馬德里餐廳

未死嘅人類 1 個月前

馬德里係一間2003年開到依家嘅經典香港扒房 餐內份量十足 Cp值極高 同時 設有餐湯餐包 咁啱遇正馬德里23週年 推出更抵食嘅鐵板餐 職員會現場淋上熱騰騰的扒汁 令人食慾大增

acacac1318 4 個月前

收工去深水埗搵食，揀左馬德里舊式西餐廳。必點港式鋸扒餐，份量足又抵食。分別揀左鵝肝拼肉眼牛扒同埋鑊仔牛柳。差不多食完餐包，湯，鐵板就送到枱面，黑椒汁燒汁2選1，加落鐵板即出煙。 鵝肝煎到好香，一大舊擺入口，十分邪惡。肉眼牛扒超大塊同埋好厚，部份肉因為較遲食到，鐵板熱住令到肉比較熟，需要多幾轉。牛柳就無呢個情況，本身肉質算諗。飯後送啫喱杯甜品l，飲品配埋紅豆冰，成餐飯好有懷舊Feel. 價錢非常經濟實惠。 環境方面，餐廳有唔少卡位，濶落，適合2-4人組合食飯。

MANDY YE 5 個月前

為咗慶祝大大個P牌正式轉正，晚上去咗食年輕時成日食嘅深水埗馬德里餐廳。一入去餐廳睇到Menu有大蝦拼肉眼牛扒同埋鵝肝拼牛柳，識食一定係五成熟，就佢哋啦！ 開場首先你個熱辣辣麵包劏開佢啱啱用咗舊牛油超正，加上我中意嘅忌廉湯正上加正！ 1.大蝦拼牛扒，件牛扒超大目測起碼2cm，牛肉有口感。大大係玉皇大帝嘅至愛。 2.鵝肝配牛柳，有兩舊牛柳都好大嚿下，食落去鬆軟，牛尾濃郁。 兩種牛扒都有唔同嘅口感同味道，溝埋食一流。 之後仲有少甜品菠蘿啫喱送添。 最值得一提，係有個阿姐服務態度真係好好。隔籬枱有個細路喺度玩紙巾，搞到成地都係竟然仲好好態度幫手執拾。贊！對人都非常之熱情。 香港有咁有人情味嘅餐廳，值得推廣，性價比超高👍🏻 食到兩個都飽飽，會常嚟🥰

Kinson Yuen 7 個月前

差不多有十多年沒正正經經坐低吃一個港式鐵板餐了。 餐廳光猛卡位闊落，坐著坐著，真也有點往昔扒房的氛圍。二人同行叫了兩個鐵板餐，紅白湯各一。 紅湯材料自然不缺椰菜，啖落竟還有點點牛味，相當不錯；白湯內有煙肉和紅蘿蔔絲作點綴，不會淡出鳥來，比記憶中的更好喝。 必須要說跟湯有一個軟熟熱辣餐包的重要性，某餐廳為省成本用上梳打餅，我絕對會因為這個改動不再幫襯；兩款餐湯均滾燙上枱，看似簡單，但其實很少餐廳做得到，也看出餐廳有點心思。 鐵板西冷牛扒配黑椒汁（$158）熱辣辣上枱，淋上黑椒汁「滋滋」作響，充滿儀式感。西冷目測若有兩節食指的厚度，點了五成熟，入口不會韌如鞋底也不會淋如腐肉，加上黑椒汁調得很惹味，啖啖肉的啪入口，過癮到不得了。 鐵板大蝦肉眼配黑椒汁（$168）同樣具備儀式感，大蝦沒試到，卻分了若干肉眼吃，沒西冷的厚度卻多點咬口和肉味，要我選的話，竟然更喜歡肉眼的粗獷感。 兩者同樣跟上炸薯條，由香脆到索盡黑椒汁變成軟腍，兩個型態也很好吃。 最後來一杯花奶啫喱，大概有二十多年沒吃過吧？也很對口味。 喝盡特大杯的餐飲，捧著肚皮埋單才$342，物超所值了。 金字頭的鐵板餐當然堪稱經典，但想放慢腳步好好据個扒，還是希望用餐環境可以舒適一點。 馬德里就做到了。 @MAPHK2021

Wong C.F. 7 個月前

晚上八點都坐到八成滿，人氣十足！ 主打港式鐵板，牛舌拼肉眼扒（$168）超大份，肉眼嫩滑有牛油香，牛舌軟嫩入味，現場淋上滾燙黑椒汁香氣爆棚，還附送一堆薯條。 焗芝士咖哩牛腩飯（$88）濃郁拉絲，牛腩燉到鬆化，咖哩味香 吉列豬扒飯（$88）豬扒大塊脆嫩，配他他醬和滑蛋很對味。 套餐還包湯、餐包、熱飲，加$8可換紅豆冰 最後有甜品收尾，CP值高，地道又滿足！