劉森記麵家 (褔榮街)

James Tsai 3 個月前

劉森記，開業超過70年的老字號！ 當麥氏好食，但個人覺得太貴，要找好食的雲吞麵，我會去佐敦澳牛對面，和這一間。雲吞好食，他的竹昇麵更是彈牙，在湯中久浸，也依然彈牙爽口，不會變腍。 除了雲吞，水餃也好食，典型的鳳城水餸󠄁，合格有餘。 我也是很後期才知它原來多年來入選了米芝蓮，而我一向對米記不表期望，甚至香港的米記推薦，不少像直升機一樣，「伏伏伏⋯⋯」。 現在什麼都貴，要食雲吞麵，有貴有平，在大環境下，想慳，又想偶而來一碗好的祭五臟六腑，那麼劉森記憑藉三代的製麵功藝，在今日仍能以相對的合理價錢呈現好食的麵食，真心覺得值得支持。 這天小孩從英國回來，到黃金商場去買東西，怎能不來劉森記食碗麵，暗裡告訴阿仔，其實我都係想見多你幾面，共處的時光，就是我的蜜糖。

YUNG 5 個月前

劉森記今次真係冇令人失望！呢間老字號保持住一貫水準，同朋友一齊去試咗招牌豬手撈麵同冬菇撈麵。 豬手皮彈性十足，有良好咬口，肉質軟腍入味，骨邊膠質豐富，咬落去超滿足。醬汁濃郁香口，撈住幼身麵一齊食，味道層次豐富。冬菇撈麵一樣出色，三粒大冬菇肥美，麵條吸滿醬汁，有濃濃冬菇香。 配菜係腐乳通菜，通菜炒得青綠爽口，腐乳味香濃開胃，解膩一流。 價錢方面非常親民，兩大碟主菜加菜加湯，加埋都唔使一百幾蚊，性價比極高。環境係傳統茶餐廳風格有啲迫，服務亦幾快。 整體味道不錯，價錢唔貴，絕對係平靚正之選。下次想食豬手或者撈麵，一定會再去光顧！

Goo Magic 8 個月前

2026年2月 劉森記食咗好多年，由舊舖食到新舖，不過食蝦子撈麵還是第一次，所以都想寫吓 中午12點前可以隨便坐，之後開始人多要等 蝦子鵝腸黑柏葉撈麵$68 鵝腸黑柏葉蝦子撈麵，都幾大碟，一碟比好多蝦籽，跟碗湯。 鵝腸～以前係新鮮鵝腸，仲有少少肥膏愣住，有鵝香味，但而家好似係雪藏鵝腸，感覺係爽，但無味。 黑柏葉，以前質地硬啲韌啲，而家又係爽咗，係唔使嚼咁耐，不過亦失去咗原味 其實，有少少可惜 不過整體嚟講都係好食嘅 久唔久又想嚟食

foodie_kwan_hk 上次編輯：9 個月前

今次plan好去深水埗搵食,一共有4間餐廳。第一站,劉森記麵家。依家店出名係依然堅持人手打竹昇麵,蝦子撈麵同鮮蝦雲吞麵都係招牌菜。 十一假期,好多人黎到搵食,不過大家都好有共識,食完就起身走,所以都唔洗等好耐,10分鐘左右就有位。 叫左一份鮮蝦雲吞麵,另外叫左一份油菜。鮮蝦雲吞大大粒,有鮮甜既蝦,加上有包埋豬肉,雲吞皮又滑,再者一碗有五粒,份量足又好食😋麵既蛋香足而且爽口彈牙,湯都鮮甜,油菜大碟得黎甜,正常發揮。 值得一提係每台都有擺既醃蘿蔔,酸酸地帶爽口,既開胃又解膩,有機會一定要試下。 整體用餐體驗算唔錯,雲吞麵無超出印象中雲吞麵既範圍,不過都落係好食既區域。有五粒雲吞就係超出預期,CP值算唔錯。鋪頭細細,人頭湧湧,對I人如我,就唔多敢影個餐廳入面🫣上菜都快,大家食得又快,人來人往咁,都幾有香港特色。 鮮蝦雲吞麵 $44 蠔油菜心 $24

Raymond Li 10 個月前

蝦子牛根腩水餃撈麵，性價比最高，一次過滿足三個願望，牛筋夠淋入味牛腩肥瘦均勻，蝦子重口，麵質夠爽，水餃大大粒鮮蝦即場包，值得推介！