Latter Cafe

Umi유미 2 個月前

法式奶油黃浪漫 Café！邪惡爆沙鹹蛋黃蟹肉意粉，盲盒拉花 驚喜度滿分 ☕✨ 人氣奶油黃法式 Café LATTER CAFE，適合同朋友嚟lunch兼打卡！ 🍝 鹹蛋黃蟹肉扁意粉 ($138) 呢道絕對是必點！一上枱已經聞到好香濃嘅鹹蛋黃香氣。醬汁份量剛好掛滿每條扁意粉，吃起來帶點邪惡嘅爆沙感，但又完全唔會覺得膩。蟹肉份量好足，鮮甜感完美中和咗鹹蛋黃嘅重口味，口感非常豐富！ 大啡菇黑松露炒蛋貝果 (配煙三文魚 +$25) ($143)貝果烤得外脆內煙韌，裡面夾住厚身多汁嘅大啡菇同炒得極之滑溜嘅黑松露炒蛋，黑松露香氣好突出。加咗煙三文魚之後層次更加豐富，鹹香滑順，作為 Brunch 簡直是完美選擇！ 🍰 自家製栗子提拉米蘇 ($68) Tiramisu 融入咗秋日感十足嘅栗子蓉！栗子蓉香甜綿密，配埋帶有微苦咖啡香與酒香嘅浸潤餅底，軟滑嘅 Mascarpone 芝士入口即化，甜度控制得剛剛好，栗子控必試！ 動物派對盲盒拿鐵 ($68) 超驚喜嘅「盲盒」體驗！上枱時發現係超可愛嘅動物棉花糖立體浮喺拉花上面，簡直少女心大爆發，相機食先！棉花糖慢慢融化帶點微甜，治癒感十足。 冷萃西柚檸檬紅茶 ($60) 朋友點咗呢杯解膩特調，西柚嘅微苦酸甜夾雜檸檬嘅清香，底層紅茶底好順口，食完鹹蛋黃意粉飲一口，非常消暑解膩。

W P 7 個月前

早前同朋友嚟到灣仔，經過一間好可愛又充滿少女風嘅Cafe 「Latter Cafe」，即刻入去試吓。入到去環境好舒服，成間餐廳都係用奶油風嘅裝修，比人一種好舒服嘅感覺✨ 估唔到呢度無論食物同埋飲品都有好多選擇！未食完已經諗定下一次食咩了😋 🍝鹹蛋黃蟹肉扁意粉 鹹蛋黃蟹肉真係好吸引，蟹肉鮮嫩，鹹蛋黃味好突出，廚師將意粉煮得啱啱好，每啖意粉都充滿鹹蛋黃嘅味道！ 🥗煙三文魚牛油果溏心蛋沙律 煙生文魚好新鮮，溏心蛋蛋黃流入沙律入邊，食得好滋味。呢度嘅沙律可以揀唔同嘅醬汁，今次我揀咗黑醋汁，同沙律菜非常配合，甜甜酸酸食到我好開胃😋 🍰Latter原味巴斯克芝士蛋糕 呢度嘅巴斯克芝士蛋糕好香濃，芝士味好突出，除咗原味呢度仲有好多其他味選擇，岩晒鍾意食巴斯克嘅朋友，推薦👍🏻 ☕️咖啡品嘗組合 自家拼配豆（花香、櫻桃、波特洒） 呢個上枱已經好靚嘅咖啡組合，由 三杯咖啡組成，一次過品嚐到唔同嘅咖啡豆同沖泡手法，賣相仲好吸引，打卡一流！ ☕️焙茶鮮奶 焙茶味好突出，每啖入口嘅鮮奶都飲到焙茶嘅香味，喺冬天嘅日子飲一口熱焙茶鮮奶，真係好舒服！

Alexandra leung 7 個月前

Latter Cafe - 灣仔高質韓風Cafe 🇰🇷✨ 最近去咗灣仔呢間純白簡約風嘅 Latter Cafe，真係要推介俾大家！🎀 門口已經係打卡位，純白色門面配木系裝潢，簡約得嚟又好有feel，入去之前已經要影幾張相先～ 📸 同朋友試咗幾樣嘢，全部都有驚喜，已經諗緊幾時再encore！🤤 🍝 香煎帶子明太子扁意粉 $148 帶子超大粒，煎到金黃色好香口！明太子醬同cream balance得好好，唔會太膩，每啖意粉都掛滿汁，真心正！👍🏻 🍝 鹹蛋黃蟹肉扁意粉 (走辣) $138 呢個超級推薦！鹹蛋黃碎多到嚇親人🫢 撈勻之後每條意粉都變咗金黃色，蟹肉份量都唔少，味道濃郁，食到lam lam脷～🤤 🍰 自家製提拉米蘇 $68 咖啡同酒味balance得幾好，芝士口感軟滑，甜度啱啱好，完美嘅一餐總結！💕 ☕️ 西柚氣泡咖啡 $62 呢個好特別！自家拼配豆帶花香同少少酒香，加埋西柚嘅清新同氣泡感，成件事好refreshing，夏天飲一流～✨ 🍊 冷萃西柚檸檬紅茶 $60 酸甜清爽，西柚同檸檬嘅果香好突出，食完濃味嘢飲返杯，即刻解膩！🌿 🌟 環境/服務小評： • 店仔細細，但裝修好有心思，純白x木系簡約風，打卡一流！ • 店員好nice好有禮貌，加分！ • 原來仲係pet-friendly🐶🐱，可以帶毛孩一齊chill！

