高知城 (銅鑼灣) | 日式居酒屋 | 清酒放題 | 壽司放題 | 日本料理 | 日式料理 | 席前料理

Cuttlefish Family 5 個月前

銅鑼灣《高知城》🏯主打日本四國高知縣食材，居酒屋日本氣氛濃厚，我們還叫咗好多特產風味美食。 📢驚喜訂坐優惠 $100可品嚐(北海道原板海膽配鱘龍魚子醬) 海膽鮮味口感滑溜，帶淡淡的海水鹽味，再配埋鹹香魚子醬和紫菜。每一啖都有高質享受感🤩 🍶2小時 $128/位 Sake Freeflow 清酒任飲放題，鍾意飲清酒朋友唔好錯過， 邊食邊暢飲真超爽😊 ✨️前菜~開味小菜 魚籽沙律,青瓜沙律菜配上黑醋 酸酸甜甜好開胃 ✨️漬物4品 由廚師自家調配醬油醃製,繩苦瓜漬,長芋山葵漬, 蕎頭等。款都咁出色，最欣賞苦瓜又爽脆甜甜地好開胃👍 ✨️高知鳳凰螺 高知鳳凰螺係高知特產，螺肉食落爽口。用上醬油和清酒燜煮,鹹香味十足， 蒟蒻好Q彈咬口,送酒吾錯。 ✨️鱸魚刺身 新鮮海鱸魚，肉質鮮嫩，完全冇腥味。 擺盤幽雅薄切片，高質好味。 ✨️鰹魚半敲燒 高知縣特產必點，採用日本傳統方法，將稻草高溫大火炙燒魚表面，鎖住鮮嫩魚肉和油脂。配上蔥蒜片和薑末一起享用， 鮮味無窮😋 ✨️山渣煎鵝肝 山渣煎鵝肝多士味道帶山楂的酸甜感，層次極為豐富,肥美油潤而入口不膩口, 表層煎至帶焦糖再夾香脆多士，平衡得剛好. ✨️鐵板芝士炒蛋黑松露 店員會在客人面前誠意感十足,使用熱鐵板即埸炒蛋,滿有濃郁的黑松露香味.再配上蛋和芝士口感非常有層次. ✨️自家製免治雞肉蓋 免治雞肉碎,甜鹹交織,加上一個蛋黃和醬汁一起食,完美的配. ✨️原條西京黑豚腩肉 油脂豐富黑豚腩肉，以日式西京味噌醃製後燒烤,腩肉肥瘦分明,肉質柔軟.微焦炭香帶甜,肉邊帶脆,濃郁西京醬烤香,也是送酒吾錯選擇。 ✨️天婦羅沙旬魚(6條) 天婦羅沙旬魚炸到好脆,一食就有 脆卜卜聲.肉質嫩滑,再點沙律醬味道更鮮美. ✨️串燒🍢 青椒仔，京都編豆腐 雞頸肉串，雞肝串 日本芳壽豚腸 2串 雞砂肝(腎)串 雞皮串，雞心串 每款也用不同鹽和日本醬汁去燒,炭香味十足.當中青椒仔和雞皮串好爽口。京都編豆腐品道也好出色👍👏 ✨️高知芋天配沖繩黑糖加雪糕 高知縣特色小食「芋天」炸至金黃皮,外脆內裡鬆軟香甜.抹茶雪糕配上沖繩黑甜而不膩，滿有日本風土味道，作最後品甜真吾錯. 餐廳好有心思每角落也有不同特色小擺設和掛畫,好有日本風情,好適合聚會。 📍銅鑼灣駱克道487-489號駱克駅21樓(銅鑼灣站C出口)

CS Tsang 5 個月前

與好友來到銅鑼灣駱克道的《高知城》，環境帶點隱世感，店內以木系和暖光為主調，氣氛相當有日式居酒屋味道。坐低之後再配埋兩小時 $128 嘅日本清酒放題，整體感覺相當放鬆。 食物方面種類多元，由小食到主打串燒都保持不錯水準。 🔸沖繩苦瓜漬：清爽帶微苦，酸味開胃，適合當作第一道醒胃小菜。 🔸鰹魚半敲燒：外層微焦帶煙燻香，魚肉軟嫩，有高知風味特色。 🔸天婦羅沙旬魚：炸漿薄脆不油膩，魚肉鮮甜，口感輕巧。 🔸北海道原板海膽配鱘龍魚子醬：海膽甘香濃厚，配上鱘龍魚子醬鹹香提升層次，正。 🔸滿滿拖羅高知卷：堆滿山的賣相夠吸引，拖羅油脂豐富，入口柔滑，魚香突出。 🔸 鐵板黑松露芝士炒蛋：店員在枱上即席用鐵板炒蛋，夠晒嫩滑，松露香濃郁但不膩。 🔸自家製免治雞肉蓋：啖啖免治雞肉，味道偏甜，配上日本蛋好好味。 這裏的串燒亦相當不錯，秋葵同日本冬菇保持到原有鮮味，雞肝串滑而唔腥，名古屋交趾雞全翼肉汁足，黑豚腩肉大蔥串油香同蔥香平衡得幾好。

