Dough Bros. Pizza & Doughnuts (Queen's Road Central)

Bakdiu Singchoi 1 年前

🥢 The Carbonara $168 🆗 Carbonara Pizza煙肉脆口，蛋黃撈埋落白汁底，不過因為係外賣需然好多芝士但唔係好拉到絲，餅底薄脆得嚟有咬口 🥢 The Truffle Deluxe $188 🆗 松露豪華版Pizza，黑松露香氣撲鼻，搭配burrata芝士，parma ham同蘑菇絕對係奢華既享受 🥢 Crispy Chicken Wings (10pcs) $88 🆗 雞翼炸得金黃酥脆，肉質juicy 🥢 Garlic Dough Balls (8pcs) $58 🆗 蒜香麵包球外脆內軟，熱辣辣食超正，份量夠唒3-4個人食

lylyw 3 年前

近期流行「酸種」麵包，bookmark咗呢間Dough Bros好耐，嚟開港島，近水樓台，即興外賣pizza同doughnut上朋友屋企開餐。喺皇后大道中大街見到Dough Bros投射喺紅磚路嘅光影，就到咗舖頭門口。Pizza店只供外賣，外國店員落單之後，等15分鐘左右，即製嘅Pizza同donut就新鮮滾熱辣整好。廚房同客人只係隔住一塊玻璃，客人喺外面都可以透過玻璃清楚見到店員製作pizza嘅經過! ————————————————————————- ✔️ The Truffle $178 因為好鍾意黑松露口味，一心想食The Truffle，呢個pizza係全素嘅，材料有黑松露醬、水牛芝士、雜菌、火箭菜、巴馬臣芝士、橄欖油，餅底果然好鬆軟又唔乾，成個餅底塗滿黑松露醬，好重橄欖油味，沾上店舖另外提供嘅黑松露醬，真係雙重滋味！ ✔️ Pepperoni Supreme $158 另外問店員有乜嘢推介，店員介紹舖頭嘅 signature Pepperoni Supreme！Pizza材料有番茄、水牛芝士、辣肉腸、意大利香腸、新鮮羅勒、牛至草，芝士係重量係，鋪滿pizza面，而且仲係拉絲嘅，辣肉腸辣味突出，嗜辣嘅話，呢個pizza係唔錯嘅選擇！灑上辣粉，再沾上辣味BBQ醬食，更覺好味！ ✔️ Morning Matcha/Lemon Pie $38/each 呢個donut真係好驚喜，真心好食！最好味係佢麵包皮，充滿氣孔，咬落去會回彈！而且入面係爆晒醬！綠茶口味唔太甜，茶味較濃，可以中和doughnut外層沙糖粒嘅甜味！檸檬口味就清新得嚟帶少少酸味，都好好食! 下次要再encore呢度嘅doughnut! ✔️ San Pellegrino juice $20/each 聖培露綠色樽裝嘅汽泡水，大家一定唔陌生，但係我自己就未飲過佢嘅有汽果汁，食Pizza一定要飲有汽飲品，要咗檸檬同橙味嘅果汁汽水，無一般大牌咁甜，係可樂以外嘅好選擇！

Eat Withwings 4 年前

這間餐廳的pizza口味選擇好多，重係即叫即整，而且重係較少有的酸種麵包底，真的十分推薦！ . THE PARMA 2.0 $168 巴馬火腿份量不少，而且充滿鹹香，配上惹味的水牛芝士、巴馬臣芝士，芝味好香濃。還配有香草烤蘑菇、火箭菜，令到口感更fresh，加上碎大蒜和蕃茄醬，真係好好味。 . THE CARBONARA $178 估唔到食落味道真係好似卡邦尼意粉，上面好多意式煙肉碎，加上黃金蛋黃、水牛芝士、巴馬臣芝士，芝味十足又香濃。配上惹味的卡邦尼醬汁、黑胡椒、新鮮歐芹，十分美味。 . 兩個Pizza的批邊都脆口，而且唔油膩，重有多款醬汁可以點包邊食。個人最愛黑松露醬，真係好出色。 . Filled Doughnuts $38/件 我哋就揀咗榛子朱古力和吉士醬，榛子朱古力味好香濃，吉士味感覺清新，兩款都甜度適中。冬甩上的糖粉可揀普通糖/肉桂糖，我地就揀了肉桂糖，帶淡淡肉桂香味，這個冬甩真的有驚喜！ . SAN PELLEGRINO 各$20 餐廳有酒精同非酒精飲品揀，呢兩個汽水檸檬味和橙味兩款都各具特色，感覺清新又解膩。

HY Cheung 4 年前

The Carbonara 無食一排又有新口味，依個組合意想唔到咁正，卡邦尼醬底唔會好漏反而蛋黃部分幾香，加少少煙肉絲增加咬口。入面仲用咗兩種芝士，Mozzarella+Parmesan簡直令我追住食～大推！ The Work 上次食過念念不忘所以今次又encore了！可謂包羅萬有嘅一款肉控pizza，有齊西班牙辣肉腸、意大利辣香腸、豬肉丸，仲有墨西哥醃辣椒點亮咗成件事～帶辣勁好過癮的！ PS佢地嘅Pizza同冬甩係用咗秘製嘅酸種麵團配方製作，所以食落係有嚼勁，口感亦係我食過嘅pizza最適中嘅一款。 Nutella/Cappuccino Doughnuts 食Dough Bros不可能不點嘅冬甩！Nutella一如以往邪惡得嚟令人愛不釋手。Cappuccino算係較新口味，帶咖啡香又creamy！讓美味度再升級嘅秘訣就係揀Cinnamon sugar肉桂味好香。

Hunger Food 4 年前

The Carbonara $168 New Limited time offer. 用左Carbonara 做based, 好似平時食Carbonara 咁有bacon 增添咸香, 仲有mozzarella cheese同parmesan cheese🧀🧀🧀 creamy cheesy, 再加埋黃金蛋黃嘅香味好夾. 而香草同黑椒調味足夠, 調味岩岩好唔會太重, 幾好食 The Works🍕 $158 呢款係tomato based. 材料好豐富特別多肉🍖🍖, 除左pork meatballs、pepperoni、chorizo 辣肉腸, 仲有好多塊jalapeño picked chili, 唔同腸+肉嘅鹹香、墨西哥醃辣椒嘅微辣同蕃茄嘅酸, 唔少得mozzarella cheese, 加埋係經典惹味嘅組合. 同fds 都更喜歡呢款 店舖仲會提供醬汁食pizza 既邊位. signature garlic & herb dip 好香, 不過個人更鍾意佢個Truffle Dip, 個松露味香濃 Filled Doughnuts🍩 $38@ 有好多味道揀: Nutella, custard, strawberry, lemon pie, apricot, 今次試左新口味cappuccino , lemon pie 同classic nutella 其中cappuccino 同lemon tart 咬落都爆餡, 而後者更液態d 所以係會流到一手, 前者係咖啡糖香味同甜奶油, 後者lemon tart 咁酸酸甜甜, 兩款都好食 而經典榛子朱古力都好正, 雖然無流心, 不過fill 滿Nutella 軟滑香甜個味好夾. 冬甩外層可以選普通糖或肉桂糖. 如果講鐘意口味, 會係classic nutella 同lemon tart 略勝