Cherie Kwok 8 個月前

Foodie IG @foodpilgrimage.gps ➲ 灣仔 Latter Cafe 灣仔呢間街角Cafe，裝修以木系同水泥牆為主，幾有文青感。午市時間好旺場，好在翻枱速度都算快。今次試咗佢哋幾款主食同招牌飲品甜品，係灣仔區算係一個唔錯嘅休閒選擇。 ➳ 巴馬火腿牛油果炒蛋貝果 蒜味貝果烘得外脆內煙韌，口感唔錯。炒蛋真係幾滑，牛油果熟度啱啱好，creamy得嚟唔會太生。鹹香嘅巴馬火腿同沙律菜令到成個配搭更豐富，食落無咁滯，係一份幾有滿足感嘅輕食。 ➳ 壽喜燒牛肉扁意粉 將日式壽喜燒風味同扁意粉結合，幾有創意。壽喜燒汁甜鹹度調得幾好，掛滿每條意粉，好入味。肥牛份量足，洋蔥同蒜片爆得香，食到最尾會撈埋隻日本蛋黃，令醬汁更濃稠滑身，係一道幾惹味嘅主食。 ➳ 抹茶鮮奶 抹茶味幾醇厚，飲到少少回甘，證明用料唔差。同鮮奶融合得幾好，甜度適中，係一杯穩陣好飲嘅抹茶飲品。 ➳ 伯爵茶朱古力鮮奶 伯爵茶嘅佛手柑香氣好突出，同朱古力味意外地夾，兩者嘅味道都幾平衡，唔會話邊樣搶咗風頭。口感順滑，鍾意茶味重嘅朋友可以一試。 ➳ 開心果芝士蛋糕 開心果味夠香，唔係得個顏色，真係食到果仁嘅風味。芝士蛋糕質感綿密，餅底夠脆。面頭嘅開心果碎增加口感，整體甜度控制得幾好，食完唔會覺得好膩。 ⤵ ‎𐂐 @lattercafe ⌖ 灣仔謝斐道151-153號金聲大廈地下E號舖 ⤚ ⊹ ⤙ #hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #灣仔美食 #抹茶 #焙茶 #麻糬 #雪糕 #LatterCafe #貝果 #壽喜燒 #意粉 #開心果 #芝士蛋糕 #咖啡 #巴斯克

Duckiee Chan 9 個月前

又到聖誕🎄🎄，又到聖誕🎄🎄🎄終於嚟到1️⃣2️⃣月啦! 行過灣仔見到有間門口佈置得好有聖誕氣氛的cafe, 當然要入去坐下，提早感受聖誕氣氛。 鹹蛋黃蟹肉扁意粉： 滿滿嘅蟹肉🦀🦀+蟹籽🦀🦀，真係堆到成座小山咁高，仲要有啲鹹蛋黃碎🥚🥚，撈埋啲意粉食，好食。😋😋😋 煙三文魚牛油果醬意粉：好creamy好有牛油果香🥑🥑，食落唔咸，感覺更健康，用扁意粉煮，更加掛醬。 飲品我地叫左動物派對盲盒latte ,飲品部分係可以自選嘅，最貼心嘅係有咖啡同無咖啡嘅飲品可選，而奶亦有全脂🍼🍼﹑脫脂🥛🥛﹑燕麥奶揀，但最令我感到奇怪嘅係，明明個飲品叫動物派對，但粒棉花糖唔知點解唔係動物造型，而係聖誕樹! 另一杯我地叫左肉桂朱古力，上面有一層cream, 仲有啲聖誕造型嘅小糖果裝飾，真係靚到唔捨得飲。 甜品我地叫左芭菲杯，真係好靚好少女😍😍，底係tiramisu, 上面左啲朱古力同抹茶口味嘅麻糬粒粒，然後係一個企鵝造型嘅棉花糖，最上面仲有一塊小餅乾+士多啤梨🍓🍓+cream, 真係好食得嚟又得意。👍👍