Little Vegas

memo chow 1 年前

🔅香草蕃茄醬烤春雞 🔅蒜香辣椒蜆肉炒意粉 意粉煮得啱啱好，唔會太淋，有咬口。蒜香同辣椒味都幾夾，唔會太搶，蜆肉都算新鮮，食落去有海鮮味，整體唔錯。 🔅黑松露野菌比薩 十觸目類海鮮比薩 雙口味pizza 海鮮嗰邊有軟殼蟹同蝦等配料， pizza底薄脆，唔會太油膩，兩款味道都幾平衡。

be.myfood.memory 上次編輯：1 年前

支持小店! 銅鑼灣樓上高質cafe 餐廳裝修好有特色，牆身是美國漫畫，餐枱用了馬賽克，而枱與枱之間有足夠距離，感覺舒服，好岩同朋友坐係度慢慢傾計。 🥓秘製醬汁焗豬肋骨 (半份)-$134 呢個ribs 烤得好香，肉汁都好juicy，加上BBQ source，配上脆薯角，一個好完美嘅配搭。唔會overbook 同好硬 。 🍗香草蕃茄醬烤春雞 (半份)- $108 呢個煮法好西式，類似法式煮油封鴨嘅方法，鎖住雞嘅肉汁之餘，亦都保持雞肉嘅鮮嫩。配菜仲可以揀沙津菜，薯條或者薯角。 🍝明太子忌廉天使麵 - $124 忌廉天使麵十分creamy，配上明太子，大量鯉魚乾，磨菇同洋蔥，味道超夾，口感一流。溫馨提示: 呢款意粉一定要趁熱食呀❤️ 🍤命運小食拼盤 (小份)-$108 呢個係兒時懷念味道嘅小食拼盤，有洋蔥圈，炸魚手指，天婦羅炸蝦，炸雞翼等。因為我叫其他主食既配菜有薯條同薯角，所以店員好貼心幫我地走呢兩樣，其他炸野replace 番。特別一讚係天婦羅炸蝦，佢地專登用日式炸粉，完美地將個蝦炸到扑扑脆。 🍹秘密花園水果茶 - $56 真心推介! 份量大，而家好岩打卡。水果茶好足料，有奇異果，火龍果，士多啤梨，藍莓，檸檬，入口清新，果香味十足🍋 🍸海洋梳打 - $48 呢杯野飲個顏色好特別，符合產品名-海水嘅藍色，fresh 既感覺。 整體食物質素好，同埋原來今年已經係餐廳係銅鑼灣營業既11年啦，下次大家經過銅鑼灣都可以試吓呢間樓上Cafe。

Chan Wing Cheong 1 年前

今晚放工同老婆出到去銅鑼灣食飯，最終選擇咗百樂中心嘅呢一間餐廳，因為想食西餐，而且見到呢間餐廳網上評價唔錯，之前都已經試過一次，不過已經係一年前嘅事，所以唔知餐牌有冇改變 餐廳嘅裝修仍然保持一貫充滿美國風，除咗有好大嘅燈牌之外，牆身都畫咗美國風格嘅漫畫，加上唔同顏色嘅霓虹光管，令人容易置身於美國街頭當中 由於實在太肚餓，所以好快就已經點咗嘢食，大約15分鐘左右，所有食物已經到齊晒，效率十分高 先黎有薯不簡單組合，其實係薯條、薯餅同薯角，配搭蜜糖芥末醬 粗薯條夠晒金黃香脆，有口感！而三角薯餅做到外脆內軟，薯角則帶有豐富的咀嚼感 之後有雞翼好多重奏， 三款口味分別係柚子味， 水牛城芝士味同玫瑰味 柚子味清新微甜，水牛城芝士味濃郁帶點微辣，玫瑰味則帶有獨特既花香，唔係普通炸雞翼或者韓式雞翼，三款口味各具特色，幾特別 呢個漢堡叫懶係健康嘅牛油果燒雞扒漢堡，用非常大塊而厚實既燒雞扒搭配牛油果，雞扒燒得好香，好多肉汁！凈係雞扒已經令人大滿足，整個配搭富有層次，麵包微脆非常易入囗，整體味道惹味濃郁 最後有孖寶pizza，兩個味道分別係黑松露野菌口味同埋避風塘魷魚圈口味 黑松露野菌口味香濃，芝士與野菌的組合令人滿意，屬於正常發揮 而避風塘魷魚圈則帶有港式風味，炸魷魚圈香脆惹味，後勁帶點辣 埋單大約四百幾蚊，性價比幾高 呢啲菜式同餐廳佈置都完全展現左Little Vegas既創意同美式風格，充滿玩味，令人放低煩惱，非常適合三五知己聚會！

