家樂快餐食堂

Sodaaa 10 個月前

今日lunch經過觀塘去左試呢間茶餐廳，入到去都坐滿人，好多係附近返工嘅人嚟食。嗌咗一個快餐，價錢都算經濟，$49跟餐有一個中式蓮藕章魚排骨湯。 乾炒豬扒河 食得出有鑊氣，醬色均勻，唔會一嚿深一嚿淺。豬扒肉質鬆化唔韌，醃得入味。配料有芽菜，我自己鍾意食濃味啲，加左辣椒醬，更加惹味！ 最值得一讚係個中式蓮藕章魚排骨湯 唔油膩，飲落夠火候，清甜鹹鮮，有淡淡排骨肉香。 餐廳跟餐送呢個湯真係幾有誠意！

Yuna Chiu 上次編輯：1 年前

真係平到不得了 早餐外賣雙拼三文治連熱飲$26 凍飲加$2 Lunch每日有快餐 $3x-$4x左右 真心快 直接去買 到拎得都唔洗5分鐘 間鋪收7pm 下午茶係去到7pm 仲要份量都係鬼死咁大碟 同lunch份量一樣 唔會變左得2分之1果種 兩個人食埋夜晚放低$100仲有錢找 早餐三文治蛋牛治最好味 牛油夠香 咸牛肉份量夠 麵包新鮮 凍熱奶茶都好味 麵餐炒蛋仲可以轉奄列 Lunch炒粉麵類比較好食 有鑊氣！ 早午晚都係好味又抵食 高質

TSZ KIN CHAN 3 年前

早餐、午餐、茶餐、晚餐都好食，價廉物美，並無因為價錢而偷工減料，非常足料，食物質素可以比美鄰近靚裝茶記。食物質同價錢無得輸！（極力推介每日靚湯，堅足料抵飲）

David Fan 5 年前

早晨! 又係我觀塘敢死隊隊長, 今朝真係敢死, 因為去到樂天, 諗諗下有人寫過, 不如行過少少, 上去左 <家樂>.... 有間一定好既唔去去間未知既, 唔係敢死係乜? 拿, 地方兜痞又麻甩, 影埋個環境比絲打睇睇先, 因為小姐未必啱去. 汁: ok 真係沙爹味, 唔差 牛: 都幾多喎, 係碎d, 都ok 麵: 淋左少少, 咁證明系煮既, 好啊. (我真係等左一陣) 今朝唔洗揸直昇機, 幾好. ps: 因為想貼題, 不嬲唔評其他. 但阿姐見我無掂麵包就話下次可以轉蘿蔔糕.幾好呀 $31 仲想點

joe siu 上次編輯：4 年前

午餐泰式紅咖哩魚柳飯包飲品，十分好味，41元，抵食。早餐 29 元豬扒通粉加熱奶茶。 2021年8月份已經可以用八達通付款。 2021年11月已經加價，早餐由29 加至 30。