餃掂手工餃子專門店 (中環)

Daydream Day 2 個月前

身在中環的威靈頓街，有十多款餃子可選，湯餃煎餃生餃都有皮薄內餡飽滿。 尤其推薦牛角鮮蝦豬肉煎餃，真牛角型，好軟熟彈牙，鮮甜好味～煎餃子方面，雙面煎，煎得挺香口，每隻一口份量，包得漲漲的，塞滿材料～

Edith 3 個月前

@餃掂 今日行開中環，經過威靈頓街見到「餃掂」，之前幫襯過長沙灣分店，印象唔錯，就入去試下。 餃子選擇幾多，除咗大路口味，仲有黑白松茸、壽喜燒牛肉、元貝豬肉，同埋造型特別嘅牛角鮮蝦豬肉餃。我自己最鍾意至尊松茸豬肉餃，佢跟嘅狀元九鼎湯真係幾正，用鯪魚、粉葛、鯽魚、紅蘿蔔、扁豆赤小豆、陳皮蜜棗同排骨煲，飲落清甜，飲得出冇味精嘅。 我哋兩個人，叫咗一客至尊松茸豬肉湯餃（12隻）$120，跟埋九鼎湯。另外點咗野生松茸素湯餃（10隻）$70清清地可以平衡一下油腻。我就最鍾意個湯，所以再加多一碗狀元九鼎湯$22。飲品就要咗自家製山楂雪梨水同蜂蜜檸檬薏米水，每杯$20。 餃子上枱脹卜卜，皮薄餡多，松茸味幾突出，豬肉唔會太肥。素餃個餡清爽，九鼎湯真係全晚亮點，飲得出足料，淡淡魚香同粉葛甜味，暖胃又舒服。 埋單兩個人$250左右，以中環地段嚟講算實惠，餃子有特色，湯又飲得出用心，簡簡單單又一餐。

Muimui TKO 7 個月前

環境5分： 正常餃子小店格局，樓面高，有一張大卡位，吧枱位同散座位，內牆貼左Ｄ卡通poster幾得意，環境畀五分。 衛生5分： 筷子，醋，辣椒油，牙籤，紙巾放响枱上任用，枱面乾淨企理，乾爽唔會黐立立，衛生一樣滿分。 服務5分： 好大本餐牌入面有圖有文字，價錢清晰非常易明，服務員爽手唔囉唆，上菜快，效率高，滿分。 味道5分： 1) 蔥味酸辣雲耳細細粒好爽口，少少麻少少辣，非常開胃。 2) 上湯松茸時蔬係菜心，都好多條，粗身得黎冇渣。 3) 灼至尊松茸豬肉餃配狀元九鼎湯揀咗中碗，有八隻至尊松茸豬肉餃，個餡入面大大舊肉，食得出有松茸碎，好實正好鮮甜。附送果碗狀元九鼎湯非常之清，一D都唔油，又冇味精，好健康。 4) 煎芹菜豬肉餃大客有十隻，服務員一知道上少左即刻叫廚房補煎三隻，非常有誠意。大大隻餃個餡都係咁實正，個皮煎到金黃色同好脆，非常有心機，香口好食。 5) 凍蜂蜜檸檬薏米好清甜好潤喉好解渴。山楂雪梨水一Ｄ都唔酸，但又解到油膩。 抵食5分： 平均每人百幾蚊，有正宗餃子，有兩碟蔬菜，同兩杯野飲，飽肚抵食，一定滿分。

MEOWME 8 個月前

🥟 芹菜豬肉煎餃 $53 經典口味最能體現手工功夫！芹菜清香爽口，豬肉餡鮮嫩多汁，煎得金黃酥脆，簡單卻美味。 🍄 龍鳳松茸雙煎餃（8隻）$98 創意之作！黑白松露分別融入兩色餃皮中，松露香氣高雅濃郁，每一口都是奢華享受。 🧀 香煎軟心芝士煎餃（7隻）$58 芝士濃郁綿滑，與煎餃的酥香形成完美對比，芝士控必點。 🥢 蔥味酸辣雲耳 $26 | 回味手拍青瓜 $26 兩款涼拌小菜均酸辣開胃，雲耳爽脆，青瓜清新，是餃子的絕佳配搭。 🍐 山楂雪梨水（杯）$20 自家熬製，清甜潤喉，中和煎餃的油膩感，健康又滋味。

Chelsnetty Poon 8 個月前

喺中環行到攰，想揾個地方坐下，就喺威靈頓街見到呢間專食餃子的舖頭😀😀雖然位處中環，但價錢都非常親民！😃 餃子款式非常多，同一般餃子店一樣，都係有煎餃和湯餃，呢度除咗餃子🥟，仲有其他食物如麵食和小食🤭 飲品種類都非常多😀😀 蜜綫雞翼（5隻）$33 - 炸得好脆！甜甜地！好味😋 上湯松茸時蔬$35 - 健康之選！我地要咗菜心，唔錯😃😃 芫荽豬肉餃煎餃$66 （10粒） - 呢度既煎餃品質一流！皮脆內軟！芫荽味好香！非常適合芫荽控！ 至尊松茸豬肉餃煎餃 $86 （8粒） - 呢個大家一定要試下！好多松茸，好香菇味，每口都啖啖肉！ 蜂蜜薏米檸檬水$28 - 可以叫樽裝或杯裝，我地就叫咗樽裝諗住大枝啲兩個人分🤭 好清甜，岩哂我地叫咗咁多煎餃下下火😍😍 估唔到中環都會有間價廉物美既餃子店，試意推介俾大家😍😍 餃掂手工餃子雲吞專門店 (中環) 中環威靈頓街55號地舖