老荔冰室

Jessie Jessie 3 個月前

老荔冰室終於插旗旺角啦！裝修大玩摩登復古玩味風，滿牆霓虹燈、廣東歌歌詞打卡位，配上播著的經典港產片金句，港式情懷滿瀉。 佢地既新Menu都好吸引 五香雞胸粒生菜包 泰式生菜包就食得多，五香雞胸粒都係第一次。菜單寫「65g蛋白質」真係好吸引！一上枱那個雞胸肉量多到成座山咁，手撕成啖啖肉的雞胸粒，五香調味非常入味，用新鮮爽脆的生菜包著食，健身人表示收貨 旺角搵到咁clean嘅gym meal，仲要咁大兜，真心難得，終於唔使餐餐白烚雞胸。 米搭嗲系列 - 五香雞胸粒撈米通 米通口感煙韌有嚼勁，米通底加菜脯、肉燥、花生、沙嗲汁，撈埋五香雞胸粒一齊好鬼惹味🤯 米通索咗沙嗲汁加埋花生脆口、菜脯鹹香，成件事好豐富 港式靈魂:黑椒蘑菇汁雞扒滑蛋飯 黑椒蘑菇汁係KFC蘑菇汁回憶殺！好正！黑椒香得嚟唔嗆喉，滑蛋嫩滑，雞扒脆皮，撈飯一流！ 真係會忍唔住清盤！ 滑蛋雞絲飯 雞絲份量算大方，滑蛋炒得幾嫩滑，保持到濕潤感，撈飯啱啱好! 黑芝麻漏奶西多士配雪糕 🤤 黑芝麻味超濃，一切開啲奶醬湧出嚟超治癒。不過一定要搵人share，一個人食晒會漏到懷疑人生。配上一大球冰涼雪糕，一熱一冷，邪惡指數爆燈但幸福感滿分！ Tiramisu紅豆冰 咖啡味又估唔到同紅豆幾夾，底層紅豆蓉好綿，攪勻之後好似飲緊液體版Tiramisu，甜度偏中高但幾過癮。 阿華田脆脆 阿華田底夠濃，面頭鋪滿脆脆粒，不過呢款都系偏甜 呢間冰室幾有驚喜，懷舊打卡位，霓虹燈同龍鳳牆夠晒港味，連牆上都印晒金句，玩味十足。同時又照顧到健身朋友嘅需要，高蛋白餐點選擇多，味道都對得住個價。

Ashley Lam 3 個月前

🚀 邊個話冰室無新意？老荔今次玩大咗！Tiramisu西多士一秒驚艷🤤✨ 同朋友行過見到老荔冰室有新嘢，一入去真係開盲盒咁盲測，點知成餐飯驚喜多到爆💥！特別係甜品控，一定要衝呀🏃‍♂️💨！ * ⁠Tiramisu漏奶西多士配雪糕 🌟（全場MVP🏆） 面層灑滿咖啡粉同可可粉，一切開，中間嘅榛子醬好似瀑布咁順流而出🌋！本來以為會甜到爆血管，點知咖啡嘅微苦完美中和咗榛子醬嘅甜膩，甜度啱啱好，配埋雪糕冰火交融，正到震，極推💯！ * ⁠沙嗲牛肉撈米通 ＆ 五香雞胸粒生菜包 🥩🥬 沙嗲牛味道超濃郁，撈米通口感好特別，索汁一流索到乾淨淨。生菜包用雞胸粒感覺健康啲，食落爽脆又惹味，完全無負擔💪。 * ⁠LLC黑椒蘑菇汁飯配雞扒芝士焗飯 🧀🍛 芝士量俾得好大方，拉絲拉到天長地久🧀！雞扒厚身嫩滑，黑椒蘑菇汁夠香口，邪惡得嚟非常飽肚！ * ⁠蕃茄湯瑞士雞翼米線 🍅🍜 蕃茄湯底超濃郁，酸酸甜甜好醒胃。瑞士雞翼滷得好入味，啖啖肉，啖啖幸福感😋🤤 * ⁠Tiramisu紅豆冰 ＆ 阿華田脆脆火山 🥤🌋 兩杯特飲賣相超打卡-able📸！紅豆冰加咗Tiramisu元素好有創意；阿華田火山啖啖脆脆，朱古力味濃到化不開，直頭係童年回憶嘅升級版！ 💡 總結： 嘢食超有創意，由主食到甜品都完全無踩雷，性價比極高，下次一定會再帶朋友嚟再食！🔄🔥

