豆公館 Dau Gung Gun

duckin_foodelicious 1 個月前

魚肉煎豆腐 豆腐好滑，上面有魚肉，煎得好香🐟 肉鬆芝士蛋餅 餅皮好煙韌，入面有雞蛋🍳、椰菜、芽菜、甘筍絲、肉鬆、芝士，每舊都好飽滿👍。芝士仲有拉絲🧀 港式鐵板蛋炒腸粉 熱辣辣幾有鑊氣🔥，腸粉好滑，幾鐘意焦香嗰啲位，幾有咬口🤩。仲有甜醬、麻醬、芝麻。 老乾媽炒米粉 呢個幾辣🌶️，老乾媽醬幾香幾惹味，米粉都炒得好濃味，好煙韌，仲有洋蔥同芽菜🧅。 豉油王炒麵 份量好大份，有甜醬或者辣醬揀，炒得好香🍜 凍楊枝甘露豆漿 呢個幾特別，飲落去有淡淡嘅芒果味🥭，偏杰身。 薑汁豆漿 薑汁味都好重，豆味好香濃，好滑🫚。 經典原味豆腐花 豆腐花都幾滑，黃糖係自己加嘅，想落幾多黃糖都得👍 凍花奶仙草芋圓豆腐花 啲芋圓好煙韌有咬口，仲有一粒粒嘅仙草。豆腐花加埋花奶幾夾🥰

Emily艾米莉 6 個月前

🥢 豆公館:從鹹點到甜品，每一啖都係驚喜！ 今天來到這家bookmark咗好耐嘅豆公館，全部嘢食都超高水準，傳統mix港式融合到極致，無論當正餐定下午茶都好滿足😋 * 肉鬆芝士蛋餅 台式與港式嘅完美結合！蛋餅皮煎得好煙韌，芝士半融化拉絲狀態，配上鹹香嘅肉鬆，食唔停！ * 鐵板蛋煎腸粉 個人最愛🌟 腸粉爽滑彈牙，在鐵板上煎得兩面金黃微焦，港式醬汁滿分調味，同蛋炒埋一齊又幾夾💖 * 老乾媽炒麵 🌶️ 重口味愛好者的福音！老乾媽的香辣油潤完美滲透進每一條麵線中，香辣惹味，好開胃🤤 * 無糖淡豆漿 無糖飲品係解膩神器，豆味好濃郁，feel到真材實料，健康之選🥇 🍮 甜品系列：視覺與味覺的雙重享受 * 椰汁桃膠雪燕西米露豆腐花 這碗簡直是「平民燕窩」！桃膠和雪燕口感彈牙，配上香濃椰汁同軟糯西米，下面嘅豆腐花滑捋捋，蛋白質之選！ * 泰式奶茶珍珠啜啜豆腐花 泰式奶茶嘅茶底濃郁，珍珠夠彈牙，豆腐花好smooth咁啜入口，一次過滿足甜品&飲品!

Koo Joey 6 個月前

擒日係旺角做完野就同同事係附近食返個tea先收工，撞啱下午茶時間，唔太多人就入黎試下呢間豆公館。 呢間小店以豆品為主，由主食到甜品都有超多選擇，非常啱我地呢d鍾意食主食又食甜品既為食客。 一口魚肉煎豆腐 一碟4件既煎豆腐外脆內嫩，魚肉鮮甜彈牙，配埋秘製醬汁超級惹味，係必試既小食。 麻油咖哩蘿蔔豆腐豆卜 咖哩香氣濃郁，清甜既蘿蔔+嫩滑既豆腐再搭配埋索滿湯汁既豆卜，雖然看似簡單但卻令人回味無窮。 老乾媽炒麵 開頭唔知老乾媽係咩黎，後未先知原來係個醬既牌子，炒麵出黎香辣惹味，同埋豆豉味都幾出，可能我加辣既關係，所以碟底比較多油少少，唔好睇佢好似細細碟，但係份量相當足料，但整體黎講都係👍👍👍 麻醬雞絲蛋餅 手工蛋餅一定要試，蛋餅皮煎得金黃色，咬落去外脆內軟，入邊鋪滿餡料，雞絲分量超多。 麻醬超香濃滑，每一啖都有濃厚既芝麻香味。 餐肉煎蛋肉燥出前一丁湯麵 肉燥煮得好入味，餐肉再加上一隻燶邊蛋，整體味道好夾，一碗可以食到飽飽。 原味豆漿＆黑芝麻豆漿 除左原有豆香味之外仲多左一份芝麻香味，一次過滿足晒2個願望。 豆腐花選擇非常多，有好多創意既組合。 我地今次分別點左一個咸食一個甜食既豆腐花 招牌麻婆豆腐花 見到meun時已經好期待！ 估唔到豆腐花都可以咸食，仲要係配上麻辣，感覺好新鮮。 豆腐花基底好嫩滑，配上炸菜、花生粒、麻辣醬，刺激味蕾別有一番風味。 薑汁雪燕桃膠豆腐花+芒果粒 一上枱成個碗都鋪滿養顏既雪燕桃膠+香甜芒果粒，完全遮蓋晒下面既豆腐花，淡淡既薑味伴隨香濃既豆香，為呢個tea time劃上完滿句號。 總結：餐牌選擇非常多，仲融合咗好多創意，由主食到甜品都有，而且價錢合理又有新鮮感。絕對會再約朋友下次試埋其他招牌菜。

