Common Man Coffee Roasters - Hong Kong

Piyo - ピヨイー 7 個月前

今次去咗 Common Man Coffee Roasters 食早餐，整體感覺有啲兩極。 先講好嘅地方。 佢哋嘅 Full Breakfast 做得幾穩陣，食材新鮮，蛋、腸、蔬菜配搭都算平衡，係一份幾標準、唔會出事嘅西式早餐。座位環境亦幾舒服，空間感夠，氣氛輕鬆。 不過甜品就真係令人費解。 今次試咗 紅豆 Pancake，本來以為會係日式方向，但實際上竟然配 藍莓醬。 藍莓本身帶酸味，紅豆又係溫和甜味，兩樣加埋完全唔夾，反而變成一種怪異嘅酸甜感。老實講，呢個組合簡直有啲侮辱咗紅豆。 如果單純用紅豆加牛油或者黑糖，應該會好得多。 咖啡方面就 普通合格，唔難飲，但亦冇特別驚喜。以一間主打咖啡嘅店嚟講，只能算中規中矩。 服務方面有一點幾特別： 入座時會先問你 會唔會食嘢，如果只係飲咖啡，就只能坐 吧枱位置，餐桌主要留俾用餐客人。 價錢方面亦唔算平，一杯飲品加一份食物，平均大約 $200 起跳。以呢個價位嚟講，味道如果再精準啲會更好。 總結： 鹹食穩陣、環境舒服，但甜品配搭有點迷惑，咖啡表現普通。 如果係食早餐可以一試，但對甜品就唔好抱太大期望。

CeSaRe CHEUNG 7 個月前

去到K11 Art Mall 嘅 Common Man Coffee Roasters，試咗佢哋兩款主打：Cubanos Sandwich 同 Smash Burger。😋 先講 Cubanos Sandwich，真係要大大力讚！外皮烘到香脆，咬落去有種「卡滋」嘅滿足感，入面嘅餡料又香又惹味，層次感好豐富，食落口感一流，完全係令人想再encore嘅款！👍✨ 至於 Smash Burger，就…唔係唔好食，味道都ok嘅，肉味同配料都算平衡，但就未去到佢宣傳入面講到咁「爆汁」🤔。可能期望太高，所以覺得一般般啦～不過整體都係好食嘅。🍔 另外要提一提，佢哋嘅 staff 真係好friendly，笑容滿面，服務態度好好，令成個用餐體驗加分好多！🙌💛 如果去 Common Man Coffee Roasters，Cubanos Sandwich 必試！Smash Burger就睇心情啦～但無論如何，環境同服務都值得一讚！👏

CH CHAN 1 年前

星期六晏就嚟食，等左一張枱到 土耳其早餐 好好食，隻酥皮半熟蛋好好食 個pita bread都好好食，口感好，同有小麥味，撈埋隻流心蛋食啱啱好 有少少薯寶係底 個hummus 都好fresh同well-seasoned 沙律菜ok新鮮個汁ok refreshing 食完成份早餐都唔會好「流」 成件事有驚喜 咖啡都ok高質好飲 炸雞三舊都好大舊，炸得好脆， 不過層炸皮下面啲雞肉無乜味， 同埋個醬都好淡食唔出有咩味， As in食唔出大概咩材料，同埋係咸定辣定係ranch類嘅醬 靠層炸皮拉番分, overall 不過不失 朋友多又鐘意食炸野嘅可以試一次 我食量ok，食完一舊都好飽 Laksa mac n cheese overall 好淡 Overall無乜laksa味， 啲蝦有肉地但係唔入laksa味 Mac n cheese無乜芝士味 無論香味同調味比好清淡…. 少失望，IG reels吹大左 明明個土耳其早餐食完都唔「漏」 應該唔會之後食嘅野無乜味😂 Overall都會再黎，但可能試下其他野同食多次土耳其早餐 同埋都幾好坐，唔會趕人走 食完可以同朋友飲住啡傾計

Eat and travel 1 年前

終於明白，點解這間餐廳，門口經常都會排隊 今日午餐，食過佢哋嘅牛扒，$200 的價錢竟然有濃郁嘅牛味，性價比超高 而且其他食物嘅價錢都唔算貴，早餐仲可以加錢，添加其他食物，包括煎蛋，蘑菇等等 這間餐廳值得推薦給大家

Slowbites.slowlife 1 年前

✨整體上有服務，食物高水準，份量又大！價錢好均真。值得食多幾次! 🎡 店面好大！一入門口就會見到左手邊有好多唔同種類/國家的咖啡豆售賣！店面就行簡約舒服風裝修。寬闊明亮，空間感十足。仲有個大水Bar, 可以睇到Barista系點樣沖咖啡。 🥢🍽️ 我哋一行4人，每人一個main course, 一杯嘢飲，人均~$170 🍤🍲 King Prawn Laksa Mac & Cheese 都好出色，唔會系好似平時果種過於奶/Creamy. 反而佢幾Light, 然後又有少少少少Laksa味吊番個味。 🥪Cubanos Sandwich + 🍟herbed fries $125 份量好巨型 😂 我哋個鬼佬都surprise左，配料都十分之多！ 有slow cooked豬 🐷, ham, Cheddar cheese 等等，味道好鹹香。薯條調味好惹味，令到我不停食。 😂 🐷 Slow Cooked Pork Shoulder $150 豬肩有2大塊，平時出去食都成$200起跳。肉質有嚼勁，肉味都濃厚，配上清新的薯蓉同 Brussels Sprout仔，中和番成道菜。 🥪 Umami Mushroom Avocado Toast $125 哩個係佢哋signature, 真係幾好食。Toast底係佢哋handmade focaccia, 如果有食開包，都知focaccia 難買，好食的focaccia更難買啦！佢哋哩個個人認為好出色，有少少濕度，唔會太乾爭爭！配料就有牛油果，不同菇菌 (好多菇味)，醃制紅洋蔥 (好香口，升華咗其他味。 ☕️ Double Shot Mocha 同出面飲的好唔同，double shot所以咖啡味好濃厚，朱古力就系用左dark chocolate couverture，所以唔會好甜。 💡 值得一提: 18/10下午5時後先開始營業喔! ❣️聽到隔離枱讚佢哋的意粉好好食~ 的確，我哋的通心粉都非常出色，又Al Dente! ✨ 整體上 環境: 🌕🌕🌕🌕🌕 服務: 🌕🌕🌕🌕🌕 食物: 🌕🌕🌕🌕🌕 抵食: 🌕🌕🌕🌕🌕