老川皇川菜風味館

eatinhongkong wheelchair 1 年前

老川皇川菜風味館 今次要介紹一間喺旺角砵蘭街果邊有一間川菜餐廳叫「老川皇川菜風味館」，呢間餐廳同一條街都有兩間「老川皇」，而砵蘭街大樓下面果間餐廳入面空間大好多，不過餐廳門口有一級，輪椅人士要自備斜板先入到去食，鍾意食辣嘅朋友不妨入去一試，都幾好味嫁！ 1.揚州炒飯$76（9.5/10） 呢碟揚州炒飯份量都唔少，入面蛋碎、蔥花同切咗粒嘅香腸同飯一齊炒，炒飯炒到粒粒分明，飯唔會過濕或過乾，味道又啱啱好，真係好好味！ 2.白飯一碗$12（10/10） 正常白飯一碗！ 3.小炒黃牛肉$108（10/10） 呢碟小炒黃牛肉完全唔會覺得好難，雖然落咗好多辣椒、芫茜、芹菜同蒜頭等，令到牛肉好香，肉質又唔會好韌，牛肉切到好薄，炒起嚟好有鑊氣，好惹味！ 4.樟茶鴨（半隻）（微辣）$126（9/10） 呢碟樟茶鴨叫咗半隻，揀咗微辣，鴨嘅肉質唔乾柴，食落好香口，唔錯！ 5.脆皮牛奶卷（3條）$38（10/10） 呢碟脆皮牛奶卷一共有三條，每一條都炸得好金黃色，入面牛奶味香濃，三條真係唔夠喉，食完一條又一條，真係好好味！ 6.蜜桃爆珠$24（9/10） 呢杯蜜桃爆珠真係好啱打卡，飲得出有蝶豆花，乳酸同雪碧，最後仲有一粒粒嘅爆珠，如果可以少甜就更好！ 2人總共價錢$386，加一盒外賣盒，其他有加一服務費！ 個人口味總評分：9.58/10 @lao_chuan_huang @maphk2021 地址：旺角砵蘭街101-107A號砵蘭街大樓地下AB號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #老川皇川菜風味館 #川菜 #香港美食 #旺角美食 #旺角好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

Blackwhite Chef 1 年前

🌶️金湯酸菜桂花魚 呢道主菜色澤鮮艷，湯底金黃透亮，啲魚全部都好滑嫩，睇到都流晒口水。我哋揀咗食桂花魚，因為桂花魚魚肉鮮嫩啲，啖啖肉，而且啲骨都好大條唔會驚哽親。食落每一啖都能感受到魚肉嘅鮮美同酸菜嘅爽口，非常開胃。 酸菜魚配菜我哋揀咗肥牛、娃娃菜同大豆芽菜，每一種配料都為整體增添咗唔同層次感，襯埋個湯底真係好好味。 肥牛唔係平時打邊爐嗰種好薄嘅肥牛，都幾厚肉。娃娃菜同大豆芽菜襯埋啲酸菜，味道同口感都啱啱好。果然係呢度台台都嗌嘅一道菜。 🌶️清炒萵筍絲 呢道小菜睇似簡單，但其實係我最期待嘅一道。 因為其實整萵筍絲係要花好多功夫，萵筍絲快炒之後都保持到原有嘅新鮮同脆嫩，我同朋友都好快清晒成碟。 廚師用心調味，完全唔油膩，非常適合搭配啲重口味主菜。 我覺得呢道素菜喺繁重肉類之中，可以加翻啲清爽感，真係好正！ 🌶️脆皮牛奶卷 呢道菜一出嚟就已經吸引到我，金黃酥脆嘅外皮真係好靚。 外皮炸到啱啱好，入面就係柔滑嘅牛奶餡，口感對比真係令人驚喜！呢個牛奶卷唔單止好睇，食落去更加一口接一口，三舊真係唔係好夠，好想嗌多啲。 呢道菜真係好適合開胃小食 最後我同朋友一人嗌咗一杯嘢飲， 包括凍檸茶，同埋凍奶茶。 不得不提嘅係呢度仲有啲免費小食可以食，包括手拍青瓜。 環境又坐得舒服，下次會再同朋友嚟！

