Flagship

豬同鴨講 Pig2duck 2 個月前

#豬同鴨講 #Pig2duck 🚢 隱身於船街一角，有格調既西式 Fusion 餐廳 ⚓，中西合璧味道層次豐富而且有新鮮感。 🪵 木系元素配合柔和燈光，營造出溫馨氛圍，非常適合同另一半約會 💕🍷 ▫️ 【 香煎章魚鬚 】 HK$148 🐙 章魚鬚煎得恰到好處，外層微微焦香，入口煙韌彈牙。🔥 火候控制得不錯，作為前菜十分開胃 😋 ▫️ 【 特色卡邦尼意粉 】 HK$238 🍝 餐廳招牌菜：加入金華火腿同臘肉元素，將中西風味巧妙結合。🐖 醬汁香濃但唔覺膩口，金華火腿同臘肉帶來獨特鹹香，層次比傳統卡邦尼更加豐富 🤩 ▫️ 【 千層脆窩夫油封鴨髀 】 HK$298 🧇 牛角窩夫外層香脆，內裡鬆軟帶牛油香。 🦆 油封鴨髀皮脆肉嫩，仲有豐富鴨油香💦，非常有飽足感。 ▫️ ▫️ 完！ ▫️ ▫️

S P 3 個月前

貼錢買難受的一晚！ 食物質素是不錯的，除了西冷牛扒之外，其他都正正常常！但係環境真係太嘈太嘈，我們在樓上用餐，因為地方太細，而且是密封，所以噪音很大，再加上現場食客全部都高談闊論，食到一半真係好辛苦，耳仔感到好難受！唔會再去！

hkfoodday 3 個月前

今晚同朋友去咗位於灣仔嘅Flagship食晚餐！每樣都好有誠意，即刻同大家開心share😆呢度嘅環境好特別，木系裝潢加上帆船霓虹燈牌，坐喺度好似置身喺一架船上面咁！氣氛好悠閒，好舒服！ 🐙 香煎章魚鬚 一上枱已經被佢嘅 size 震撼到！真係好大條 😱！食落口非常新鮮彈牙，最正係佢嘅煙燻香氣，配埋個好特別嘅秘製汁底，成件事即刻昇華咗，出面好少食到呢種層次！ 🦆 千層脆窩夫油封鴨脾 鴨腿肉質鬆軟到不得了，一咬落去豐富嘅油脂喺口中爆發，加埋焗蒜頭一齊食，微甜嘅蒜香完美平衡咗鴨油嘅膩，直情係 100 分嘅天作之合！ 🍝 特色卡邦尼意粉 估唔到意粉都可以玩中西合璧 ！成碟意粉充滿驚喜，臘肉炸到金黃香脆，帶點鹹香，同西式意粉非常夾！😋

E K 上次編輯：5 個月前

玩味船 Fusion🚀 好有心思嘅一間小店，將中為西用發揮到極致，有驚喜嘅美食😋~ Burrata Salad Bowl 流心水牛芝士沙律 Burrata Cheese 混合 Kale chips，健康得嚟唔寡~ Creamy 帶奶香嘅芝士融入每一口🍼Yum~ Fluffly layered Waffles Confit Duck Legs 千層脆窩夫油封鴨髀 - 經典法國料理。鴨脾皮脆肉嫩，加埋個太陽蛋一齊食更加濃厚。窩夫酥脆到好似牛角包咁，有點點南乳風味鹹香入味~ Hairy Crab Butter Risotto 大閘蟹糕燴飯 -用瓦煲奉上，一打開滿眼金黃加面頭嘅微微焦香先聲奪人。大閘蟹粉精華充份滲透入飯粒，每啖都係蟹粉嘅鮮香🦀🦀🦀 ps。 每位顧客可獲送一杯自選飲品！滿4位訂座可選獲一支紅/白酒 （抵！）

Hazel L 11 個月前

位於船街小巷盡頭，發現了呢間名為Flagship既中西融合餐廳，餐廳全部佈置 與船有關，好有特色，食物亦同樣出色。 特色卡邦尼意粉（$238） 有別於傳統意式卡邦尼意粉， 加入咗中式元素， 超特別又好味，以金華火腿及臘肉取代常見既煙肉， 以egg yolk sauce 鹹醬蛋醬取代忌廉。 原本會以為咁樣嘅搭配好奇怪，但食落出奇地夾同好食， 蛋香味鹹香味更濃郁， 意粉好creamy好掛汁， 成個意粉味道好有層次，好出色。 香煎章魚鬚（$148） 呢個一上枱已經聞到勁香， 章魚鬚外層微脆，內部保持左彈性，咬落去感受到肉質嘅鮮嫩。 章魚大大條，啖啖肉，好爽彈，好新鮮， 調味唔會過重，更能突出章魚本身嘅鮮味。 21天熟成厚切豬扒（$338） 豬扒真係有成吋厚，超厚肉，用左21天熟成方式， 令豬扒嘅肉質變得柔軟，口感更加細緻，即使咁厚既豬扒都完全唔會韌唔會柴。 豬扒脂肪分佈均勻，一切落去就有肉汁咇出黎，咬落去更可以感受到豐富嘅肉汁。