兩草 (尖沙咀)

barbie chan 1 個月前

尖沙咀兩草懷舊平民食堂🥢港式x馬拉冰廳🥪 見呢間好似幾有特色咁，門口又好多明星相，同埋價錢又幾平民，一於試試！ 香煎脆邊蛋肉餅飯 $44 尖沙咀仲食到50蚊內嘅飯，真係好難得！肉餅都唔細塊架！女仔如果慳慳地真係食一個飯都夠曬，味就又唔差，肉餅口感都不錯。 咖央多士 $26 即叫即整仲要即食先新鮮！多士做到好脆，夾住咖央唔算好厚，你可以話冇咁膩，而我都夠嘅，食落都好夠味。 小籠包胡椒湯 $42 超級胡椒味嘅湯，小籠包都算幾大粒，食落都不錯。 油菜 $18 $18一大碗菜，都算係咁，全部都價單細細可以叫多幾味。 招牌炸雞翼 $30 估唔到雞翼幾出色，外脆內爆汁，係用左南乳醃製，非常入味。 羅漢果水 $25 羅漢果味清甜，而且都幾大杯，可以2個人share !

Cheng Vic 1 個月前

今日終於去咗一間人氣高企嘅《兩草》，過咗午飯時間仍然大排長龍，認真誇張。响排隊期間，就睇定食啲乜。最後我哋決定點必食嘅「香煎脆邊蛋肉餅飯」、「咖央多士」、「叉燒豬油撈麵」同「招牌炸雞翼」。 香煎脆邊蛋肉餅飯 必食嘅肉餅飯，荷包蛋煎得好靚，脆邊真係做到只係個邊係脆，而蛋白仍然保持嫩滑；肉餅嘅味道出色，豬肉味道濃郁，入口夠鮮嫩，最重要是不油膩。 叉燒豬油撈麵 叉燒肉質夠淋，而且夠juicy，帶有少少蜜糖嘅甜味，口感豐富；撈麵處理得相當出色，口感爽口彈牙、極具咬口。靈魂所在嘅豬油加上豉油，帶出醇厚香氣與豉油嘅鹹鮮。 咖央多士 呢個小食真係不得了，多士口感夠脆，加上咖央嘅香甜味，多士烘到金黃色，外層口感極之爽脆，內部則保持麵包應有嘅鬆軟，加上咖央醬嘅甜味，完全真係不得了。 招牌炸雞翼 雞翼炸得外皮夠爽脆，火喉做到剛剛好，而且雞肉依然保持嫩滑，最重要係冇帶雪藏嘅味道，呢個係好難得。外皮食得到類似蝦膏嘅鹹香氣，鹹香均勻，將雞肉本身嘅鮮味進一步提升，令人齒頰留香。 檸檬薏米水 炎炎下日必飲嘅飲品，味道夠清，同時亦夠解喝。新鮮檸檬嘅微微酸香加上薏米嘅天然甘甜，甜度拿捏得剛剛好，完全唔會甜膩或者有化學糖漿感。檸檬嘅清香即時醒胃，酸酸甜甜非常解渴。 羅漢果水 朋友點咗羅漢果水，我眼望嘅色澤如深沉琥珀，入口清甜爽口。羅漢果獨有嘅植物甘香非常突出，甜度清雅自然而不鎖喉，完全沒有人工添加糖份嘅粘膩感，味道醇厚順滑。 今次嘅體驗係，好難得係做到平！靚！正！而且夠地道，愛香港地道美食嘅朋友們一定唔可以錯過。

