DIO | Cafe Bar

T T 4 個月前

叫左2杯特色嘢飲 嚴重overpriced 薑味特飲 甜到你都唔信飲第一淡已經唔想飲 味道完全飲唔出有酒味 糖冬瓜特飲 叫好啲起碼有啲gin 味但同我去7仔一支gin 自己溝有咩分別 叫做有3粒糖冬瓜做點綴下 店員態度有待改善

eva kwan 9 個月前

皇后大道 ：飲落好似食緊西式早餐嘅楓糖醬pancake咁，口味偏甜，但係上面層好似奶蓋嘅cream同表面既粟米片有中和一下，overall成杯嘢飲係幾夾。 南北行街 ：羅漢果酒底加豬骨湯嘅熱飲，有啲似聖誕熱紅酒嘅變奏版，上枱既瓦煲造型別緻，熱飲風味十足，好適合凍凍地嘅天氣飲。 PEPPER TOM : 胡椒豬肚味好特別，與白胡椒infusion 既vodka 酒好夾。酸菜同白胡椒嘅配搭，就好似胡椒豬肚湯的味道。杯酒再有加辣及酒味特出，讓胡椒味更出眾。杯邊仲有白胡椒粉，一齊飲嘅話可以讓整杯飲品層次更加豐富。

Oscar Liu 1 年前

<Instagram 看更多 oscarrrrr_liu> 推薦指數：🌕🌕🌕🌕🌗 提神程度：🌕🌕🌕🌕🌕 再訪意願：🌕🌕🌕🌕🌘 喜歡咖啡調酒絕對不能錯過。 香港中環可以說是酒吧一級戰區，走三步就是一間排隊名店、走五步又是家 Asia's Best，喝都喝不完。 但如果在等待時想要有個好去處墊檔，或是嫌太早、夜還長需要些咖啡因提神，空間不大的 DIO 是個 easy come & go 的好去處。 想要咖啡跟調酒這裡都有，要咖啡的調酒那當然也是沒問題。各式各樣用咖啡、茶甚至是香港甜品發想的調酒非常有意思，值得歇會兒等候位子。

yuenling ho 2 年前

終於忙完喇😍還有兩個禮拜假期🤣😍！ 我立刻同姊妹們去左最近被Timeouthk評為最佳酒吧既Dio Café Bar，Chill一下先！呢度日間主打高級咖啡，下午時段開始供應雞尾酒， 這間酒吧的雞尾酒非常具有本地特色，尤其是他們與本地利口酒品牌「五味雜陳」合作推出的Winter Cocktail menu, 😜裡面每一款雞尾酒都好有玩味。使用的材料有部分都幾得意，帶有濃厚老香港風味！ 酒吧座位不多，所以好快爆滿，當我看著調酒師製作每一杯雞尾酒時都感到好新奇，看著東西方融合的調酒過程，不禁好奇會帶來什麼樣的味道？ 🦊 ⭐️Winter Blazer 中式杯子，放上兩片薑做裝飾，旁邊跟配小丸子，成個外表已經好破格，呢杯暖笠笠嘅雞尾酒，係以「五味雜陳」，洛神花酒作基底，加入自己煮的蜜糖薑茶，味道甜甜酸酸，有少少當歸味，好似我阿媽鄉下飲嗰啲甜薑酒感覺，係回憶啊！ 😍加埋小丸子，食嘅時候放喺酒入邊浸一浸，入入味，QQ彈彈有得咬下，好玩！ ⭐️Vietnam Dirty 調酒師用上 燒熱Rum 酒配搭越南滴漏咖啡，焦烤後滴落底有Pinacolada，椰子水、椰子cream、少少蜜糖上形成分層狀態，飲時需要大啖少少，如飲咖啡Dirty,一口氣由面飲到底，上面Rum酒熱下面果汁冰凍，冰火交融😜味道fruity♥️特別！ ⭐️Canton-Knees 用香港品牌「無名氏」手工氈酒做基底 ,加入本地蜜糖檸檬汁、梳打水、冬瓜汁，又甜又易入口，配上糖冬瓜，一路飲酒又咬啖糖冬瓜特別Sweet! 原來呢杯度數比較高，有成40度，如果想整醉個女仔，就叫比佢飲啦！🤣🤣🤣 ⭐️Salted Lime Highball 用上陳皮Whiskey特製的鹹檸檬，利口酒、加入Sparking Water ，配上一粒鹹柑桔做點綴，成杯鹹鹹地，又甜甜地！好味清新之作，度數都有成40度！又係啱比女仔飲醉嗰啲🤣 ⭐️Drunken Chicken （烈酒類） 呢杯「醉雞」好大陣容🤣有紹興花彫酒，糟鹵、辣椒酒、洛神花酒，加上幾粒杞子，最抵死臨尾仲加幾滴雞精添！好似好補🤣呢杯酒又咸又辣，酒精濃度調酒師話不能估計😜配上青瓜用來refresh一下鹹味👍淨係睇住佢整都覺得好有趣！🤣 ⭐️Leekgroni（烈酒類） 呢杯係我最期待嘅！煮熟左既京蔥去辣，中間冰塊係佢哋嘅logo，d酒甜甜地，其實呢杯係最濃烈嘅酒，因為甜，會不知不覺咁飲晒，我本身唔係好飲酒，但係我好鍾意呢一杯！飲到我high high 地！🤣

