Falcone

Vivian Lee 5 個月前

我覺得如果顧客追求碳水化合物的話，意大利粉、通粉和Pizza味道是不錯的，但是蛋白質的餐點不多，餐牌上連牛扒都沒有。 蛋白質方面，青口是品質不錯的；至於蒜蓉蝦，沒有想過蝦肉是有點霉、不爽口；但醬汁則吃起來味道不錯。 辣肉腸pizza味道都不錯，但如果有多點肉類選擇會更好。 甜品方面，無麵粉朱古力蛋糕口感非常黏厚，而且很甜，對我來說中規中矩，可能喜歡吃甜的客人會喜歡。 雪糕方面，我們點了一個是牛奶味，一個是raspberry味，沒想過是一個大盤子上。味道上我覺得很好，不過如果可以份量小點會更好，也幸好我們四人進餐沒有點四個雪糕，不然吃不完。 值得稱讚的位置是，店員大多非常友好，會主動幫客人拍照。 不過一個小缺點是，我沒想過吃高級餐廳，上菜的盤子都是有崩口的外觀上可以有待改善。

Diana 1 年前

浪漫的義大利餐廳 地點： 中環ＩＦＣ mall 中庭 新派拿坡里義大利餐廳 Falcone 意為 「獵鷹」，属于"黑羊餐厅集团"名下的店，以手工 pizza和 pasta 著稱。美麗的室內設計讓人恍如走進花園。 這次點了有拿坡里小辣椒的Pizza， 薄薄的餅皮，脆脆的邊，淡淡的辣味兒是亮點，使pizza分外美味。

Khaki 1 年前

Pizza / pasta好食，音樂好聽，好坐，服務好。 最驚喜係個朱古力甜品，意想不到地好食～ 餐牌用咗廣東話，好親切～ 少有中環鬼佬餐廳有中文menu之餘仲要係用廣東話🥺 love 最麻煩係無得訂枱，有冇位要靠彩數

Heagirls Food 2 年前

打卡一流 酒水便宜 氛圍感拉滿的慶生餐酒館 餐廳位於IFC，位置方便，是BlackSheep旗下新的意大利餐廳 餐廳裝修華麗鮮艷，古典味濃，陶瓷餐具及裝飾品精緻雅緻，顏值非常高，十分打卡友好；背景音樂很chill，氣氛高漲；店員非常友好，態度不錯，恍如置身意大利 是日慶生，餐廳有不同的道具獎盃及頸巾借用拍照，店員亦會唱生日歌，十分特別 餐廳最大的隱藏優點是酒水價錢相宜(一杯$88，一支$388) 缺點是不設訂座只能到場排隊(可以試試電郵預約優先排隊) 總括而言，餐廳環境十分出片，酒水十分便宜，服務氣氛都不錯，適合特別日子慶祝，但食物質素有待改善 前菜-Vongole Sauteè $258 白酒煮蜆，配兩片麵包 蜆頗鮮甜大隻，蜆汁惹味帶點辣，但有點咸要配麵包吃 前菜-Polpette $248 意大利餐廳必點的豬肉丸，肉丸有三大粒，質感頗Juicy不會太硬 蕃茄醬放了很多香料，微辣惹味 主菜-Spaghetti Aragosta E Gamberi 龍蝦及大蝦爽口彈牙，番茄醬配蕃茄仔，味道調得不錯，亦是偏濃味 義大利麵份量比看上去多，但麵質偏硬，個人認為義麵十分普通 甜品-Maritozzi $98 奶油蛋捲配生奶油，奶油輕盈幾滑身，凍食的麵包雪有口感，混合一起吃不會太甜，推薦！ 甜品-Nemesis al Cioccolato 店員推薦的無麵粉巧克力蛋糕，但個人認為十分普通 蛋糕太實沒層次，上面的生奶油好似雪糕咁，而且兩樣加在一起太甜 -總體評分- 環境：9/10 食物：6.5/10 服務：8.5/10 抵食：8/10 Falcone 📍中環金融街8號國際金融中心1樓1082號舖 IG: heagirls_food

E K 上次編輯：1 年前

🇮🇹源自拿坡里的熱情🍕 位於 ifc 入面呢間 black sheep 新嘅意大利餐廳，裝修鮮艷明亮，氣氛高漲🥳 一餐飯點咗兩個蝦🦐 系列前菜，呢班人係有幾鍾意食蝦😂 Carpaccio di Gamberi Rossi Red Prawn, Olive Oil, lemon, chives Carpaccio 食得多，紅蝦做嘅又有冇試過呢？神奇地好糯糯嘅口感，肥美啖啖肉但硬係無咗個紅蝦頭爭少少嘢😂 搞到有啲啲若有所失唔似食緊紅蝦咁 Gamberi al Forno soft shell prawn, calabrian chilli butter 個人更欣賞呢味軟殼蝦，十分鮮甜又好香，真係好食到連個殼都要吞埋 Paste - Rigatoni alla Genovese Rigatoni, Braised Beef, onion, pamesan 大大碌粗通粉既吸睛又吸味，Genovese 嘅焦糖洋葱醬汁，經過長時間烹嘅洋葱非常柔軟、入味，每一絲都緊緊裹滿喺每一個大通粉嘅內同外，每一啖都係好bold 好濃厚嘅味道！ Pizze - Tonno e Cipolle 🍕 Tomato, fior di latte, marinated tuna, onion Falcone 主打提供 neo-Neapolitan style pizza（唔好問，唔知點 neo 法😂😂😂）今次試咗個未食過嘅新口味。個人十分喜歡，無諗過吞拿魚同 pizza 可以咁夾 批底脆得嚟又不失麪糰嘅咬口，而經過高温燒製後批邊嘅焦香係最緊要~ （呢刻不顧儀態咁用手食風味會更佳哦~） ❤️ 是日慶生但因為壽星仔唔食甜嘢，多謝 falcone 請我哋飲 birthday shot 仲借咗唔同嘅 props 比我哋影相🫶🏻 十分 nice 。仲有另一個隱藏亮點係酒水價錢相宜🤑 不過佢哋無得 reserve 只能 walk-in, 有興趣試嘅就要早啲去到了