Ma...and The Seeds of Life

mmmleemaple 3 年前

今日去左中環一間西式素食餐廳 餐廳位置隱密 位於My central 商場基座 室內裝修優雅有格調 Avocado sans-egg 有牛油果蓉同用由豆腐蛋黃醬整成嘅素蛋沙律 單食會比較清淡 加上旁邊芥末醬食 更鮮味 S-Car-Go! 底層係大量蘑菇同羊肚菌 面層再有薯蓉 頂層綠色嘅係paisley cream 呢個菜式好fresh 香草同菇菌味道加埋真係有種from the ground嘅感覺 仲有隻蝸牛好似喺土壤上走過呢🤭 Potato gnocchi 薯仔做嘅gnocchi有少少咬口 面上灑上幾片腐乳脆片模仿芝士片 少少鹹香 幾特別 Sage cream主要喺碟底 要搞勻先食 Roasted cauliflower steak 呢個好特別 椰菜花唔會太淋太碎 可以切成一份份 配上炸蒜更有口感 沾上豆蓉同南瓜蓉兩款醬汁 更添滋味 Tiramisu 無蛋無奶嘅全素蛋糕 但食落非常綿密軟滑 咖啡味香濃 值得一試！ Mixed berry cheesecake 芝士蛋糕一啲都唔膩 有雜莓香味好鮮甜 另一件passion fruit mousse 中間有新鮮果醬 酸酸甜甜 又係好好味👍 今次呢個西式素食係一個好好嘅體驗 素食都可以好睇又好味！

黑貓教主†kuronekovo 3 年前

網上見到有好多人過嚟呢邊打卡，高級環境餐廳好靚，粒粒嘅陽光投入餐廳裏面，感覺休閒溫馨。中環純素餐廳🍴體驗法式精緻美學💃 素菜式都優美和小巧，伴菜好靚，食物全部都好健康清淡。侍應和餐牌都是英文為主，服務質素很好，收一服務費 有齊8款精緻前菜小食，之後可以無限添加，每次揀四款 DESSERTS 什錦蛋糕（4個） Assorted cakes (4 pieces) 果仁蛋糕、紫色布丁🍮似乳酪奶昔配奇亞籽、仲有咖啡味濃郁嘅Tiramisu。 第一次會上所有4個，隨後可以再添食，每輪可選擇任何2個，任食好正😍

Eunwoo BB 3 年前

咁靚咁精緻嘅擺盤真係不得一讚呀😙😙 主菜嚟之前，就慢慢享用呢8款嘅開胃菜先啦😋 一口嘅前菜，包括有西班牙凍湯配上青瓜碎、西葫蘆千層面卷、紅菜頭義大利餃、純素魚子醬、酸忌廉配藜麥小圓餅等等😆😆 細細啖放落口真係食極都唔夠呀～～ 好彩呢到嘅appetiser & desserts都可以refill😗 完全唔驚唔飽肚😉 Preserved lemon risotto 一見到賣相咁精緻就忍唔住幫佢影多幾張相啦🥰 上層嘅烤露荀非常吸晴🤣🤣 由紅薯製造整成嘅素鵝肝，同埋由雞髀菇扮帶子🤨 賣相超有睇頭🤨 再加上蜜桃同埋特別醬汁，口感層次豐富😛 而呢個risotto口感軟硬適中😜飯粒粒粒分明，又充滿濕潤感，配埋乾花脆片，真係幾值得一試！ Assorted cake(4 pieces) 四款精緻嘅小蛋糕，一定有一款啱你口味😉 而我最鍾意就係雙重朱古mousse cake😜 除咗味道濃郁之外，口感綿密細滑，又唔會過甜！！！

車媽媽 4 年前

素色可餐！ 生日月第二餐跟兩位好友一起吃素清清俗氣！我們選了一間吃Fine Dining的西式素菜餐廳，過了一個祥和快樂的一夜！ 選上的是Ma...and The Seeds of Life，大廚Tina Barrat主供大自然最原始的素菜，而且菜式非常精緻跟坊間一般的素菜店更有創意。 餐廳入口以吊燈裝飾然後拾級而上便到達佔地1800尺的用餐區。 內裡以灰色和木材作主要裝潢色調柔和雅致恬靜坐得非常舒適。 時間尚早仍有天然光線為這棵小花束才來光芒。 餐廳提供Raw & Vegan食品也有生酮飲食部份含五辛，餐牌於每道菜也有標示方便客人不同的飲食要求，先上檯有Amuse Bouche香軟可口是個好的開始。 大家也選上一杯Mocktail來Chill吓！好友點了無酒精紅酒、西柚及鮮莓調成的Almost＄78，橙茶、洛神花糖漿、鮮檸檬汁加梳打水調的Sunset Cosmo＄78。 而我則選上這杯Energiser＄78，以薑黃茶、薑黃粉、菠蘿汁及鷹嘴豆水調配而成，喝下去清爽香甜我喜歡喔！ 先點來三款Appetiser有芝士、他他和三文魚醬，賣相精緻還可邊吃邊估食材是什麼認真好玩。 先品嚐3Cheeze Platter＄188，共有9款選擇我們從中點了Cheddar smoked、Shamembert及Raw-Bichon， Cheeze Platter配有無花果、提子和Cracker一起品嚐，三款口味中我最喜歡帶煙燻味的Cheddar Cheese。 然後這個Tuna Melom Tartare＄138，以瓜扮吞拿魚做成他他配襯辣根青檸Cream吃味道好清新。 最後是Sans-Salmon Rillettes＄138，以青瓜作船夜上用腰果、酸奶油和泡菜製成的三文魚醬，脆嫩的青瓜加點酸辣的味道挺過癮。 主菜我們一致想試Potato Gnocchi＄220，口感煙韌的Gnocchi配襯鼠尾草Cream好惹味，加上伴碟的野生蘑菇成件事也非常吸引。 素友勁想試埋這個Pan Fried Faux-Gras＄280當然冇問題啦！成個Faux-Gras以烤桃、杏仁碎、薯蓉配意大利黑醋來組成，這個賣相和質感也不太令人聯想到鵝肝。 來到甜品時間這個是Chocolate Brownie＄128，濃郁的布朗尼配襯雲呢拿奶油還有水煮梨伴隨，加上脆脆同吃口感很豐富。 而另一份Tinamisu＄98則變成了我的生日驚喜，Tinamisu以咖啡、朱古力和雲呢拿來炮製，雖然少了份酒香但口感仍然香滑而且不過甜，在此多謝好友的悉心安排愛妳們啊~ 除了美食外還收到可愛的永生花束和貼心的禮物，多謝兩位窩心好友的生日禮物。 我們真的要多點見面好好珍惜可以同檯吃飯的日子。

Leo S 4 年前

星期日既下晝搵左一間西式素食店，享受慢活生活！平時素食店就食得多，今次第一次品嚐西式既素食帶黎意想不到既驚喜，味道、食物都好創新，簡單既食材製造出名貴素菜，食完令我大開眼界！ 而且不得不讚員工既服務非常用心到位，擺設餐具都好講究餐具之間擺位同距離！到落餐既時侯真係會將成個Menu既菜單解釋味道同推薦！呢一餐，值！