雞駅 (Kwun Tong 駱駝漆)

HungryMama.90 4 個月前

觀塘爆場雞米線店 平時在觀塘搵食，駱駝漆大廈絕對是平靚正的集中地。一直都知大廈內有間主打雞湯米線的小店人氣極旺，經常大排長龍。今次趁放工時間同朋友前來朝聖，小店裝潢簡單溫馨，雖然爆場但上菜速度很快。食物質素唔錯，定價親民，難怪深受附近打工仔歡迎。 藥膳黃酒花膠雞米線 $68 一上枱已經聞到好香藥材和黃酒的味道。湯底入口甘甜，帶着微微的酒香，感覺非常滋補暖身。除了主角花膠和軟嫩的雞肉之外，還有蟲草花、紅棗、杞子和木耳等，火候十足。米線保持煙韌彈牙，吸滿了藥膳湯底的精華，冬天或想滋補時食一碗真的大滿足，非常推介！ 椰子沙白粉絲 $58 湯底帶有淡淡的椰子清甜，完美帶出了沙白的鮮味。最驚喜的是沙白大大隻且完全無沙，處理得非常乾淨。配料還有青瓜和娃娃菜，清新爽口，與索汁的粉絲非常之夾。 金磚豆腐 $42 這款小食做得非常出色！豆腐即叫即炸，上枱時熱辣辣。外皮炸得薄薄一層、非常脆口，內裡則保持豆腐的極致嫩滑，完美做到外脆內嫩。表面灑上椒鹽調味，鹹香惹味，令人忍不住食完一塊接一塊。 凍檸檬薏米水 +$18 飲落酸酸甜甜，味道很天然。最讚是裡面有好多薏米，一邊飲一邊咬到有口感，真材實料。 凍檸水 +$8 經典的茶餐廳風味，酸甜適中，食完濃郁的湯底和炸物之後飲一杯，解膩一流。

Life Food 4 個月前

💡 【雞駅花膠雞米線專門店】養生治癒系之選 💛 前排天氣忽冷忽熱，就想食返碗熱辣辣嘅湯米線暖吓胃。今次同朋友去咗試呢間觀塘名物「雞駅」，真係由湯底到配料都充滿驚喜 🥹✨ 係觀塘有三間分店，而我哋就諗住去工廈會少d人…不過真係諗多咗，條隊超級長，7:30pm去都要等三檯，睇得出幾受歡迎。 🍜招牌花膠雞米線 一上桌見到嗰個金黃色嘅湯底已經流晒口水！一入口，湯底清甜養生感爆棚，飲得出係真材實料熬製，濃郁得嚟完全唔油膩，飲完一啖又一啖，好舒服 🤤💛 配料方面超大方，花膠大大件，厚身又夠爽滑，骨膠原滿滿！雞肉嫩滑有味嘅，吸飽咗湯底嘅精華。最值得讚嘅係佢哋嘅米線，米線唔會太硬太諗，軟硬度啱啱好，索埋湯汁一齊食真係好正 金磚豆腐 呢個小食真係要強力推介！一上桌熱辣辣，出面夠脆夠調味，外層層椒鹽椒香十足，一咬開入面熱辣辣，豆腐仲保持到極之嫩滑同爆汁！惹味到停唔到口！😋😋 📍 雞駅花膠雞米線專門店 (觀塘) 觀塘開源道60號駱駝漆大廈第三座1樓I室 💬 推薦指數：⭐⭐⭐⭐ (4/5) 啖啖都係精華，食完整個人都舒服晒，絕對會想再回訪！

travel_heidi_jack 4 個月前

聽喺觀塘返工嘅朋友講，每日 lunch time 都見到呢間排晒長龍，咁就搵埋我一齊收工去試吓。 ⭐ 花膠雞煲翅配米線 花膠同翅都ok，湯底飲落去幾濃厚，雞件幾嫩滑，仲有配埋辣椒油😋，配埋米線一齊食，整體好唔錯。 ⭐ 椰子沙白粉絲 湯底帶點淡淡嘅椰香，仲有椰子片添，真係真材實料😋。沙白份量都唔少，冇諗過有咁多粉絲，好有驚喜嘅一道菜😍。 ⭐ 悍匪雞翼（胡椒孜然） 雞翼外皮煎得幾香口，雞肉仲好juicy😋，面頭灑咗d胡椒同孜然粉，濃淡度適中。

賴慶陽Ching-yang, LAI 8 個月前

這次在香港觀塘區探索美食時，發現了一間非常值得推薦的小店——雞駅花膠雞米線專門店，讓人吃過之後印象深刻。 一進門就能感受到這裡的用心：雖然店面不大，但座位安排舒適整潔，氣氛熱鬧又不吵雜，非常適合跟朋友或同事一起來享用一餐。餐廳主打以雞湯為基底的米線與飯食，特別適合想吃點暖胃又滋補的料理。  🧑‍🍳招牌料理：花膠雞米線 & 花膠雞飯 他們的招牌湯頭濃郁，金黃香氣撲鼻，花膠軟糯有口感，雞肉嫩滑不柴，每一口都讓人覺得湯底下足了功夫。湯汁浸透米線或飯粒後，每一口都充滿層次感，即使冬天來一碗也能暖透心頭。  🍗小食 & 配菜佳作 除了主食之外，小食例如「悍匪雞翼」外皮酥脆、肉汁豐富，胡椒與孜然的香氣搭配得恰到好處，是一吃就停不下來的下酒或配湯小點。某些評價也提到椰子雞米線清新風味，是想換口味時的好選擇。  💡用餐感受與總結 整體而言，「雞駅」的食物不只味道好，而且價格親民（大致約 HK$50–100 之間），在觀塘這種工商區附近，是午餐或晚餐的超值選擇。無論是想喝一碗暖心雞湯米線，還是想吃份有誠意的雞飯，都讓人覺得滿足且值得回訪。  如果你到香港觀塘找地道美食，這裡絕對值得一試！ ⸻ 📍 地點：觀塘海運道60號一樓I舖 / 東廣場分店也有評價不錯的分店可選（不同分店評分略有差異）。 

findtoeat findtoeat 10 個月前

🍜近日去過觀塘，印象記得有間人氣嘅米線專門店，搜尋一下發現都有幾間分店，同樣都喺觀塘呢個工商廈林立嘅地區內。附近打工仔確係有口福，但相信平日午餐時間必定需要排隊等侯入座。 . 🍜首要推介當然係招牌「#花膠雞米線」，端上枱時一眼看到熱騰騰嘅湯底係非常之濃稠，當中包括有挺身兼有口感嘅花膠，同埋肉質都算係鮮嫰嘅滑雞🐔同蟲草花，整體的確係味美，水準不俗。 . 🍜另外，發現「豬頸肉米線」都係另一人氣之選，雖然唔係招牌菜，不過一碗米線都有好多片非常香口同焦脆嘅豬頸肉🐽，加埋一隻溫泉蛋🥚，實在相當有誠意。