peggy Apple 3 個月前

老荔冰室：OT後嘅靈魂慰藉 同得意妹激讚超濃郁沙嗲牛肉飯！OT到成隻狗咁，個人攰到靈魂出竅， 好在仲有得意妹陪我收工。呢個時候， 真係唯有港式茶餐廳先可以治癒到疲治嘅心靈。 「老荔冰室」裝修帶點復古味， 一於入去叉吓電，so relax！ 我同得意妹都係「沙嗲牛控」，諗都唔使諗，直接嗌咗兩樣鎮店之寶。 先講我呢碟 滑蛋沙嗲牛肉飯 啲蛋炒得靚到呢，滑捋捋，仲有少少蛋汁喺面，望見都流口水。 趁熱吉穿個蛋黃，撈埋啲沙嗲汁，個汁好濃郁， 花生味好出，仲帶住微微嘅辣勁，好惹味！ 啲牛肉又唔會「嚡恰恰」，索晒啲汁， 送飯真係一流，一啖接一啖，好快就清晒碟。 得意妹就叫咗佢最愛嘅 米搭嗲系列 - 沙嗲牛肉撈米通粉 佢話呢個配搭好過癮，撈米個汁收得岩岩好， 每條通粉都掛滿晒沙嗲汁，咬落煙煙韌韌， 比平時嘅湯通粉更有驚喜。 佢一路食一路「嗯嗯」聲，睇見都開心。 單骨雞亦蕃茄湯 and 黑椒蘑菇汁飯配雞脾 個蕃茄湯真係誠意之作， 飲得出係用鮮茄煲， 酸酸甜甜好開胃， 單骨雞翼炸到脆卜卜，點吓個湯食， 別有一番風味。 至於個黑椒雞脾飯，係得意妹嘅重點推介， 佢話個黑椒汁辣得嚟好香， 炸雞脾香脆有肉汁，好味！ 凍爆脆阿華田 絕對係呢餐嘅靈魂！ 面頭鋪到滿瀉嘅阿華田脆脆，香脆加冰爽 口感十足，飲落去唔會太甜，但朱古力味濃到不得了， 飲完即刻叉番電！得意妹杯 奶茶紅豆冰都係驚喜之作， 港式奶茶撞埋紅豆，原來可以咁夾， 茶味夠澀，紅豆又煲得起沙，好滿足。 甜品：黑芝麻漏奶西多士配雪糕 上枱嗰吓，已經聞到陣陣黑芝麻香。 切開個西多，入面嘅黑芝麻奶漿好似熔岩咁湧出嚟， 沾滿晒成塊包，再連埋冰凍嘅雪糕一齊食， 冰火交融，又甜又香，邪惡到一個點，但真係好幸福！ 老荔冰室，用最地道嘅港式味道，醫飽你嘅肚 餐廳：老荔冰室 地址: 旺角豉油街108號地舖

