I-Thai

Charlotte Kwok 10 個月前

之前一直食串燒覺得幾好，入咗鋪之後試吓食晚餐，生菜包正正常常，pad Thai一般，似喺屋企自己煮泰國菜咁，至於蠔餅真係好失色， $98 ，但係啲蠔好細粒同埋好少，其實賣得唔平可以慷慨啲，至於泰式奶茶同檸茶都真係好一般，特別係檸茶唔係好好飲，芒果糯米飯幾好食，整體覺得係中下，有待改善

X L 2 年前

好耐冇食，之前係幾好食既。 今次再買就真係差左好多。 炒金邊粉灰色咁，味道好酸好怪，有啲臭豆腐味。蝦得兩隻，兩隻都係梅既，完全食唔到入口。。。 另一個船河竟然唔係船河湯底。 似係打邊爐清湯湯底，仲見到有牛肉既飄零。。味道正常但完全唔係船河黎！ 再唔改善等執。

Eric YANG 3 年前

泰式炒河太甜 炒蜆個汁都ok 但係啲蜆唔新鮮 咸檸七都夠味 最好食個蝦餅 冷氣好唔夠 因為開始放式門口

Uranus LAU 上次編輯：2 年前

「I-THAI」@長沙灣 營盤街 最近光顧，發現店主夫婦自從 7月初返泰國後無再出現，廚師換成一位嘵講少量本地話嘅泰籍青年，但負責落單同收錢嘅就換咗唔識聽亦唔識講本地話嘅泰籍中年婦人。相信店舖原店主夫婦放大假或已經易手。 食物品質、份量依舊，非常足料，味道比以前略淡，但可惜店不甚捨得開冷氣同抽氣機，引致店鋪內外油煙都好犀利，店內好焗，在炎夏直接影響顧客光顧嘅意慾。 (2024.08.20) 店舖自從 2020年4月開業，只有店主夫婦二人同囝囝一齊經營。 因他們一家都係泰國人，所製作食品頗有水準亦好有泰國地道特色，只係店不賣牛肉，令串燒少咗選擇。(2022-03)

Dick Lai 4 年前

另一間我成日幫襯嘅「I-Thai」，應該係由哥哥主理，地方比「I’m Thai」大好多，甚至可以堂食，感覺亦都乾淨一啲，可能因為地方大出品都靚少少，細佬嗰邊而家越來越多人，煮出嚟嘅嘢食求其咗😞 而家我多數幫襯大呢一間，今次叫咗炸蝦餅味道一般，燒魚係我次次都必叫嘅item，佢係視乎大細收費，我打電話去叫外賣自取，佢會即刻同你報價呢條魚$90 ，聽電話嘅應該係老闆娘，講工人姐姐式嘅廣東話，好有禮貌嘅，拎外賣嘅時候仲會同你講沙畫d卡角冠媽🙏 搞到我都要爆返句沙畫d吸，即刻親切百倍🤣 燒魚好滑好好食，點埋佢比嘅泰式酸辣汁超正！炒雞肉河粉麻麻哋，雞肉太鞋唔好食。仲有一個馬拉盞炒通菜正常水準，最後叫咗個芒果糯米飯好食，面頭有啲脆粒幾得意！ 大家經過營盤街都可以去試吓，坐低叫返條燒魚，一個菠蘿炒飯，叫幾串串燒食埋個甜品，人生一樂也😋