林崇禮 11 個月前

# 🍜【旺角豆公館】台式小確幸＋濃郁豆腐花的完美結尾 今日放工同老婆行到旺角登打士街，無意中見到間叫**「豆公館」**嘅小店，門口乾淨企理，裝修好簡約，有啲台灣懷舊風，木枱木櫈配暖黃色燈光，感覺好舒服。坐低冇幾耐就已經聞到好香嘅豆味，成間鋪都有淡淡嘅豆漿香氣，環境清新乾淨，完全冇油煙味。 --- ## 🍚 **台式肉鬆肉燥蛋飯（$62）** 呢碗飯一上枱已經好吸引！用金屬碗盛起，熱氣滾滾。飯面嗰層**肉燥香味超濃**，肉燥煮得好入味，鹹香中帶少少甜，好台味。 上面再加厚厚嘅豬肉鬆同一隻半熟太陽蛋，一戳落去啲蛋黃慢慢流出，混埋飯同肉燥一齊食，好邪惡但好滋味🤤。 整體味道平衡得好好，唔會太油膩，份量又夠——一碗可以食得幾飽。 --- ## 🥞 **麻醬雞絲蛋餅（$48）** 好耐冇食過台灣style蛋餅，見到就忍唔住要叫。 蛋餅皮煎得金黃色，咬落去外皮脆脆地，入面軟糯，雞絲分量出奇地多。 淋上嘅**麻醬超香、又滑**，每一啖都有濃厚芝麻香氣。 老實講，一咬落去真係好有台灣夜市feel，完全喚起去台灣旅行食早餐店嘅回憶。 --- ## 🍜 **蔥油雞絲撈丁（$49）** 呢個真係童年回憶，因為好耐冇食過撈丁！ 撈丁用嘅即食麵煮得剛剛好，唔會爛，撈汁鹹香惹味。 上面堆滿咗蔥花、雞絲同炸蒜碎，香氣好足，睇得出用料唔手軟。 整體味道非常地道，邪惡得嚟又好好食😋。 --- ## 🥛 **薑汁豆漿（$28）** 一飲落去薑味幾重，**薑味濃烈但唔嗆喉**，豆味又夠。 冬天飲一啖成個人都暖晒，好啱夜晚慢慢歎。 --- ## 🍮 **豆腐花 — 今日主角！** 講真，嚟「豆公館」唔食豆腐花就等於白嚟！ ### 💚 **開心果豆腐花（$46）** 一上枱已經聞到開心果香，賣相好靚，上面鋪滿碎開心果仁。 豆腐花係暖嘅，滑滑嫩嫩入口即化，開心果醬**香得嚟好濃郁、仲有堅果香氣**，成個配搭超夾，好有層次感。 食到最後一啖都仲覺得意猶未盡。真係今餐嘅最大驚喜！🥰 ### 🧡 **凍楊枝甘露豆腐花（$49）** 凍版豆腐花口感比較實少少，豆味會輕啲，但勝在配料好豐富。 上面有芒果肉、柚子肉同椰汁，酸酸甜甜又清新，夏天食一流～ 雖然冇開心果嗰碗咁驚艷，但都算好 refreshing！ --- ## 💬 **總結評價** > 「豆公館」係一間好有誠意嘅台式小店。環境乾淨企理，食物好有水準。 > 尤其係豆腐花，真係可以講係全場靈魂✨。 📍 **地點**：旺角登打士街43號登打士廣場地下3及5號鋪 💵 **今餐埋單**：$282／兩個人 ✅ **推介必食**：開心果豆腐花、麻醬雞絲蛋餅、薑汁豆漿 🌟 **整體評分**：9/10 最後講句真心話：以呢個價錢食到咁高質嘅豆味甜品加台式小食，**抵到爛！** 之後一定會再嚟試佢其他款豆腐花～

foodieeebloggerrr 1 年前

在旺角的豆公館，開心果豆腐花和楊枝甘露豆腐花讓人眼前一亮。開心果豆腐花上撒滿香脆的開心果，豆腐花的質地柔滑，搭配特濃開心果的香味，口感層次豐富。楊枝甘露豆腐花則帶有濃郁的芒果風味，清新爽口，特別適合炎熱的天氣。 除了豆腐花，店內的炒麵和其他小食也值得一試。特盛老干媽炒麵香氣四溢，搭配鮮嫩的蔥花，令人食指大動。綜合小食如蘿蔔糕和麻辣雞絲鐵板腸粉，味道醇厚，讓人感受到地道的港式風味。 整體而言，豆公館的菜式不僅色香味俱全，且環境舒適，適合與朋友聚餐或家庭聚會。288元的總消費，性價比高，值得一試！