翠豐Express (外賣店) (海南雞專門店)

Delicious Chan 1 年前

🐣嗌咗個秘製無骨海南雞飯配油飯 舖頭轉做外賣 每個飯盒都有精美衛生😄 嘅包裝 配合薑蓉辣醬豉油😗 份量都好多 雞都幾滑 而且多肉唔肥🥰 味道啱啱好 夠新鮮 油飯都幾惹味 另一個叫左🤎吉列崩沙牛腩飯配秘製燒肉汁 第一次食吉列嘅牛腩 每一塊都切得幾精美，而且即使炸至金黃酥脆，入面都係軟嫩，外脆內軟!!! 有兩盒燒肉汁，係分開上既 所以可以保持吉列既鬆化 下低仲有配菜🥬

Eason ng 1 年前

今日去左觀塘做野， 同個客開會Ｄ野太多做未完。 個客建議lunch 叫外賣. 跟手佢就推介食呢間. 力推呢兩個菜. 我揀左吉列崩沙牛腩飯配咖哩汁 $78 第一次見有吉列牛腩. 好好奇 一打開. 份量超多. 一排滿滿嘅吉列牛腩好靚仔. 外皮炸至金黃酥脆，牛腩又夠腍，勁香口, 個咖喱分開上又係重口味.香噴噴。主食可配白飯、意粉或雜菜底，雜菜份量好多. 又可以平衡番無咁油膩. 無骨海南雞套餐配油飯 $70 個海南雞肉質嫩滑多汁, 無骨啖啖肉 跟左3個海南雞醬, 配埋金黃色嘅油飯． 特別一提個雞又滑雞味又重. 太好食. 佢地宜家做緊手機落單仲有8折. 真係好抵. 呢間專做外賣嘅餐廳真係要列入我觀塘區食堂之一. 翠豐冰廳 Express】 地址: 觀塘駿業街49號

Li Helen 1 年前

觀塘一到放飯時間周圍都好難揾位食飯，駿業街開左間翠豐冰廳express，就約埋同事去試下，呢間係專做外賣，落單兩三分鐘就有得攞，本來想攞返上公司食，但呢排開始天氣涼涼地，同事提議去觀塘海濱食，對住海景食飯盒都幾唔錯。款式唔算好多，但樣樣都好似好好食，叫左招牌無骨秘製海南雞飯同皇牌馬來咖哩跟雞翼，兩杯手打香水檸檬茶，兩個餐total $153。海南雞嫩滑多汁，非常入味，油飯亦好出色。個咖哩汁比較濃厚，屬於東南亞咖哩，唔算辣但好惹味，雞中翼有四隻咁多，薯仔份量亦算多，差啲食唔晒。整體嚟講翠豐express性價比好高，下次會試埋崩沙腩同燉湯。

Chloe lui 2 年前

外賣自取。最緊要夠快❤️ 今日雖然落大雨，見到姐姐排左好多單 但係由落單到取餐 唔超過10分鐘🧐真係快得有d離譜 返到公司d野食仲係熱辣辣❤️❤️讚 無骨海南雞飯配油飯（$70） 海南雞皮光肉滑，賣相吸引， 加埋都有6到7件雞件 金黃色既雞皮相當邪惡🤣 而去哂骨既雞件食落很方便。 雞肉食落都叫嫩滑， 配搭埋三款惹味醬汁， 分別為甜豉油、薑蓉同酸辣醬， 好送飯🤤油飯份量十足 店家貼心安排酸羅白，幫忙解膩 讚👍 滋補燉湯-猴頭菇淮山杞子燉湯 佛心店家手，買餐加$15換購燉湯 燉湯超級足料，大大粒猴頭菇 另外有淮山、雞腳、瘦肉 所以呢盅燉湯超入味🤤 絕對唔係一般茶餐廳嘅例水可以比較 皇牌牛根腩馬來咖喱配意粉 （$65） 今日點左牛根腩咖哩，咖哩有淡淡椰香 比教杰身，不帶辛辣 而根腩方面，加加埋埋都有成7/8 舊 配搭埋超入味薯仔 🥔份量十足 而牛腩炆到好林，一啲都唔韌 食落有驚喜

hkfoodsis 2 年前

呢間餐廳喺觀塘已經有兩間分店 最近仲多咗間分店做外賣 迎合我哋上班族 Lunch Hour 唔洗等位．可以返公司慢慢食 呢間果然係Express, 落單一陣 話咁快有得拎 ✨招牌無骨秘製海南雞 海南雞無骨啖啖肉 肉質好嫩滑 配埋金黃色嘅油飯．特別惹味 ✨馬來咖喱牛筋腩 牛筋腩份量充足 咖哩汁超香濃．好好味 再多兩碗飯都食得哂 ✨手打香水檸檬紅茶 粒粒厚切青檸 配紅茶底香甜清新之選 以後Lunch 又多個平靚正嘅選擇喇