Edward Go 3 個月前

呢間餐廳真係突破我對港式餐廳嘅想像，即充滿懷舊風情又好有創意！ · 叉燒酸辣米線加炒蛋：酸辣湯底醒胃唔嗆喉。叉燒大塊瘦肉多，邊位微燶帶蜜香，肉質軟腍。加埋面頭嗰堆金黃炒蛋，拌入湯底更添順滑，米線爽滑掛湯，每啖都嗦滿精華，忍唔住飲埋啖湯！ · 五香雞胸粒撈米通：出面未見過嘅創新配搭！雞胸粒用五香粉醃得入味，肉之嫩滑，米通撈汁後超過癮！ · LLC黑椒蘑菇汁雞扒芝士焗飯：黑椒蘑菇汁香濃，黑椒辛香突出，蘑菇爽滑。雞扒厚肉多汁，表皮微微香脆，連埋粒粒分明嘅炒飯底，每一啖都充滿芝味同黑椒香氣，邪惡到令人失控清碟！ · 巨石鋪天飯：手撕雞份量真係鋪到成座山咁，80g蛋白質絕無呃人！仲加咗三個荷包溫泉蛋，篤穿嗰下蛋汁好似瀑布咁覆蓋成座手撕雞山，撈勻之後每一粒飯都沾滿金黃蛋漿，滑嫩程度直線上升！雞胸肉厚切滑嫩，飽肚感同滿足感同步爆燈。 · 阿華田漏奶西多配雪糕：上邊一個雲呢拿雪糕，慢慢融化入西多士，西多外脆內軟，中間是阿華田醬，終極邪惡！ · 椰汁紅豆冰：椰香濃厚天然，紅豆煲到軟綿起沙，冰涼透心，係解膩消暑嘅不二之選。 · 雜果賓治：好多雜果，口味豐富！

Sodaaa 6 個月前

之前經過覺得呢間餐廳好懷舊好特別，已經心心眼😍 今日就嚟試吓佢！ 增肌手撕雞250g淨食 配秘製蔥油 🐔 真係有成250g，份量勁老實。雞肉滑溜，但留意返，佢係連雞皮㗎，如果想食到好clean嗰隻無皮白切雞咁，可能會覺得有少少罪惡感🤏 但對於操完要補充protein嘅人嚟講，呢碟係天堂。蔥油好香，撈完一啖接一啖，我最後連底嗰啲蔥都食埋😂 花膠雞阿媽足料雞湯米線 🍜🐔 個湯係真·濃雞湯，飲得出冇乜味精，仲要好重雞味😋 花膠唔係碎濕濕嗰啲，係超大塊、好有口感。米線正常發揮，但個湯先係主角，飲完覺得阿媽真係上身。 麻酸辣叉燒撈米線 (轉蒟蒻麵) 🌶️🍜 本身有青瓜絲、肉燥、酸菜，麻辣同酸度平衡得幾開胃👍 最正係可以揀蒟蒻麵，0碳水，食完冇罪惡感。叉燒正常，但成個配搭好過癮，似食緊邪惡版撈麵但其實好健康🤭 Tiramisu漏奶西多士 🍫🍰 呢個有驚喜，面頭灑滿咖啡粉同可可粉，切開中間係榛子醬，唔係全靠煉奶嗰種死甜✨ 成個感覺真係有少少tiramisu vibe，而且甜度控制得幾好，唔會膩到要停手🙌 滑蛋蟹肉飯 🦀🍳 蛋炒得滑，蟹肉份量算合理，唔係得幾絲交行貨🦀 撈飯食唔使咬，懶人恩物🤤 仲係配我最鍾意嘅蔥油，撈飯真係好正～ 阿華田脆脆火山 ☕🍫 面頭脆脆增加口感，阿華田味濃到好似返去小學飲完去跑圈。 奶茶紅豆冰 🧋 就經典配搭，茶底夠濃，紅豆煲得腍但又保持到粒狀，甜度適中👍 呢間冰室唔係得個樣呃like嗰種懷舊舖📸 佢真係有諗過健身又為食嗰班人嘅需要，想clean嘅可以揀蒟蒻麵、巨石鋪天飯、手撕雞走皮（如果你忍得口🙈），想放縱嘅有tiramisu西多陪你墮落，油麻地街坊小店，值得回頭！