蘇山雞飯

Gulugirl102 _ 2 個月前

原來食咖吔多士係要配半熟蛋架！ 蘇山雞飯 深水埗欽州街94號黃金數碼廣場地下4號舖 味道評分:☄️(必食之選)>☀️>🌤>⛅️>💨 ☄️鮮油咖吔多士配半熟蛋 $48 第一次試鮮油咖吔多士點蛋汁食用！ 店員教落加少少豉油、胡椒粉落溫泉蛋度撈埋 多士入口充滿蛋香，醬油帶出鹹味 牛油勁厚 咖吔醬都完全冇落手 整體鹹甜鹹甜~好jeng ☀️星洲叻沙海南雞摻摻 $82 有幾多配料！豆卜、魚丸、豆芽等等 湯底好濃、香氣十足~ 仲有一碟海南雞食！好滿足！ ☀️開心果椰子奶昔(濃D) +$18 Nutty!!好濃厚!! ☄️鴛鴦叉雞飯（叉燒＋海南雞）$98 喂個叉燒有d驚喜🫪 海南雞已經去骨 好滑 ~ 點埋醬汁更好食🤤辣辣地 ☀️參巴醬辣蝦醬通菜 +$23 成日出街最怕冇菜食 太貴又唔想食 $23一大碗我ok喎！ ☀️凍Hor Ka Sal 虎咬獅（美祿＋咖啡＋花奶）+$12 估唔到飲到特色飲品 咖啡味較出~ #gulugirl102EATIN九龍 #蘇山雞飯 #馬來西亞菜 #深水埗美食 #香港美食

Hei 4 個月前

出咗嚟深水埗買嘢，順便喺附近搵下嘢食，經過見到蘇山雞飯開咗新分店，是晚就食佢啦。 大概八點嚟到，全店滿座，大概等咗十分鐘左右有枱，即刻掃code落單先，好肚餓呀😋 朋友點左⭐Susan豬手飯，除咗豬手，仲有一隻滷蛋、一啲鹹酸菜同花生等，賣相都唔錯。豬手炆得軟腍入味，入口係滿滿骨膠原嘅感覺😆 自己點咗呢碗⭐薑酒啦啦米，聽個名幾得意，原來啦啦係馬來話花甲嘅意思，用薑絲同米酒煮成日湯底正好去腥味，再除個人喜好加入青檸汁同辣椒，酸酸辣辣再加上薑同酒，湯頭先甜又美味🤤一碗入面花甲十分多，感覺上仲多個米粉，哈哈。 跟餐有優惠價加小食，加咗一份⭐馬拉盞椰菜苗，椰菜苗有咬口，馬拉盞惹味，正喎。 另外仲加咗一份⭐弄堂沙嗲，有牛肉串同雞肉串，上枱時係生肉，點火慢慢燒，儀式感十足😆燒到表面焦香，再點埋個沙爹醬，呵呵，自己動手豐衣足食。 另外仲加咗特飲⭐椰奶 & ⭐開心果椰子奶，開心果味好濃，甜度啱啱好，椰奶又香又滑，勁好飲。 最近天氣真係好熱，蘇山入面冷氣十足，入嚟食嘢涼浸浸又好味，爽呀。

Ball Law Wong 4 個月前

仁當巨霸牛肋骨配烤餅（$158）真心巨無霸！牛肋骨炆到超腍，輕輕一搵拉就骨肉分離店員會幫手剪開👍🏽仁當醬汁濃郁香料味十足，配烤餅點汁食，完美。 招牌海南雞飯（$88）雞肉嫩滑，油飯香而不膩，跟餐嘅雞雜冬瓜湯清甜足料，好有誠意。 鮮油咖央多士（$21）脆口鮮油厚切，咖央香甜，邪惡但好食。 開心果椰子奶昔（$18）驚喜！開心果味突出，椰奶滑溜，唔會太甜，仲有粒粒果碎，呢個價錢真心抵。 兩個人埋單三百有找。環境光猛企理，上菜快，侍應有禮。地點方便又好味，可以encore👍🏽

San Tai 4 個月前

仁當巨霸牛肋骨配烤餅：呢個真心誇張！條肋骨大過我塊面，炆到超級腍，用叉輕輕一撥已經散開，職員會幫手拆骨，仁當醬好濃郁，非常惹味，用烤餅點汁食，一流 😋👍🏻 鮮油咖吔多士配半熟蛋：多士烘得脆，鮮油夠厚，咖吔醬甜甜地，點埋啲半熟蛋黃一齊食，邪惡但超滿足！😃👏🏻 Susan雞翼(三隻)：炸得幾乾身，外脆內嫩，調味剛剛好，唔錯～ 👀 砂拉越菠蘿冰 & 超冰凍椰青：菠蘿冰香甜又清新，仲有菠蘿肉，清涼解渴；椰青夠凍夠甜，夏天飲超爽 🥥 兩溝雪糕(薄荷味 & 椰子味)：椰子味濃郁，薄荷味好清爽，兩溝一齊食幾特別，好味 👍🏻 今餐非常滿足，期待下次再黎！🙊

Bella wu 4 個月前

🇸🇬 蘇山雞飯 (深水埗) 📍 蘇山雞飯 SUSAN CHICKEN RICE 深水埗人氣新馬菜，主打惹味火焰椰子雞，仲有超巨型牛肋骨！ 環境： 裝修帶有南洋風情，簡約舒適，適合朋友聚會 人均： $100 - $200 (視乎點餐豐富度，套餐更抵食！) 位置： 深水埗欽州街94號黃金數碼廣場地下4號舖 🥘 推薦美食： 【火焰醬香椰子雞鍋】 打卡必點！店員會喺你面前淋酒點火，酒香瞬間爆發🔥。湯底清甜中帶點酒香，雞肉份量多且嫩滑，配埋特製沙薑青桔仔醬汁，層次感極豐富！ 推薦指數：⭐️⭐️⭐️⭐️⭐️ 【仁當巨霸牛肋骨】 真係名副其實咁「巨霸」！牛肋骨燉得超入味，輕輕一撥就脫骨。強烈建議加配烤餅，用香軟嘅烤餅夾住濃郁醬汁、牛肉同埋爽口嘅惹味雞雜怡保芽菜一齊食，簡直係無敵組合！ 推薦指數：⭐️⭐️⭐️⭐️⭐️ 【Teh 奶茶 & 雪糕斑斕奶茶】 奶茶茶味香濃，非常有星馬風味。雪糕斑斕奶茶上面仲有一球椰子雪糕，斑斕香氣清爽，係解辣解膩嘅良伴。 推薦指數：⭐️⭐️⭐️⭐️ 整體評價： 食物有驚喜，特別係火焰椰子雞同仁當牛肋骨，味道非常地道。雖然人均比一般冰室高少少，但質素絕對值回票價，鐘意星馬菜嘅朋友必去！