麥花臣動物診所

Clara Ng 2 個月前

本身全部狗仔都幫襯佢哋十幾年，跟住某獸醫長期配藥，但係每次配藥都俾姑娘（尤其係男嗰位）用質問同命令式口吻諸多阻攔，又話要返嚟見醫生，結果返到去見醫生俾醫生反問我哋返嚟仲乜？！呢間診所啲姑娘態度都好有問題，今次配藥因為獸醫放假佢哋竟然自己改用藥數量，根本未得獸醫同意，已經每次都call車過海睇醫生，仲要受氣，全港唔係得你一間獸醫診所

girlvic wong 4 個月前

如果你係有時間可以照顧到自己隻貓嘅話，絕對唔好揀住院！！！ 我第一次睇俾左9000幾蚊俾我隻貓白白住院，話佢有腎衰竭，之後第三日就通知我話我隻貓走左，跟住啲姑娘仲要話係因為我太遲先攞隻貓去睇，所以先至會走咗？？話我照顧隻貓照顧得唔好？？係咪黐線㗎？我想講白白一有明顯嘅症狀，唔食嘢同埋唔係好點郁，我留意到已經即時打去俾獸醫睇，唔通我明知自己隻貓有事我都唔即刻帶佢去獸醫度睇咩？？？？ 佢哋嗰啲態度講嘢真心黐線！！但係嗰陣時我都太傷心唔想去嘈或者講啲乜嘢，我淨係想好好地接受我自己隻貓去幫佢搞身後事。 之後再睇我另一隻貓話佢肺炎，同我講如果唔住院一定唔會好返，開價1萬3千蚊，因為上次又唔好嘅經歷，加上我覺得佢好「海鮮價錢」，我決定咗我都唔住院，結果我拎走隻貓嘅時候，仲要我簽嗰份咩文件講話咩而家係個獸醫建議咗我做某啲治療，係我唔做，如果隻貓死咗唔關佢哋事咁？如果唔簽唔俾我接返隻貓走！我心諗：「咁我唔簽我直接將隻貓放喺度你咪由得佢等死？」真心好黐線！！ 老實講，我唔會覺得住院會比我自己係屋企24小時照顧得更好，結果我自己照顧2星期同埋喂藥做霧化，宜家行得走得食得訓得。 呢間嘢呢係真心海鮮價，同埋唔同醫生開啲價都唔同價錢㗎！總之住院就一定唔好揀呢一間嘢！

Tung silvia 5 個月前

家中貓狗多數都睇麥花臣，醫生普遍都幾好同細心，除佐有個講普通話既後生醫生，淨識答環境影響問題，相反其他醫生會再做仔細d既檢查同識講大概偏向試邊個治療方向。另外，今日致電麥花臣，想幫屋企隻狗狗掛急症，因為狗狗尋日喘得好勁，嚮另一間診所睇佐，打佐止咳兼鎮靜既針，但今日狗狗無晒食慾，眼神呆濟，就想拎返去睇開既麥花臣，睇下有無位可以睇症。 我明白係佢地診所係好多症，但接聽個位雷姑娘，問完我狗狗咩事，第二句就質問我，點解唔去返尋日個間到睇（仲要笑佐下），我答完佢因為一向嚮你地度睇開，但由於我就梨生得bb，就將狗狗託管嚮家姐度（以往去旅行我都交俾家姐睇住，佢地已經好fd），我問佢乜咁樣既情況好好笑咩？我唔明白點解佢身為動身診所既護士，會係咁既態度！我帶貓狗去過幾次，都未遇過呢款護士，其他都係熱情同出自關心同認真既態度。

Piyo - ピヨイー 10 個月前

今次因為隻貓子突然出現頻尿、滲尿同明顯不適，夜晚即刻帶去麥花臣獸醫診所睇急症。 整體感覺非常好。 等候時間唔算耐，收費合理，唔會亂推檢查或者療程。黃醫生好細心，檢查時會一步一步解釋，清楚講解病因同治療方向，唔會令人覺得被敷衍或者趕時間。 最後確診係尿道炎，對症處理之後，心都定晒。作為貓主，最重要係醫生肯解釋、肯聽同有耐性，呢點黃醫生真係做得好好。 如果有需要睇急症或者一般診症，呢度係一個值得信賴嘅選擇。

ty T 1 年前

上星期帶貓貓黎睇醫生時驗到有心臟病，要即刻抽胸水再加留診所檢查，貓貓住左三晚每日姑娘都會打電話黎update情況，醫生Ricky Chang 亦都好詳盡解釋，有禮貌。 出左院姑娘亦會再主動WhatsApp跟進貓貓情況，再同醫生講返，醫生再比返意見我地。 住院前收左幾日既住院費，出院離開時有啲項目無做/無用到都會主動退返錢比我地👍🏻 另外登記姑娘Eva（希望無聽錯佢個名）好有禮貌態度好好，亦會安撫主人們既情緒👍🏻特登上黎寫返個好評比呢間診所既醫生同姑娘/護士🙏🏻