Samantha Shum 2 個月前

👩‍💼➡️🍴 放工同朋友去尖沙咀試下呢間 IG 洗晒板嘅「兩草」～好在我哋早到，之後真係要排隊等位，人氣真係好旺！餐廳環境走平民茶餐廳風格，簡單樸實，但食物選擇好多，價錢親民，份量足夠，難怪咁多人推介。 ✨ 必試推介： 🥪 咖央多士：多士烘得外脆內軟，咖央醬香甜濃郁，入口帶椰香，甜而不膩。配上樽仔奶茶，真係完美組合，早餐或下午茶一流！ 🥟 小籠包胡椒湯：胡椒湯底香辣暖胃，喝落去好舒服。小籠包皮薄餡多，咬開爆汁，肉汁同胡椒辛香融合得好正，冬天飲更加加分。 🍗 招牌炸雞翼：炸到金黃香脆，咬落去肉質多汁，油而不膩，係必點小食，朋友聚會必備！ 🍳 蛋炒豬腸粉：創意十足，炒得乾身不油膩，蛋香同腸粉軟滑口感好有驚喜，係少見嘅茶餐廳特色炒法。 🥬 油菜：清爽簡單，保持爽脆口感，為整餐增添清新感，平衡油炸食物嘅厚重。 🥤 樽仔奶茶：茶味偏重，奶香適中，入口順滑，回甘明顯，樽仔包裝仲有懷舊 feel，好有港式茶餐廳 vibe。 🌿 羅漢果水：清甜解膩，夏天飲一流，飲完即刻覺得清爽，係好好嘅收尾。 📍 尖沙咀 #尖沙咀兩草 #尖沙咀美食 #香港探店 #香港平民美食 #港式茶餐廳探店

Lee Lee 4 個月前

位於尖沙咀嘅兩草，主打港式南洋風味主食、小食，整體感覺幾有驚喜。雖然價錢新民，但出品唔會求其。幾款小食同主食都見到小店有用心機去整👍🏻性價比高！💕難怪咁多遊客過嚟朝聖🤭 今次叫咗個招牌香煎脆邊蛋肉餅飯、滑蛋叉燒飯、咖央多士，同埋蛋炒豬腸粉兩個人share🤗 飲品方面，我哋order咗樽仔咖啡（班蘭味）同埋百香果烏龍茶。 其中香煎脆邊蛋肉餅飯整得幾出色！個蛋煎得幾靚，邊位微脆，蛋香濃郁，肉餅扎實同大量蔥花一齊食，口感相當豐富。另一款滑蛋叉燒飯都唔錯，蛋夠滑，叉燒軟腍同樣配埋大量蔥花，味道尚算balance。兩款飯份量都好多，多到兩個人share都食唔哂，好飽🤣 至於蛋炒豬腸粉平時鋪頭比較少見嘅配搭，食落有少少驚喜，處枱熱辣辣，口感香脆惹味 食唔停口😜 飲品方面，樽仔咖啡（班蘭）同百香果烏龍茶都幾有特色，甜度適中，幾啱香港人口味。百香果烏龍茶飲落好fresh，解膩一流☺️ 甜品方面，揀咗咖央多士😗多士烘到金黃香脆，咖央醬比例剛好，牛油香濃，食落香甜但唔膩。 整體嚟講，兩草屬於一間幾適合返工 lunch、同朋友 casual 食飯嘅好去處。價錢合理，出品穩定，款式亦算有心思。若果你中意港式 fusion、又想喺尖沙咀搵間唔太貴但有質素嘅餐廳，呢間小店值得一試喔👍🏻 #尖沙咀兩草 #平民飯堂 #尖沙咀美食推介

Co Co Channel “潮流教主” 4 個月前

尖沙咀《兩草》簡直係平民食堂，我哋叫到成台嘢食先＄201，必食咖央多士同蛋炒豬腸粉！ 💠 咖央多士 $26 一定要趁熱食！薄身多士烘到外脆內軟，咖央醬甜香帶椰味，入口黏稠滑順，齒頰留香 。 💠 蛋炒豬腸粉 $30 腸粉炒到微焦帶鑊氣，雞蛋香氣均勻包裹，口感有少少脆口 。 💠 豬油渣溫泉蛋撈飯 $40 豬油渣香脆帶油香，混合溫泉蛋滑溜爆漿，飯粒吸滿油香同蛋汁，口感層次好豐富 。 💠招牌炸雞翼 $30 外皮炸到金黃酥脆，肉質嫩滑多汁，鹹香惹味 。 💠淨肉餅 $25 肉餅煎得好香脆，口感紮實帶點咸香，很有家常風味 。 💠樽仔咖啡(班蘭) $25 尖沙咀分店獨有！咖啡香濃帶微甜，混合班蘭清香，感覺好清新 。 💠白桃烏龍冷泡茶 $25 茶底清爽帶烏龍回甘，白桃果香柔和，冰涼解膩，飲完好舒服 。