Wing Sum Lam 2 年前

Ig: gan_ngo_wan_sik 🍊 中環朝啡夕酒bar 富有東方特色嘅玩味cocktail🍊 今日同朋友喺中環食完dinner，就過咗嚟鴨巴甸街嘅「DIO Cafe Bar 」飲番幾杯，呢間酒吧朝早係咖啡店，夜晚就搖身一變做酒吧，bartender誠意推介最新嘅winter menu，係canton-inspired signature cocktail，見到啲材料都覺得好過癮，成個menu嘅cocktail由上而下，酒精濃度由淺入深，我哋分別嗌咗6杯。 🍸 Winter Blazer 呢一杯喺熱嘅cocktail，bartender會先用熱水坐熱咗隻杯，base喺用本地品牌「五味雜陳 Magnolia Lab」出嘅洛神花利口酒 Roselle Liquer，所以帶點酸味，再加入慢煮蜜糖去中和個酸度，配埋薑片同小丸子，成個賣相好似中式糖水， 小丸子浸一陣就有少少酒味，玩味十分重。 🍸 Salted Lime Highball 呢一杯喺用陳皮infused嘅whisky做base，加入咸檸味嘅Cordial、金橘味Liquer同梳打水，飲落去好似飲緊咸檸水咁，酒味唔係好重，非常容易入口，如果想再咸少少嘅話可以加埋杯上個粒咸檸檬入去攪拌，味道好清新，適合做頭一杯cocktail! 🍸 Canton-knees 呢一杯喺用本地品牌「無名氏 N.I.P 」嘅Gin做base，帶有杜松子、桂花、黃金梨等各種草本材料嘅清香，再加入本地製造嘅龍眼花蜜同有氣冬瓜汁，飲落去都係屬於唔重酒味而又清甜潤喉嘅cocktail，配埋杯上個串糖冬瓜，特別有上一個年代嘅香港風味。 🍸 Vietnam Dirty 呢一杯係見住個bartender表演即場磨咖啡粉，用餐廳朝早賣嘅咖啡以越式滴漏咖啡嘅做法沖出，而最特別嘅地方喺bartender會用Dark Rum加點火燃燒嘅高溫去代替熱滾水去沖咖啡，好有視覺效果，而個底就係用椰奶同菠蘿汁混合而成嘅Pina Colada，飲嘅時候要大啖d先可以一啖飲哂咖啡加椰漿，第一啖入口會有咖啡同Rum味帶來第一層嘅苦味，之後會有椰子帶來第二層嘅甜味，同最後就有菠蘿汁第三層嘅酸味，味道層層分明非常特別！ 🍸 Dates with Longan 呢一杯會係酒精濃度比較高嘅酒，以Goji & Candied Date- Infused Rum、Dry Vermouth同Curacao做base，喺有蜜棗同龍眼味嘅甜酒，飲落去口感比較乾身同重酒感，杯上仲有浸酒浸咗兩個星期嘅龍眼乾，食落去都有少少酒味。 🍸 Jasmine Dream 呢一杯都係酒精濃度比較高嘅酒，以用茉莉花茶infused嘅Vodka同普洱茶infused嘅Gin做base，飲落去茉莉花茶嘅茶味比較出，混合咗櫻桃酒同橙酒兩隻甜酒，所以飲落去唔會苦，既有茶香亦都有甜味。 📍