甘味處鎌倉 (希慎廣場店)

vivien leung 2 個月前

黑糖黃豆粉刨冰 刨冰口感差，同韓國嗰啲差得遠 人地啲冰好綿好吸味 呢個係冰還冰，硬到好似屋企整咁 食吾到黑糖嗰種香甜同黃豆粉嘅香味 加上星期日14:30就無晒紅豆 焗要雪糕，覺得同個冰無咁夾 仲有嗰日成間舖好似無冷氣咁 又焗又熱，食到好忟憎 呢兜嘢＄95蚊 真係無下次

peonyiuu 7 個月前

本身好鍾意抹茶 咁啱知道銅鑼灣有經過就去睇吓 非常近銅鑼灣地鐵站 地方方便 當日去係夜晚舖頭冇咩人 店內裝飾乾淨企理有足夠光 線日式嘅裝修 但係我冇喺入面只係買外賣買咗個抹茶蕨餅 日式包裝非常靚送禮都好適合每嚿蕨餅size都唔細 本身仲驚好飽好滯 但係蕨餅食落清涼完全右負擔食落去煙煙韌韌幾有 咬口 但係又唔會好飽 抹茶粉都唔孤寒 件件都可以點到抹茶粉去食 冇加到黑糖去配搭 但係都覺得好清新好夠味 如果有機會都可以再回頭試一試

hiu ching So (Gretaso) 1 年前

🇭🇰日本人氣過江龍🩵必試蕨餅！ 在香港也可以品嚐日式鎌倉蕨餅！鍾意煙煙韌韌口感的我立馬約了閨蜜一齊去試！蕨餅有四種口味選擇，包括：黃豆粉、抹茶粉、黑芝麻粉和椰子粉！ 本人都係鍾意傳統嘅黃豆粉蕨餅配上黑蜜，香甜的口味加上口感軟糯蕨餅，味道一絕！抹茶蕨餅即用了淺川園抹茶粉，微甘的味道令蕨餅不會太甜，抹茶控必試！ 這裏的飲品大部份都用了蕨餅做底，個人推介草莓朱古力奶蕨餅，滿滿的草莓果肉配上招牌蕨餅，加入朱古力奶和奶油，口感豐富，味道濃郁，非常好飲！💕 黃豆鮮奶黑蜜蕨餅是店舖限定款，滿滿的豆粉配上黑蜜，上面灑了一些脆片，下次可以叫少甜，健康又更加美味！ 正所謂來都來了！當然要試埋佢地自家製黑糖黃豆粉刨冰！用日本天然水製作，再淋上黑糖漿再加上滿滿的黃豆粉和黃豆粉蕨餅，切到成座山咁高，超級滿足！超級開心🩵

sandy2815hk 2 年前

上盛之《甘味處鎌倉》 甘味處鎌倉終於有分店，地點係銅鑼灣希慎廣場，另有間係屯門，呢間人氣日本店主打蕨餅，menu設有特飲同日式刨冰，蕨餅係每日新鮮製作，保証質素，QR Code落單好方便，蕨餅可以堂食或外賣，制作用了上盛既蕨粉，再加入秘方，所以製成後蕨餅，口感軟淋、煙韌、彈牙。 蕨餅 + 浅川園抹茶套餐：抹茶茶色澤非常綠，上台已聞到淡淡茶香，入口幼滑，抹茶味出，而不加cream既抹茶而且味道回甘，適合品嚐茶香既朋友，搭配蕨餅一同食，十分不錯。 鎌倉原味蕨餅：新鮮蕨餅面上放滿黃豆粉，口感軟錦，入口有水份，唔會好乾既感覺，而黃豆粉十分香。 生草莓刨冰：刨冰有多款口味，入口食到有草莓果粒，而且草苺味天然，不是人工草苺果醬制成，所以味道清新，另外冰粒係日本直送天然純水製成以成之刨冰，所以冰的味道沒有雪味。

super bread 2 年前

喜歡吃蕨餅嗎？ 記得第一次食蕨餅，是在大阪旅行時，那涼浸浸又煙韌的口感，實在令人非常喜愛；可惜因有效期太短，未能買回來當手信！真是可惜。😩 不久後在香港也開始有蕨餅售賣，可惜始終吃不到當年的味道，是因為在旅行下的影響嗎？😬 早前到銅鑼灣希慎廣場(F2 出口)，看到這間「甘味處鎌倉」，外貌看似幾好，就決定入去試吓！🤔 叫了草莓朱古力奶蕨餅飲品、抹茶蕨餅飲品、宇治金時刨冰、原味蕨餅5件裝 及 淺川園抹茶蕨餅10件裝。😬 兩款飲品也不錯，尤其喜歡抹茶蕨餅口味，抹茶味香濃，蕨餅切成細細粒沉在杯底，有少少吃珍珠抹茶的感覺，清清涼涼又解喝，最緊要甜度啱啱好，夏天飲返杯，真係消暑又好味！😋 據說製作蕨餅一啲都唔難，但要做得鬆軟煙韌，半透明啫喱膠形狀，也要有適當嘅比例才會做得好吃；看似簡單，但其實也要有一定的技巧。喜歡吃甜一點的，可另加入自家製的黑蜜，應該會更香甜。😋 宇治金時刨冰～ 幼滑潔白的刨冰，淋上深綠色的抹茶，在冰旁放上圓圓胖胖的白玉丸子及綿密化妝的紅豆泥，食落甜度不高，冰涼又好吃；但都溶得幾快及幾大份，建議最少兩個人一齊食。🤔 蕨餅吃了一半，另一半留返今晚當飯後甜品！😋 #草莓朱古力奶蕨餅飲料 $53 #抹茶蕨餅飲料 $55 #宇治金時刨冰 $98 #原味蕨餅 $68/5個裝 #淺川園抹茶蕨餅 $118/10個裝 #甘味處鎌倉 (希慎廣場) 地址: 銅鑼灣軒尼詩道500號希慎廣場URBANHOOD B1樓B101A號舖 電話: 98890044