倆仨杯 (旺角)

KT Hello 1 年前

倆仨杯又有期間限定啦！簡單介紹，倆仨杯同小薯茄聯乘喺朗豪坊12/F 開咗一間台式餐廳。設有小薯茄嘅打卡位 📸，同埋小薯茄既週邊！呢度可以堂食 🍽️，影相打卡都好靚！ 薯茄樂園餐 $108 新出既薯茄樂園餐，Step 1 選擇炸蠔/牛腱/香辣雞扒刈包；Step 2 選擇 輕盈蕃茄烏冬 跟牛腱/雞絲；Step 3 跟地瓜球；Step 4 跟menu 飲品；Step 5 薯茄鎖匙扣盲盒一個。 香辣雞扒刈包 香脆新鮮熱辣的雞扒夾在軟糯刈包中，口感絕佳，令人垂涎。 輕盈蕃茄牛腱烏冬 清爽蕃茄湯底，嫩滑牛腱，烏冬吸汁，食完刈包後一小碗份量剛好。 地瓜球（四粒） 完全是台灣夜市的風味，夢迴台北。 大甲芋頭鮮奶 濃郁芋頭香氣融入鮮奶，甜而不膩，完美搭配。 D24 榴槤飄香泰奶冰 $55 榴槤醇香滑順清甜（足料！），泰奶冰涼爽，一啖榴槤一啖泰奶冰，都是我喜歡的東西。 牛三寶飯 $62 牛肉、牛腩、牛肚三重享受，搭配珍珠米，滋味無比。 蔥油雞絲飯 $62 嫩雞絲配上香蔥油，飯粒吸收鮮美，令人食指大動。 烤布蕾奶蓋鐵觀音奶茶 $38 香濃奶蓋與鐵觀音茶完美結合，烤布蕾增添層次。 葡萄柚鐵觀音 $32 清新葡萄柚與醇厚鐵觀音交融，口感清爽，回甘持久。

hkfoodsis 1 年前

旺角朗豪坊上到12樓小角落 見到呢間小薯茄主題嘅台式餐廳 半開放式設計配上玻璃天窗. 環境舒適 見到全新推出嘅薯茄樂園餐好吸引 即刻搵個位坐低試下 🍅薯茄樂園餐 ✨蕃茄雞絲烏東 蕃茄湯底味道鮮甜 有雞絲 / 牛腱 兩款配料選擇 ✨刈包 有三款口味選擇 揀咗香辣雞扒刈包 ✨地瓜球 熱辣辣．外層香脆 裡面啖啖蕃薯香 泰式甜品有水準 ✨泰奶雲朵綿綿冰 綿綿冰口感細膩．充滿泰國奶茶嘅味道 面層舖滿濃郁榴槤肉 食到裡面仲有滑溜溜嘅仙草 ✨黑糖珍珠岩鹽厚鮮奶 奶味濃郁．口感順滑 配上黑糖珍珠．煙靭Q彈有嚼勁 仲送上薯茄鎖匙扣．好得意 共有7款．可以儲齊一套呀

