Dan Ryan's Chicago Grill (Causeway Bay JP Plaza)

Karena Chan 1 個月前

麵包籃 一籃4件唔同今次有埋朱古力Muffin 即刻加分啦 湯/沙律 原先跟Set係忌廉周打蜆湯 但見到加30幾蚊就可以升級做雙重芝士洋蔥湯 梗係要試吓啦 厚厚嘅芝士焗完鋪咗喺湯上面 一撩開個芝士面頭勁香洋蔥味 另外就要咗Caesar Salad 份量都好多吓 BBQ Pork Ribs Burger 手撕慢烤bb豬肉漢堡 一埋到枱 見到個Burger咁厚實已經幻想緊個口點樣放得落 XD 分別有牛肉漢堡扒手撕豬肉 大大片芝士 仲有生菜同紅洋蔥 牛肉漢堡扒多汁 手撕豬肉就用咗BBQ汁烤過食到有甜味 食落層次豐富 個包就夠晒軟熟 On side仲有粗薯條 食晒成個Burger再食埋酸瓜 balance番 Beef Steak Fettuccine 蕃茄肉眼牛柳寬麵 面頭巴馬臣芝士同埋火箭菜 粒粒肉眼牛柳肉質幾嫩 寬麵掛晒汁 最後甜品就要New York Cheese cake 餅底脆脆哋 食落雙重口感 個Cake 夠smooth Chocolate brownie就好濃朱古力味

HoEat Holly 2 個月前

最近去咗美式餐廳Dan Ryan係銅鑼灣嘅新分店，真係好有芝加哥 feel，裝修都有心思🚋，有大電視🖥。前菜麵包籃 muffin 真係勁好食🥰 晚市2人餐包咗周打蜆肉湯 (推介！好飲又足料) / 炸洋蔥圈🧅、一大份好食又健康豐富嘅沙律🥗、主食(我哋揀咗炭烤豬扒🐖，有兩大塊，上面烤到有網紋，配蘋果蓉🍎 & 薯條🍟)、仲有兩款甜品 (揀咗 cheesecake🍰 & brownie🍫)，真係好抵，好滿足！

Wing_thefoodie 3 個月前

Dan ryan 銅鑼灣新店 銅鑼灣新開Dan Ryan，就喺戲院隔離，非常之方便。今晚嚟食晚餐，安排了極寬敞卡位，用餐體驗不錯。 是日餐湯係雜豆牛肉湯，湯底偏清帶微甜，配上多款豆類，口感豐富又有層次，暖胃又滿足。 四重芝士焗貝殼粉用上瑞士、車打、古也同馬尼拉芝士，交織出濃厚奶香，醬汁仲加入魚露、是拉差同法式芥末，鹹香中帶微辣同輕微刺激感，唔會單調，反而幾有記憶點。 烤半雞外皮滿佈濃厚醬汁，肉質保持多汁，調味不過重，炒蘑菇表現穩陣，香氣突出，簡單調味已經帶出菇類本身鮮味，作為配菜幾討好。 甜品鮮焗美國蘋果批係完美句號，蘋果餡熱辣帶肉桂香，甜度適中，批皮酥鬆不油膩。 Dan Ryan 菜式配搭豐富，味道有心思又不失親和感，適合想食得滿足又帶少少fusion感嘅一餐。

Kermit 4 個月前

📍Dan Ryan's Chicago Grill (翡翠明珠廣場) (銅鑼灣) 銅鑼灣百德新街22-36號翡翠明珠廣場2樓 • Bread Basket 🥖：暖暖麵包籃一上枱就香氣四溢，外脆內軟，入口鬆化，配牛油更滋味。 • Caesar Salad 🥗🧀：生菜爽脆清新，芝士鹹香濃郁，加埋特製醬汁，口感層次豐富。經典沙律款式，清爽又開胃，食完仲想再添。 • BBQ Chicken Drumsticks Risotto 🍗🍚：雞槌燒到外皮焦香，肉質嫩滑，燴飯奶油香濃，煙燻味同米香完美融合。每啖都充滿滿足感！ • Hanger Steak with Sweet Potato Fries 🥩🍟：8oz牛扒肉味厚實，煎到外焦內嫩，配上甜薯條香甜脆口，鹹香同甜味交織。口感層次豐富，食落非常過癮。 • House Made Brownie with Chocolate Strawberry 🍫🍓：布朗尼濃厚綿密，朱古力香氣滿滿，配上草莓酸甜清新，甜中帶酸。每啖都好幸福，完美。 回頭:Yesyesyes，野食大份又好食，又坐得舒服😆😆😆 #Dan Ryan's Chicago Grill

Wallis Wcw 4 個月前

尋晚同朋友去咗銅鑼灣間Dan Ryan's，餐廳裝修充滿美式復古風格，木枱同柔和燈光好有氣氛，最得意係頭頂有小火車軌道，真係有架小火車慢慢行緊🤣一邊食住野一邊望住火車轉圈，感覺又chill又歡樂，絕對係影相打卡位😊 我地叫咗個二人套餐，每樣嘢都高質到要俾滿分！ 首先有唔同嘅餐包同鬆餅，暖笠笠好好食😋 - 🥣 周打蜆肉湯 濃厚creamy，蜆肉鮮甜 - 🥗 招牌凱撒沙律 生菜超脆口，醬汁均勻唔會太膩，麵包粒同巴馬臣芝士碎完美點綴 - 🔥 炭烤封門牛柳 全晚重點！封門柳肉味極濃，炭烤香氣十足，切開粉嫩多汁，完全唔使點醬已夠味，配菜嘅薯條又熱又香脆，連粟米都好好食👍🏻 - 🍰 自家製布朗尼 焗到外微脆內濕潤，朱古力味濃郁，配新鮮朱古力士多啤梨，幸福感爆燈😍 - 芒果醬汁芝士蛋糕更加驚喜，芒果醬酸甜清新，一啲都唔滯，超好食🤤 - 成餐飯由湯到甜品都無懈可擊，加上咁有特色嘅環境，服務員仲好有禮貌😉銅鑼灣店地點方便，強烈推薦俾情侶或者朋友聚餐。👍