Snowie Lau 1 年前

呢間餐廳由讀書時間食到而家，除了食物外，更多的是回憶。 這就是以拉斯維加斯為靈感主題的Little Vagas，牆上佈滿幽默漫畫和精闢金句，生活苦悶，岩哂我自嘲下🤣 餐廳裝潢色彩鮮艷，裝飾擺設亦都好有趣，充滿玩味！ 留意下，我手握的漢堡包裝飾每張枱都有，打開入面有驚喜🤭 雞翼好多重奏： 玫瑰、柚子、水牛城 這道雞翼簡直是味蕾的交響樂！玫瑰的清香、柚子的酸甜、水牛城的火辣，三種截然不同的風味在小小的雞翅上完美融合。 玫瑰的優雅淡化了油膩感， 柚子則帶來清爽的味覺體驗，水牛城的熱情點燃了整個味蕾。 明太子忌廉天使麵 天使麵如絲般柔滑，裹滿了濃郁的明太子忌廉醬汁。明太子的鹹鮮與忌廉的香甜交織在一起，帶來豐富的層次感。 十分矚目海鮮Pizza + 北京填鴨鴨胸Pizza 這款雙拼Pizza絕對是視覺和味覺的雙重享受！😝海鮮Pizza匯集了各種新鮮的海鮮，搭配濃郁的芝士，每一口都是大海的味道。 北京填鴨鴨胸Pizza則將傳統的北京烤鴨與Pizza完美結合，鴨肉的香氣與酥脆的餅底相得益彰，令人驚艷。 鮮檸蟹肉意粉 鮮檸的清新與蟹肉的鮮甜完美結合，帶來清爽宜人的口感。意粉Q彈有嚼勁，搭配鮮美的蟹肉，每一口都充滿了幸福感。檸檬的酸味巧妙地平衡了蟹肉的膩感，讓人食慾大開。 秘製醬汁焗豬肋骨 豬肋骨肉質酥爛，入口即化，秘製醬汁濃郁醇厚，帶有淡淡的甜味和香料的味道。每一口都充滿了肉香，讓人忍不住吮指回味。 麻麻煩煩麻辣雞飯 嗜辣者的福音！雞肉鮮嫩多汁，麻辣醬汁香氣撲鼻，辣度十足，每一口都讓人大呼過癮。

Sharon T 1 年前

#先食後減 銅鑼灣隱世玩味餐廳 系列 🤪 最近同朋友去咗一間以拉斯維加斯為靈感主題，牆上佈滿幽默漫畫和精闢金句，餐廳裝潢色彩鮮艷，裝飾擺設亦都好有趣，充滿玩味！好適合跟一班朋友聚會或是情侶約會，過去打卡也很不錯！😙 每張枱面都會返咗一個可愛的漢堡包裝飾，打開入面原來放了糖果，可免費給客人吃，小朋友見到一定好鍾意！😆👍🏻 1. 🥗個個都嗌牛扒灬唔通淨係得塊扒咩 ($134) 個名好有趣，其實係一個All Day Brunch😂，包括有牛扒、炸薯餅、蟹柳、蕃茄和麻醬沙律菜，非常豐富！牛扒肉質偏紮實，沙律菜清爽解膩～ 2. 🍕孖寶Pizza ($138) 一個價錢食到兩款口味，我選了北京填鴨風味煙鴨胸Pizza及喇沙海鮮Pizza，北京填鴨風味煙鴨胸Pizza加入了黃椒和煙鴨胸，還搽上了帶點甜的北京填鴨味甜醬，非賞創新而且味道不錯。另外，喇沙海鮮Pizza加入了大蝦、魷魚、魚肉和豆卜，搽上喇沙醬汁，帶點椰香，都幾滋味！👍🏻 薄餅是薄脆餅，不怕會吃膩～ 3. 🦀快啲炒曬啲軟殼蟹意粉🍝 ($136) 原隻軟殼蟹鋪面，大大隻非常吸引，炸至金黃色，外層炸到好香口，啖啖肉，意粉用上冬陰功醬汁煮成，酸酸辣辣，辣得嚟又幾惹味，鍾意食辣嘅朋友唔可以錯過～ 而且意粉煙靭又掛汁，呢款fusion 意粉估唔到又幾出色！