麵屋黑岩

Jessie Kim 4 個月前

主打日式拉麵，份量足，賣相有驚喜。今次試咗兩款拉麵同幾樣小食，整體感覺唔錯。 龍蝦拉麵（$168）係限定款式，需要提前預訂。上枱見到成隻波士頓龍蝦霸氣登場，龍蝦肉鮮甜彈牙，頭殼入面仲有滿滿龍蝦膏，要逐啲挖出嚟食，幾滿足。追加咗海膽同三文魚籽，成碗麵變成海鮮盛宴。溏心蛋流心程度完美，仲有慢煮肩肉同火炙腩肉雙重叉燒，紫菜包住拉麵一齊食，口感層次豐富。湯底濃郁鮮甜，唔會膩。 蟹肉拉麵套餐（$146）每一啖都食到絲絲蟹肉，配厚切叉燒同大量蔥花、木耳，湯底清甜帶蟹香，係比較清爽嘅選擇，啱晒想食海鮮但又唔想太heavy嘅朋友。 日式炸餃子（$12）外皮炸到金黃酥脆，入面juicy，上面擠咗明太子醬，一口一個幾滿足。 特飲方面，蘋果蜂蜜紅茶同檸檬紅茶都係自家製， 蘋果蜂蜜紅茶香甜順喉，檸檬紅茶清爽解膩，配拉麵剛剛好。

TheRiceLikesEatnTravel 6 個月前

蟹粉拉麵🍜 fyr 佢有個牌寫住好評送嘢飲 大家自己評估啲評論有冇水分 —- 蟹比較想像中多 一開始係幾滿足嘅 湯底同叉燒 章魚小丸子 普普通通 最緊要係唔夠飽😞

陳巧珍 8 個月前

黑岩拉麵（長沙灣道）食評：真係好唔開心，好失望 ★☆☆☆☆ 今天真係好唔開心啊！本來我個女兒知道我超級鍾意食龍蝦，特登好孝順帶我去長沙灣道呢間叫「黑岩」嘅拉麵店，話有龍蝦拉麵食。點知食完整餐飯，我心情差晒，從來未試過咁差嘅拉麵體驗，我食拉麵咁多年都未遇過咁極差嘅一間！ 我點咗碗龍蝦拉麵，湯底只係普普通通。我先食個龍蝦尾，冇鮮味又唔彈牙，我本身都諗住算數啦😑普普通通。 之後食到龍蝦鉗，重頭戲嚟啦，點知咬落去味道怪怪地，原來鉗肉已經發霉咗！真係嚇親我，我即刻叫店員，店主過嚟睇一眼，就話幫我換一隻，然後就收走我成隻碟。等咗一陣之後，原來就淨係換咗單單一隻龍蝦鉗！我即刻覺得好突然，好奇怪，龍蝦唔係一隻一隻嘅咩？點解淨係會俾一隻鉗我？點解會散修修有一隻單獨龍蝦鉗拎出嚟？係咪唔係用原隻龍蝦，而係用啲修修剪剪、散件次貨啊？呢啲食材真係好古古惑惑，唔知佢哋喺邊度攞嚟嘅，好令人懷疑！ 我同店主講，原本應該有兩隻鉗喎，點解你淨係補一隻俾我？佢先不情願咁再補多一隻過嚟，又要搞到我又再等佢。雖然最後補返，圖片可以見到一隻大一隻細，所以真係一啲次貨，唔係原裝一隻一隻龍蝦🦞。但整個過程真係好唔舒服，店主態度又唔好，亦都唔承認佢哋出品有問題，話來貨就係咁😡，我問我嘅疑問嘅時候，佢都冇乜理，感覺好唔尊重客人，我心入面好唔開心啊！ 補返俾我食嘅龍蝦鉗都係唔好食，油炸到乾曬，食完之後覺得喉嚨好唔舒服，覺得好涸喉。同埋佢收走咗我成隻碟，我本身淨係食咗個龍蝦尾，如果佢真係要補嘅話，係咪應該補返個龍蝦頭同埋兩個鉗呢？ 但係佢就詐傻扮懵，一開始淨係補一隻鉗，仲喺度講話另外一隻都有問題咩？😅同一隻龍蝦點會一隻腳霉另一隻腳唔霉呢？ 同佢講完之後先灰晦氣氣先後補返兩隻俾我。我好唔開心咁走咗之後先醒起，如果佢要補返嘅話，佢都仲未補返個龍蝦頭俾我，我都未食，佢已經收走咗。 我個女兒嗌咗碗辛辣拉麵，佢食完都話麻麻哋，味道好一般，佢最後都唔想食，剩咗一半。 總之呢間黑岩拉麵，食材差、味道差、態度差，真係全香港九龍最差嘅拉麵店！強烈唔建議大家唔好去👎，浪費時間浪費錢，心情都俾佢哋搞差晒。唉，好失望啊……貼錢買難受

vivian yik 8 個月前

十週年復刻限定！深水埗必食靈魂拉麵 最近去咗深水埗人氣拉麵店，試佢哋嘅期間限定——龍蝦拉麵！ 小店堅持十年拉麵職人精神，用12小時明火熬製豚骨湯底，加上8小時真空慢煮叉燒，將傳統風味同現代烹飪技術完美融合，絕對係深水埗必食拉麵店！ 龍蝦拉麵（復刻限定） 一上枱已經好震撼！超大隻波士頓龍蝦頭放喺碗邊，大過隻手掌✋。湯底以豚骨加上龍蝦經過12小時熬製而成呈橙紅色，濃厚得嚟帶鮮甜，拉麵掛湯力強，吸滿龍蝦同豚骨湯底鮮味。 ✨ 每日限量20碗。真係預定先食得到！ 馬糞海膽拉麵 馬糞海鮮新鮮鮮甜，口感creamy入口即化 搭配濃郁蒜香湯底毫無違和感 海膽愛好者必試之選！仲有慢煮叉燒、溏心蛋同埋椰菜，慢煮叉燒經過8小時真空慢煮，口感柔嫩，肥瘦適中；溏心蛋流心，蛋黃充滿蛋香。 日式炸蝦餅
外層酥脆，內裡蝦肉彈牙
蘸上沙律醬更添風味 自家製飲品
• 香橙柚子紅茶 - 清新解膩
• 蘋果蜂蜜紅茶 - 香甜暖胃

Thomas Lau 9 個月前

龍蝦拉麵，龍蝦好食，湯底好濃，拉麵Q弹。老板娘好親切，遞上濕纸巾抹手超貼心！