Luna Kaffe

hyd chung 4 個月前

∝ Luna Kaffe ∝ 🍴用餐人數: 2人 🧾有加一服務費 旺角性價比幾高嘅Cafe😆 1️⃣ 芝士煙肉焗薯皮 芝士同煙肉味幾明顯，焗到啱啱好，食落去濃郁但唔會太膩。 2️⃣ 威靈頓牛柳 因為我唔係好鍾意食生嘅肉，所以我叫咗七成熟🙈雖然係七成熟，但肉質一啲都唔韌，裏面仲保留到肉汁😋 3️⃣ 醬燒左口魚邊蟹膏意大利飯 味道偏鮮香，啖啖左口魚同埋蟹膏令到份量感覺更足，意大利飯口感唔會太乾，食起上嚟幾順。 4️⃣ 焦糖燉蛋 焦糖香味有出到，燉蛋滑滑地，甜度都算平衡，作為收尾幾適合。

hy C 4 個月前

同男朋友拍拖黎到旺角，見啲嘢食幾吸引，就過黎食下😋覺得佢哋有一點好好，就係上菜速度好快手👍🏻 🍽️用餐人數：2 💸有加一服務費 [Couple Set$198] ▪️酥皮湯x2 呢個湯味道鹹鹹地為主間中仲可以食到一啲粟米粒，酥皮同湯一齊食好有厚度，而我就鍾意就咁食酥皮😋 ▪️特濃蟹醬軟殼蟹蝴蝶粉 佢哋呢個蟹醬真系落得好多，如果鍾意蟹醬口味嘅人會好建議揀呢個蝴蝶粉，因為食落啖啖蟹味，同埋佢哋嘅軟殼蟹炸得好香脆，拎到蝴蝶粉食落多一啲層次 ▪️威靈頓牛柳 +$20 牛柳我地叫咗7成熟，因為呢個係連埋鐵板一齊上，所以都keep住熱嘅，我地因為掛住食其他擺得耐咗啲，所以再切嘅時間已經唔係7成熟口感，所以超級建議一上就要切‼️‼️咁樣先可以食到自己想要嘅熟度 [小食］ ▪️香辣魷魚鬚$38（跟套餐加配）📌推薦‼️‼️ 呢個魷魚鬚係鮮甜嘅魷魚味😋個醬辣辣地又唔會太辣食落都好惹味，而且口感好爽口，食完會忍唔住系咁食😆 ［甜品］ ▪️焦糖燉蛋$38📌推薦‼️‼️ 焦糖燉蛋外脆內軟，佢哋份量比例都啱啱好，燉蛋唔會太甜，食落好smooth😋

k pm 6 個月前

芝士煙肉焗薯皮 🥓🧀 超香濃芝士拉絲拉到冇朋友～煙肉鹹香夠曬滋味，薯皮外脆內綿，食落超滿足！一口接一口停唔到 😋 威靈頓牛柳 5成 🥩 酥皮鬆化不油膩，入面牛柳5成熟剛剛好！粉嫩多汁、肉味超濃，配埋菌菇同火腿層次超豐富，高質大推 👌 特濃蟹醬軟殼蟹蝴蝶粉 🦀🍝 蟹醬濃稠香濃，掛汁超正！軟殼蟹炸到外脆內嫩，連殼都食得，蝴蝶粉煙韌有咬口，成碟香到暈 🤤 脆炸軟殼蟹 🦀 炸粉超薄超脆，軟殼蟹新鮮彈牙，咬落卜卜聲，完全唔油膩，淨食都超正 👍 酥炸香脆魷魚 🐙 魷魚夠曬新鮮，炸到金黃香脆，外脆內嫩有嚼勁，配埋醬汁簡直一流，宵夜小食首選 ✨

Pink Neon 6 個月前

今日同朋友去咗尖沙咀Luna Kaffe，呢間西式fusion小館環境好有闊落，超適合同班友hea下傾偈慢慢食😛今次叫咗2人餐，款式豐富份量多到兩個人食到超滿足，勁好抵！ 🥣 酥皮湯 忌廉湯底濃郁香滑，上面蓋住金黃酥皮，一打開熱氣騰騰出晒煙，酥皮脆卜卜浸入湯汁，吸晒湯勁濃味，正！ 🥩 威靈頓牛柳 估唔到呢到都有得食！牛柳厚切外層酥皮金黃脆口，內裡牛肉7成熟粉紅嫩滑多汁，切開牛汁流晒出黎，配先家醬汁甜咸平衡，每啖都係高級享受💥 🍝 醬燒左口魚邊蟹膏意大利飯 中意左口既我見到即刻叫左😍左口魚油脂勁出，比啲意大利飯吸晒啲油，加埋啲蟹膏勁濃郁，完美融合，creamy又帶咬口，食到停唔到，海鮮控天堂！ 🦀 脆炸軟殼蟹 外脆內嫩蟹味濃郁，脆脆鮮香，邪惡又過癮，軟殼蟹真係點整都冇得輸 🦑 香辣魷魚 魷魚圈夠晒香口，面頭醬汁夠晒濃味，食落唔會太辣夠過癮，一啲腥味都無，一邊食一邊吹水岩晒 🥤 Lychee Lemon 荔枝檸檬飲冰涼清新，荔枝甜混檸檬酸，氣泡順喉解膩，飲落超醒神，配重口菜岩岩好！

Edith 7 個月前

@Luna Kaffe 今日放工同阿妹去咗旺角通菜街嘅LUNA Kaffe食晚飯，地點夠晒方便。六點幾去到幾乎滿座，好彩仲有枱。餐廳裝修簡約，坐得幾鬆動，唔會好逼狹，傾計都舒服啲。 我哋兩個人點咗兩個主菜、兩個小食share。先上枱嘅係黑松露忌廉湯，口感幼滑，松露味幾出，作為開胃湯唔錯。 主菜方面，脆皮烤雞配意粉 ($78) 幾有驚喜。雞皮焗得香脆，肉質仲保持到嫩滑，唔會乾爭爭，配埋燒汁食味道幾夾。意粉就正常發揮，軟硬度適中。另一碟醬燒左口魚邊蟹膏意大利飯 ($128) 味道濃郁，左口魚邊燒過之後迫出油香，入口即溶，蟹膏拌勻之後令成個飯更加鮮味，係值得一試嘅組合。 小食叫咗芝士煙肉西蘭花 ($28) 同香辣魷魚 ($38)。西蘭花焗完仲保留少少爽口感，配芝士煙肉唔會太膩。香辣魷魚幾惹味，辣度輕輕的，作為佐酒小食應該幾夾，我哋就配檸茶檸蜜，正常發揮。 埋單每人大約$150，以呢個地段同食物質素嚟講，價錢合理。店員服務幾好，會主動幫手換碟。整體嚟講，如果想喺旺角搵個坐得舒服、價錢相宜嘅地方食西餐，呢度係個穩陣選擇。