蜜滋麻美

Pawmi 7 個月前

我們叫了花麻黑糖珍珠奶茶，如果喜歡吃湯圓的便會很喜歡這個配搭呢，而如果為了喝黑糖珍珠的便會覺得失色，因為沒了黑糖的味道，被花麻都蓋過了

CF Wu 1 年前

蜜滋麻美起源於台灣台中，擁有悠久的手工茶飲製作歷史。品牌以使用天然食材和傳統工藝為核心，特別注重芝麻、花生等原料的處理方法，堅持手工烘焙和現場製作。2019年，蜜滋麻美將其茶飲文化帶到香港，在中環開設首間分店，吸引了不少對台灣風味感興趣的顧客。其飲品結合了黑糖、珍珠及鮮奶等元素，呈現出濃厚的台灣特色。 蜜滋麻美的珍珠奶茶以黑糖珍珠為主要特色，珍珠經過長時間熬煮並浸泡在黑糖中，帶有濃郁的甜香。搭配鮮奶後，飲品口感偏向濃厚且層次分明。芝麻奶茶是一款較為特別的選擇，其主要特點在於使用經過手工炒製的芝麻粉，帶來自然的芝麻香氣。飲品整體口感偏滑順，甜度適中，而黑糖與芝麻的結合則增添了風味上的深度。這款奶茶在傳統與創新之間取得平衡，是一種對芝麻風味愛好者較具吸引力的飲品。 Mizumachi in Central, originating from Taiwan, is known for its handcrafted drinks. Its signature pearl milk tea features chewy black sugar pearls paired with creamy fresh milk, offering a rich and layered taste. The sesame milk tea stands out with its roasted sesame powder, delivering a smooth texture and nutty aroma, appealing to those who enjoy bold, earthy flavors.

Nancy Lee 2 年前

之前飲過兩次呢間蜜芝麻美，因為添加咗花生碎碎，所以令到杯手搖飲品好特別，味道覺得好有驚喜，每次飲完都覺得回味無窮！不過因為花生太熱氣，所以都真係唔可以成日買來飲！今次隔咗三個月，係時候要回味一下咁獨特嘅味道啦～ 花生黑糖珍珠鮮奶💰HK$36 一拎到手杯野飲底部嗰啲黑糖珍珠仲係暖笠笠！牛奶味濃郁，黑糖珍珠甜度剛剛好，口感煙靭！另外仲有好多花生粒粒，令人好有嚼勁！美中不足就係配料太多，而且口感十足，所以飲到最後果陣，個口會有啲攰😂～

陳粒 4 年前

星期六又係同朋友行街嘅好日子，喺PMQ附近嘅斜路，見倒有間門面幾吸引嘅飲品店，入去見倒有花生芝麻珍珠系列嘅飲品，就覺得好吸引，決定試試佢。 佢係好傳統嘅材料，演化成當代嘅飲品，本身嘅🧧揮春形招牌，亦十分搶眼！ 我哋要咗杯花芝黑糖珍珠鮮奶（$38），同埋凍頂炭燒烏龍（少冰）（$28），兩杯份量都幾大杯。 花芝黑糖珍珠鮮奶🥜🎱🥛 最底層係黑糖，同埋滿滿嘅珍珠，珍珠嘅軟硬度適中，係粗飲管啱啱吸倒嘅大細；而面層有一層厚奶蓋，然後舖滿芝麻粒同花生碎。由底至面咁吸，會有好多層層次，勁豐富嘅味蕾體驗😋 凍頂炭燒烏龍🍂 有啲似淡香嘅蜂蜜茉莉或綠茶味，帶有些微烏龍茶嘅甘香 今次就試咗「黑糖珍珠鮮奶系列」同埋「頂級手採茶」下次仲可以試下其他系列，包括「傳統手工嫩鮮草冰」，以及「現磨手工豆漿系列」。

Onki Ho 5 年前

之前喺台中飲過呢間蜜滋麻美，當時已經覺得好好飲，見香港冇，臨走時仲特登行幾條街去飲多杯。估唔到而家香港已經開咗分店，而味道同台中冇咩分別，真係好值得去飲。 叫咗杯花生黑糖珍珠，面頭有好多花生碎同粉然後係一層奶霜，跟住就係黑糖珍珠，飲落唔會太甜，仲好多嘢可以咬，所以飲一杯其實都幾飽肚，花生迷真係唔可以錯過，啲珍珠都煮得好彈牙，好滿足。 朋友係茶達人，叫左杯青心烏龍，佢話茶底幾靚，幾清香，唔會太苦澀，解渴一流，可以加錢要奶蓋，但無簡到。 另外，見呢到有茶葉賣，包裝都幾靚，送禮都好似係一個唔錯嘅選擇。