sunsum9806 1 年前

去朗豪坊的樂高行完之後，就去隔離嘅倆仨杯x小薯茄主題店食嘢，一入門口就好似跌咗入卡通王國！牆身掛滿晒繽紛蕃茄同地瓜圖案，小朋友一見到就瘋狂衝去影相！ 🍽️ 必點「薯茄樂園餐」 🔥 辣雞扒刈包 台式刈包夾住雞扒，辣度溫和帶蜜糖香，夾住脆黃瓜片同芝士醬，麵皮仲印住薯茄圖案～ 🍜 輕盈蕃茄牛腱烏冬 用新鮮蕃茄熬出天然酸甜味，牛腱肉軟到入口即化，烏冬吸飽湯汁又唔會爛！ 🍠 芋泥地瓜球 外皮酥脆內裡流心！芋泥餡料一咬開就會爆漿～ 🧊 榴飄香泰奶冰 用頂級金枕頭榴槤果肉，超級濃郁，每啖都係果肉，泰奶雪花冰涼浸浸好解暑！ 🥭 芒果綠茶 芒果味好濃厚，綠茶清香又唔苦澀！ 仲叫咗其他小食 🍜 滷肉拌烏冬 滷肉肥瘦比例啱啱好，醬汁濃郁又唔油膩，烏冬Q彈有咬口～ 🥢 滷封門柳 滷得超級入味！肉質軟嫩帶少少嚼勁，滷汁香中帶甜！ 🍗 單骨雞翼 外皮酥脆，單骨設計超貼心！細路仔唔使啃到成手都係醬汁！ 🍶 醉雞翼 花雕酒香超濃郁，但唔會嗆喉，雞肉滑嫩，膠質滿滿～ 🧇 忠孝紅豆餅 綿密紅豆餡帶顆粒感，甜度啱啱好～ 🐔 香酥雞排 外皮金黃酥脆，肉質Juicy唔乾柴

Sum Wong 1 年前

最近喺旺角朗豪坊搵到呢間集卡通主題同美食於一身嘅餐廳！呢度真係打卡之選，唔單止環境有趣，食物仲好有驚喜 🍴薯茄樂園餐 包含香辣雞扒刈包、迷你蕃茄牛腱烏冬、烤布蕾奶蓋鐵觀音奶茶同芋泥地瓜球，一set就已經食到唔同層次嘅風味。刈包嘅雞扒香辣得嚟唔會太刺激，烏冬啖啖牛腱香，奶茶仲有烤布蕾，甜度啱啱好！ 🍚 蕃茄慢煮雞絲泡飯 呢個真係暖胃之選，濃郁嘅蕃茄湯底配埋嫩滑嘅雞絲，食完好滿足！ 🍢 小食推介 - 炸花枝丸：炸得好脆，內層彈牙，食到啲花枝嘅鮮味。 - 鹽酥雞：外層香口，入面多汁，唔會太鹹，perfect！ - 台灣腸：香腸煙韌又香甜，好適合配埋其他鹹小食食。 - 滷雞翼同滷金錢肚：滷水味濃，入味得嚟唔會太重口，滷金錢肚仲特別有口感！ 🍧 泰奶雲朵綿綿冰 甜品必試！綿綿冰夠滑夠香，配埋濃郁嘅泰奶味道，清新又唔膩，完美ending！ 📸呢度嘅食物賣相靚到可以影足成個下午，味道同質素都對得住，絕對值得一試～各位薯茄迷快啲嚟打卡啦！

莫理斯 1 年前

旺角朗豪坊發現小薯茄! 公仔太可愛，主打台式輕食，價錢唔貴，食完午餐再食埋甜品直落。 薯茄樂園餐超豐富! 薯茄刈包實在太可愛，有小薯茄Logo，芋泥地瓜球脆卜卜。自選飲品一杯揀左草莓奶蓋芒沙HUNTER，士多啤梨同芒果味香濃，鮮味十足，奶蓋帶微咸，冰涼清爽之選。最最最緊要就係隨機送一個超可愛嘅鎖匙扣！ 呢個午餐抵食! 滷肉飯配三款餸，份量飽足。滷肉油香滿滿，充滿台灣風味，牛肋肉煮得非常入味。香酥雞扒微微辣度剛好。台灣腸腸肉汁爆多。宇治抹茶紅豆串串沙冰抹茶味香，紅豆綿蜜香甜，超正! 追加夜市套餐揀左一份雞捲，薄豆皮炸到金黃酥脆，中間鮮嫩多，真係好有台灣夜市嘅風味。 抹茶金時芋圓份量大，除左抹茶冰底，仲有大量仙草、紅豆、煙韌嘅芋圓，最好食就係類似豆腐嘅奶凍。 泰清涼綿綿冰系列應該係夏日限定，泰奶勁香茶味，奶蓋厚厚一片鬆鬆軟軟呈現雲朵效果，奶香帶微咸嘅味道同泰奶好配合，大愛!