Library Restaurant & Bar

Kwong Maisy 1 個月前

Search Tst 西餐去慶生，彈出介紹Library Restaurant and Bar, 網上評論不錯，約咗YVONNE 一齊去試吓。 餐廳分兩部份，我哋6:30 到仍有小小陽光加晚霞，今日又唔太熱，選擇在戶外先happy hour, 係清真寺景，舒服地坐在沙發上吹吓水，飲吓嘢，好chill. 我們的飲品是不帶酒精的水果味混合茶飲，夏天飲好適合。 7點半入返戶內嘆下冷氣食晚餐，待應哥哥好有心介紹菜式，原來係間fusion菜，我們點了頭盆和兩個主菜。頭盆是燒橙加魚生配上綠色的墨西哥辣汁，好fresh, 好開味蕾。主菜是金調臘鱗燒牛油粟米醬，魚鱗魚皮炸到卜卜脆，魚肉剛熟，醬汁內有墨魚膠，好有心思的設計。另一主菜是牛肝菌北菇燉雞意大利飯，上枱時，菇味撲鼻，意大利飯煙煙韌韌，雞皮卜卜脆雞肉嫩滑，咬落去有汁水流出，北菇勁大隻可以用刀叉嚟切。無論係前菜或者主菜，賣相、溫度、味道，都睇得出餐廳廚師的心思和巧手。 餐廳侍應，寫菜下單時好細心地蚊卡個人口味而推介菜式，上菜時好專業可以講出烹調方式和醬汁。環境好浪漫，坐得好舒服，有好多打卡位。結賬時，侍應生說出餐廳會定期改餐牌，廚師們會落力地研究新菜式，希望可以比到多一些新鮮感給客人，可以多些來光顧。

Helenana Chow 4 個月前

之前食過午餐，覺得質素唔錯，晚餐餐牌又有啲創意，就嚟試吓。 🤔白蘭地蘋果雞肝醬多士 質地幾creamy 嫩滑，味道唔算非常濃郁。主要係溫和淡淡嘅味道，再配上脆脆嘅多士。整體味道可以，但係雞肝醬本身就冇鴨肝/鵝肝嗰種甘香。 👌🏼牛油烤椰菜花 $158 賣相幾靚，椰菜花烤得好軟，帶有甜味。不過餐牌話係配以銀魚柳醬，但係醬汁味道只有焦糖洋蔥嗰種甜味，完全冇期待嘅鹹香味。 ☹️茴香油甘魚 Hamachi Crudo $168 呢碟最普通。油甘魚毫無味道，上面放茴香菜，醬料味道亦非常平淡，毫無驚喜。成碟嘢平淡無味。 🤔牛肝菌卡邦尼意粉 $158 味道可以，但同傳統卡邦尼嘅味道完全冇關係，主要就係牛肝菌汁嘅味道，配以少少煙肉味。 👌🏼澳洲M5 和牛冧肉蓋， $338 肉質雖然一啲脂肪都冇，但係生熟度掌控得啱啱好，食落口感嫩滑，亦都食到油香味。 調味方面，比“四川花椒法式忌廉醬”個名吸引咗，但食落味道係超溫和，只係若隱若現非常輕微嘅花椒味。覺得醬汁味道可以濃烈啲再有特色多d 。

angus wong 4 個月前

第一次去有户外餐廳，感覺非常好 戶外景非常靚，侍應亦都很有禮貌，每道餸菜都有詳盡解釋，而且外型都十分好看 最重要食物驚喜度很高，感受到用心的地方 10分推薦

Andy Sha 6 個月前

Library喺尖沙咀，環境型格寬敞，坐得舒服。📖 午餐set精緻高質，牛扒火候啱啱好，肉質嫩滑，意粉味道香濃，食材新鮮。🍝🍖 整體水準好高，係尖沙咀一個值得推介嘅西餐選擇。👍

Cass Cass 1 年前

呢間酒吧餐廳已經放在我想食嘅餐廳名單內有一段時間了。今日終於約到朋友來食晚餐。 🍴 Hamachi crudo 呢個擺盤好靚，好有夏日清爽嘅感覺。主角係新鮮肥美嘅油甘魚刺身配上微燻過嘅香甜日本蜜柑和清新嘅茴香，而汁底係用咗蒔蘿尖和墨西哥辣椒做，更顯清新嘅口感。 🍴 Lemongrass short ribs 呢碟牛小排有兩種食法，一邊係慢煮牛小排，肉質非常鮮嫩多汁，另一邊係香葉柚子沙律配上牛肉粒，口感極為清爽，一道菜有兩款不同食法，顯得廚師頗有創意，值回票價。 🍰 Truffle basque 見到呢個巴斯克蛋糕係用松露做，非常有新意，再搭配埋松露味嘅雪糕搭配風乾火腿脆片，口感咸咸甜甜，非常頂癮。 🍨 Peach delight 睇到呢個甜品名已經好想食，果然不負所望，原個浸過酒嘅香桃，香桃裡面重有埋清爽嘅茉莉花茶味嘅啫喱，而香桃下面鋪滿荔枝味極濃嘅忌廉芝士，再加埋牛油脆脆粒，口感極為豐富。