HOW to live well

Angus Sak Sir 1 個月前

煙鴨胸薄片伴菠蘿雜莓 配 野莓油醋 煙鴨胸和雜苺都好新鮮! 自家手打牛肉漢堡日式咖哩飯 配 精選蔬菜 牛肉漢堡好香牛味，有和牛既質素，日式咖喱撈飯好惹味！ 三文魚籽蟹肉甲羅燒, 蟹味噌彩椒意大利麵 （洋蔥, 蒜） 本身有d怕腥，但呢個完全唔腥，意粉也炒得很乾身好彈牙! Homemade Basque Burnt Cheesecake 好soft, 好濃郁! Young Man (Apple Juice, Lemon Juice, Honey, Jasmine Tea, Cold Brew) 因為鍾意飲咖啡，呢個Cold Brew真係好正好fruity! Passion Bloom (Ribena, Fresh Passion Fruit, Soda)

YEE TANG 2 個月前

今次試咗幾款新菜式，真心覺得間餐廳嘅食物水準好高，絕對要俾個好評🥳 🔸Superfood Salad🥒 材料超豐富：雞胸肉嫩滑唔柴，配合牛油果🥑青蘋果、車厘茄🍅清新爽口，紅腰豆同西蘭花增添口感，醬汁酸甜開胃，作為前菜非常醒神🌱 🔸 Wafu Miso Cod Fillet 鹽燒三文魚柳🐟 魚肉鮮嫩多汁，味噌醬油鹹甜適中，煎得金黃香口，配埋本菇、粟米粒同三文魚籽再加荷蘭醬同香蔥油，層次豐富，每一啖都係享受😚伴碟嘅蔬菜都烤得剛剛好，完全冇馬虎😛 🔸 Japanese Curry Rice with Home Made Beef Burger 自家手打牛肉漢堡日式咖哩飯🍔 絕對係驚喜！漢堡扒厚身juicy，肉味濃郁，手打質感鬆化✨日式咖喱汁香濃帶微甜，撈飯一流，薯仔紅蘿蔔煮得軟腍，成個組合勁滿足😋 🔸 Guava Oasis & Passion Bloom 飲品方面，Guava Oasis 有西柚味，清甜解膩；Passion Bloom 就係熱情果，酸甜有氣泡，消暑又開胃😆 🔸Garden Party Croffle 超出色！窩夫係牛角包底🥐啲cream好輕盈，配上酸甜嘅士多啤梨🍓係完美嘅收尾🫶🏻 整體嚟講，食材新鮮，烹調用心，擺盤靚仔，味道有驚喜，絕對會再嚟 encore！👍🏻

Sandy Chiu 2 個月前

跟友人聚餐地點係尖沙咀，大家都想食西餐，便選擇去河內道K11 2樓的How To Live Well開餐，環境闊落坐得舒適，食物有質素，確係聚會的好地方啊！ 煙鴨胸薄片伴菠蘿雜莓, 煙鴨胸咸香，配搭勁足料生果有菠蘿、草莓及藍莓等，配搭酸甜汁，令人更加開胃。 照燒三文魚柳配炒本菇、粟米、三文魚籽，三文魚籽脆卜卜，魚皮烤得香脆，魚肉質唔會鞋口，配菜有豆角同粟米增加口感。 自家手打牛肉漢堡日式咖哩配精選蔬菜，牛肉漢堡口感紮實，木牛肉味濃及肉汁豐富，咖哩帶有微甜及微辣，搭配的日本飯，令人食得好開胃。 飯後食番個甜點Garden Party Croffle，滿足愉快。 飲品的 Great Things Take Thyme及Golden Ring，無論味道同賣相，都十分之捧啊。

Little Tummy 3 個月前

🩶 如果想食意粉🍝 推薦大家可以嚟呢間西餐廳。我已經第三次嚟啦😍 每次食唔同嘅嘢都覺得有驚喜👍🏼 🩶 意大利八爪魚沙律 八爪魚慢煮了6小時，入口彈牙又帶點微炙嘅香氣，配埋鮮嫩嘅沙律菜同清爽嘅檸檬汁，酸酸甜甜非常開胃😙 🩶 明太子忌廉煙肉意粉 呢個意粉真係超級邪惡！😈 明太子加魚子醬撈埋濃郁嘅忌廉汁之後，每條意粉都掛滿晒汁。面頭嘅木魚絲帶起咗鮮味，真係極滿足，食到舔舔脷😋 🩶 三文魚子蟹肉甲羅燒意大利粉 另外呢款意粉就冇咁Creamy，所以同明太子意粉一齊食都唔會太膩~ 海鮮份量一啲都不惹小，三文魚子粒粒飽滿，蟹肉鮮甜，最正係個蟹膏夠晒香濃，完美提升咗成盤意粉嘅鮮味! 🦀 🩶 檸檬芝士蛋糕 去到最尾食返個檸檬芝士蛋糕。淡淡嘅檸檬香味，但蛋糕唔算太甜，用嚟作結剛剛好☺️ 🩶 Great Things Take Thyme 賣相好治癒，大大粒圓形冰球好精緻。底味係Gin酒，加左lime juice 🍋‍🟩，青檸味夠 fresh，配埋 百里香嘅獨特香氣，口感好有層次好順口~ 🩶 Sunny Plum 呢杯簡直係夏日必點🍹 一入口先係菠蘿同檸檬汁帶來嘅微酸，非常醒胃。隨之而嚟係蜜糖嘅回甘同桃烏龍淡淡嘅茶香，飲落好有層次。配埋面頭舊鮮菠蘿，一路飲一路咬下，口感十足💛

Foodie HK 5 個月前

約咗daddy 食晚飯，揀咗去K11 貪地點方便。呢間西餐廳要經過一間傢俬舖入內先見到，位置幾隱世，但係原來都幾full喎，好彩有book位。 芝士明太子玉子燒 玉子燒軟嫩軟嫩，捲着芝士已經夠晒邪惡好食，加埋微辣太子醬同埋沙律醬簡直係完美，成個味道好豐富惹味。 柚子蜜烤舂雞·烤薯 燒春雞皮雖然唔係烤到脆卜卜，但係雞油嘅香味充分散發出嚟，少少金黃微微焦香，配上柚子蜜甜甜地有啲果香。雞髀就唔使講，肉質鮮嫩多汁，雞胸位置都唔會乾，雖然好厚肉，但都算係軟嫰。烤薯仔都唔可以錯過，雞油脂嘅香味加上薯仔嘅香，就係簡單又好食。 香辣蕃茄大蝦波浪粉 邊個意粉好惹味，辣辣地嘅蕃茄醬汁夠晒多，每一條闊條菠蘿意粉都掛滿醬汁，口感煙靭煙靭，酸辣酸辣咁好開胃。有一隻超級大嘅蝦，我諗係大虎蝦，肉質超級彈牙，仲有個蝦頭我啜到好滋味，鮮甜甘香。 Hot n cold fudge cup 香濃朱古力味嘅 Bowie 加1球雲呢拿雪糕同埋少少咖啡雪糕，bownie少少脆口，一粒一粒咁，配上冰凍冰凍嘅雪糕，一口一粒好滋味。 Whisky snow 香濃嘅朱古力加入威士忌，成個味道有香濃朱古力味又有啲酒香，就好似食酒心朱古力嘅感覺，上面仲有一層白色嘅奶有啲似棉花糖嘅味道，呢杯Cocktail好順口，香甜香甜咁。 Matcha lemonade 呢杯味道好清新，抹茶加上檸檬梳打，令人飲完覺得好舒服嘅嘢飲。