮮鮑魚有四隻之多，口感彈牙，吃出海鮮的鮮甜。海蝦的加入讓整鍋更添鮮味，與醬香非常合拍。雞軟骨則帶來爽脆的咬感；鮮腐竹非常會吸收湯汁，每一口都能吃到滿滿的醬香，是配飯的好搭檔。五花肉片在鍋中釋出油脂，讓整體風味更圓潤豐厚。

ken ken 8 個月前

麻辣香鍋 MALA HOTPOT 旺角砵蘭街198號地舖 WINTER 冷風吹, 食川菜好似特別多人,好彩食物可自選辣度, NO WORRY ! BB 辣架我都仲生存到, 同佢架調味好芳香, 遠處已經聞到 招牌香鍋$28 BASE + 不同食材不同價錢, 要選最少五款食材$(萵筍、，脆玉瓜，魚片同牛筋、雞軟骨) 選擇口味，辣度等等， 有得揀醬香，唔一定要食辣😂將材料炒成一品鍋送上。 各食材份量十足， 熱辣辣，當中推介的是雞軟骨，食落去清脆爽口，口感彈牙， 味道濃烈，食材吸曬香濃架辣汁非常惹味，配飯一流 麻辣雞，個醬都係芳香，小油！ 蝦炸到好香口，彈牙呀！佢係鹹蛋黃架！油香十足

Nancy Lee 8 個月前

逛完朗豪坊之後就在附近看到這家麻辣香鍋！餐廳以用了獨家秘製香辣醬料而製成的麻辣香鍋而聞名，還有提供各式各樣的川菜～ 招牌香鍋配菜選了蝦球、牛肉片、花菜、薯粉及鵪鶉蛋，既惹味又有鑊氣！片皮鴨味道正宗 水煮牛肉肉質軟嫩入味！還喝了百香果檸檬茶及金桔檸檬茶～