彌敦左岸

stilleating foodie 2 個月前

📍彌敦左岸 ⭐️ 尖沙咀元老級 Live Band 酒吧｜調酒師為你客製專屬手工 Cocktail 今晚同朋友去咗尖沙咀 Nathan Left（彌敦左岸），呢間餐廳呢間完全係元老級bar（前身係 M1 Bar），有成 23 年歷史。最吸引我嘅就係bar tender 會為每一個客人特製屬於佢哋專屬口味嘅手工 cocktail，經理話有成過萬款combination，絕對係屬於你獨一無二嘅味道。另外逢星期二、四、五、六都有 Live Band 演出，現場 Vibe 勁 Chill、氣氛一流！餐廳仲設有私隱度極高嘅包廂（VIP Room），超啱一大班朋友過嚟聚會慶祝🤩🤩 🍸 全晚Highlight：客製化專屬 Cocktail ✨ Bar Request $168 杯👍🏻👍🏻👍🏻👍🏻👍🏻 呢度最強嘅客人專屬手工特製 Cocktail！客人可跟住 6 個步驟自己揀基酒、味道方向、酸甜平衡、酒精度、口感同特別元素，調酒師好專業，兩杯都調得顏色靚、層次豐富、味道平衡，配埋音樂氣氛一流，絕對係今晚 highlight😍🥰🥰 🍽️ 高水準酒吧美食 ✨ 蒜蓉蘑菇牛油蝦 $98 👍🏻👍🏻👍🏻👍🏻 蝦肉彈牙，蒜蓉牛油配蘑菇勁惹味，作為前菜超開胃🤩 ✨ 北海道珍寶帶子 XO 醬扁意粉 $198 👍🏻👍🏻👍🏻👍🏻 呢個意粉真心有驚喜！用港式 XO 醬嚟炒意粉本身已經好惹味，配埋西班牙辣肉腸同超大粒嘅北海道珍寶帶子，食落口感同味道又意外地咁夾，非常好食😋😋 ✨ 烤德國豬手 $288 👍🏻👍🏻👍🏻👍🏻 大件豬手外皮脆脆地，食落肉質好嫩，肉汁豐富，配埋脆卜卜薯條，超邪惡😍🥰 🥤 無酒精清爽之選 ✨ 青檸梳打 $48杯 👍🏻👍🏻👍🏻 清新酸爽，氣泡足，好解膩

Wasabi 2 個月前

📍彌敦左岸(尖沙咀) 餐廳採用層次分明的佈局：樓下為酒吧區域，設有大型電視；樓上則是高雅浪漫的西式空間，特定日子會有Live Band或駐場DJ表演，燈光與音響效果為用餐過程增添愉悅的互動感與投入感。 ✨明爐烤厚切牛舌心 牛舌厚實，帶有微微的煙燻焦香，爽口且富有嚼勁，搭配特製醬汁更滋味。 ✨秘製鮮茄醬焗黑毛豬飯(二人份量) 鮮茄醬酸甜開胃，黑毛豬肉質鮮嫩、厚實不柴，作為餐廳的招牌焗飯實至名歸。 ✨德國香脆咸豬手 外皮烤得酥脆，肉質軟嫩多汁，鹹香入味，份量十足。 精緻的食物、親切友善的服務、現場 Live Band 營造的愜意，水準極高，是享受美食與音樂的理想聚會首選！！ ———————————————————— 📍彌敦左岸(尖沙咀) 尖沙咀赫德道5-9號德裕中心地舖及1樓 ———————————————————— 整體用餐體驗 ✨味道(4/5) ✨環境(5/5) ✨服務(5/5) ✨性價比(4/5)

Kelting Chan 2 個月前

呢間酒吧氣氛非常好 👍 咁啱撞正星期三夜晚 有’左岸留聲機’ 聽住DJ播歌勁好feel 聽講逢星期二、四、五都有live music 佢嘅cocktail仲有得特別調 好似車仔麵嘅紙咁🤩剔返你想要嘅配搭 Base spirit 、酸甜平衡、酒感強度等都可以按照自己嘅喜好自由配搭 最尾佢哋調咗一杯🥃蘋果菠蘿gin畀我， 紅莓汁梳打威士忌俾我個friend😍兩杯都唔錯 嗌咗啲嘢食餸酒同埋填飽個肚🤣 1️⃣明爐烤厚切牛舌芯🙈好嫩，配埋個醬一流 2️⃣秘製鮮茄醬焗黑毛豬扒飯🤤上枱嘅時候熱辣辣,芝士拉絲，鮮茄醬濃郁，黑毛豬扒仲要又嫩又大嚿😌估唔到酒吧嗌填飽肚嘅嘢，都好好食😋 咁啱撞正有人慶祝生日，DJ播咗首生日歌俾佢 ，氣氛超好🙈佢哋嗰度仲有包廂(有低消)好似party Room咁，打麻雀玩飛鏢唱K都得，下次約埋班friend一齊去慶祝生日或者gathering🤩

hkfoodday 3 個月前

驚喜滿分！尖沙咀聚會高質私藏餐廳⭐ 平時想同朋友聚會飲少少、食吓好西，呢間餐廳真係要放入你嘅 Pocket List！唔單止嘢食高質，夜晚仲有 DJ 駐場可以點歌🎵，氣氛極好！ 今次同朋友試咗呢幾款，直情無得彈： 🐷 西班牙式烤乳豬 呢個真係出面好少地方有得食！乳豬烤得超級香，外皮脆卜卜，肉質仲保持到好嫩滑。最驚喜係伴碟嘅菠蘿🍍，上面灑咗肉桂粉，酸酸甜甜，配埋乳豬一齊食簡直一流！頂級用料果然唔同啲！ 🍗 香濃鹹蛋黃炸單骨雞翼 鹹蛋黃控一定要點！鹹蛋黃味非常突出、超濃郁！而且做成單骨雞翼啖啖肉，食得好方便，外皮炸得好酥脆🤤 🍝 北海道刺身帶子扁意粉 意粉炒得非常彈牙有咬口！配埋鮮甜啖啖肉嘅北海道帶子，高質！ 🥗 經典凱薩沙律 食咗咁多肉，當然要點個沙律平衡下，啲菜勁大棵！而且非常新鮮！ 🍸 特別大讚：客製化雞尾酒 🌟 呢個真係全晚亮點！平時我其實唔係好飲得酒，但呢度會俾張紙你，等你可以跟自己口味慢慢揀。我揀咗比較帶水果味嘅調酒，一飲入口真係大驚喜！原來配啱自己口味嘅酒可以咁好飲🥰

Jasmine Yau 4 個月前

彌敦左岸——一間位於尖沙咀雙層酒吧餐廳，晚上時段會有Live Band現場表演，氛圍感十足、超級有氣氛✨而菜式水準穩定又有驚喜；辣味魷魚炒到香辣平衡，質感彈牙；煙三文魚凱撒雖然味道清爽，但層次感略為單一；帶子扁意粉用海鮮高湯收汁，鮮甜濃郁、油脂感分佈好「幼滑」；蜆鍋鹹鮮適中，湯底帶天然貝類「旨味」；Aurora 調酒酸甜比例精準，口感細緻有層次；薄荷青檸梳打清新解膩💫 而餐廳Live Show 令整體充滿氣氛同格調，岩晒Friday 或者 weekend 去放鬆chill 下，整體而言水準相當唔錯既酒吧餐廳👍🏻