Gigi Lam 5 個月前

$128 兩小時清酒任飲，成個雪櫃啲 Sake 隨你拎，性價比真係高到喊 。 北海道海膽配鱘魚子醬 ($100) 係成板海膽上呀！百幾蚊就食到咁鮮甜嘅海膽加魚子醬，入口勁奢華，海鮮控必嗌 。 鐵板芝士炒蛋 ($88) 師傅會喺你面前即席煎，入面啲芝士流心咁滯，口感滑過平時用火炒好多。 惹味串燒 & 肉類 。強烈推薦 燒羊扒 ($98) 肉質嫩滑完全無羶味！ 自家製免治雞肉棒 點埋個橙紅蛋黃簡直係靈魂。仲有燒香菇、五花腩同香腸都好夠火候，送酒一流！ 。 最後食埋個 黑糖芋天 ($68)，外脆內軟

Cream wong 5 個月前

【銅鑼灣新發現🔥 $128任飲Sake＋勁高質日料😍】 呢間隱身喺銅鑼灣地鐵站C出口對面樓上店嘅日本料理，真係要朋友帶路先搵到👀！地點超方便，重點係──$128就可以任飲清酒兩小時🍶，抵到癲！ ღ 北海道原板海胆配鱘龍魚子醬 海膽甘甜細滑，配上鹹香魚子醬，入口立即爆出鮮味層次，好奢華～ ღ 滿滿拖羅蓉高知卷 軟綿拖羅蓉油脂香氣滿滿，一咬即化，口感滑到唔捨得吞。 ღ 鰹魚半敲燒 外層微焦香，入面仍保留魚嘅嫩滑，加上蔥蒜，好鮮甜 ღ 自家製免治雞肉蓋 肉味濃郁又多汁，滿滿雞肉雞軟骨加上溫泉蛋一拌，滑潤得嚟又香口 🍢 串燒 秋葵爽彈多汁、燒海虎蝦鮮甜彈牙、名古屋交趾雞翼外脆內嫩，鹹香勁滿足！ 🍠 高知芋天配沖繩黑糖 熱辣辣香噴噴嘅炸芋天配上濃厚黑糖漿，香甜不膩～ 🧀 鐵板芝士炒蛋加黑松露 蛋香柔潤、芝士拉絲、黑松露香滲滿口，真係邪惡到極點🤤 🍛 南蠻雞＋沖繩苦瓜漬 炸雞爽脆酸甜開胃，苦瓜漬意外地清爽，連平時唔食苦瓜嘅我都食咗好多🤭 💰$128任飲清酒 2小時 日迷一定要bookmark住🗾✨

Foodie HK 8 個月前

放假去食好嘢，我揀咗食日本嘢，呢度有齊刺身、壽司、串燒，款式夠晒多，啱晒我心水，唔同種類都可以食吓。呢度仲有清酒放題，可以任飲兩個鐘。 北海道原版海膽配魚子醬 呢個book位嘅時候講定要食，有折扣優惠，只需$100好抵，原版海膽新鮮鮮甜，配紫菜一齊食好正。仲有魚子醬，夠晒矜貴。 赤穗蠔 海水味濃郁，蠔鮮甜，配上醋同埋檸檬啫喱，食嘅時候咩都唔使再加，勁鮮味勁Fresh。 特選壽司盛合 壽司一口一件，飯已經調晒味，重點係上面嘅魚生新鮮，拖羅肥美鮮甜，炙燒左口魚裙邊油香豐腴，海膽軍艦滿到瀉，穴子肥美。 鰹魚半敲燒 炙燒過嘅鰹魚呈半熟狀態，肉質柔軟，食嘅時候充滿炙燒嘅香味，沾上沙律醬，又有另外一種風味。 高知鳯凰螺 螺肉煙韌彈牙，入晒味，勁正。佢仲有一啲蒟蒻，又係入晒味， QQ爽彈爽彈咁，佐清酒一流。 高知竹輪卷 竹輪卷魚味香甜，配上爽脆清甜青瓜，好清新。 天婦羅沙甸魚 天婦羅脆脆沙甸魚脆粉薄薄，口感先係香脆脆嘅，然後係柔軟Juicy嘅沙甸魚，甘香甘香，沾上沙律醬食更加滋味。 自家免治雞肉蓋 免治雞肉拌入咗雞軟骨，食落去口感有啲脆脆，仲燒得底面焦香，佢個燒汁加上蛋液味道一流。 燒日本A5和牛扒 A5和牛扒油香勁豐富，燒得香，入口即溶，配上兩款醬汁，醬油脆脆汁同埋青芥末籽醬，兩款各有風味。 京都絹豆腐 豆腐外皮燒得焦香微脆，裏面係細嫩嘅豆腐，木魚絲加上醬汁又係好好食。 呢度嘢食種類多又好味，清酒放題又提供咗四五款清酒，有比較果味甜嘅梅味清酒，又有比較辛口嘅，啱晒唔同口味嘅人盡情飲，啱晒一班朋友慢慢食慢慢飲慢慢傾。