Fish Tse 1 年前

🥘麻辣乾鍋，一嚟到已經見到好多嘅辣椒，真係令我哋留口水都流埋，我同朋友本身非常鍾意食川菜，所以見到網上呢一間新嘅餐廳評價都唔錯，所以先過嚟幫襯！果然冇令我哋失望！有豬肉卷土豆魷魚白蘭花，每一個項目都非常入味，豬肉卷嘅味道再加埋本身辣辣地，我哋都覺得非常容易入口，入口亦都唔會有一種好強好唱口嘅麻辣味道，呢個位控制得非常好，亦都食到廚師嘅鑊氣！我同朋友本身都非常鍾意食魷魚，辣魷魚，非常爽口彈牙，非常好吃！土豆片就有啲咬口，整體我哋都覺得呢一個麻辣乾鍋都做得唔錯！ 🥘手爪餅非常香脆，而且份量絕對唔少，我同朋友都幾鍾意佢香脆口感，作為小食嚟講我哋都覺得唔差！ 🥘擔擔面嘅味道非常傳統，而且辣辣地嘅口感令我哋非常開胃！分量都唔少再加埋本身其他香菜嘅配合，令到成個口感更加多元化！面質嚟講，我哋都覺得唔錯，餐廳唔會煮得太軟身，保持個面嘅口感同埋咬口，所以我哋都覺得正！ 🥘餐廳出邊自助區亦都有好多唔同，川菜嘅小食包括有手拍嘅青瓜，有啲驚喜嘅係任食，味道嚟講都非常唔錯，我覺得非常爽口！作為前菜令我哋非常開胃，啱晒鍾意食小食嘅朋友！酸蘿蔔都有少少辣，不過朋友就話非常好食，因為佢切得好薄，所以成個味道非常入！整體都唔差！ 🥤最後加多罐王老吉甜甜地作結！都幾好飲好耐冇飲過！

yau Yau 2 年前

# 平時食開歐美廣場嗰間老川皇 原來宜家搬左落地鋪 都係位於砵蘭街 🔷新裝修環境闊落 坐得更加舒服👍🏻 老川皇都食左好多年 食物質素一路都keep到水準🥘大份又足料 價錢合理 宵夜同朋友聚會好去處🍻 全部食物都可以揀辣度🌶️唔係好食得辣既我都揀左少辣 川菜有少少辣先好食😋 🍜鐵板水晶粉 必食推介💫用鐵板上 熱辣辣 水晶粉煙煙韌韌 仲有啲酸菜一齊炒 🫛長豆角 睇圖都見到好大份 豆角爽脆啱啱好 有啲豬肉一齊炒 🥓四川燒白 四川名菜咸燒白家常做法 豬肉鮮香軟爛肥而不膩 一口一片好過癮 底下仲有好多梅菜 🐥尖椒雞腎 送酒送飯都一流 好有鑊氣 雞腎香口 🍹百香水果茶 好多生果 真係有百香果係入邊🍊大大杯 每次必點的飲品🍉 📍老川皇川菜風味館 (旺角) 旺角砵蘭街101-107A號砵蘭街大樓地下AB號舖

Ng Kenix 2 年前

🔹酸菜魚餐 微辣配米飯及飲品，點選凍奶茶 酸菜魚份量多，片片雪白軟嫩有魚香；金湯濃郁而鹹香適中，配上酸菜、蘿蔔、芝麻及薯粉等配菜，飽肚又滋味 🔹宮爆蝦仁 點選微辣，蝦仁份量同樣豐富，爽口彈牙，調味恰到好處；配上大量經油炸的酥脆花生，很下飯 🔹小炒黃牛肉 同樣點選微辣，薄切牛肉緊緻有嚼勁，帶有不錯的牛香；加上大量芫茜、芹菜及紅椒等材料，鑊氣足又惹味 🔹干煸四季豆 四季豆鮮嫩香甜，調味沒蓋過食材自身的味道；炒得乾爽，毫不油膩 🔹粉紅夏日 點選少甜少冰，啖啖青檸香做到酸甜平衡，加入脆口爆珠增加口感層次