My Sweet Art

Lulu Wong 2 個月前

實物與相片一樣咁靚🩷！蛋糕好食，唔會太甜。店主好好人，安排妥當。最緊要非常方便~~ 推介！

為食妙妙與A先生 2 年前

今次家中小妹生日🎂，所以我哋嚟到My Sweet Art買佢哋好出色嘅巴斯克芝蛋糕同埋毛巾卷為小妹慶祝🎉🎉🎉。 而今晚我地就買咗： 🔆 焙茶麻糬巴斯克芝士蛋糕 啡色嘅焙茶麻糬巴斯克芝士蛋糕，面層烘得有點微焦，內裏仍保持濕潤軟滑，焙茶味香濃，之後再慢慢滲出芝士味道。蛋糕中間有粒牛奶麻糬，食落軟滑煙韌，配合焙茶味芝士蛋糕都好搭配。 🔆 宇治抹茶•奶凍•紅豆麻糬毛巾卷 紅豆🫘控A先生對呢個宇治抹茶•奶凍•紅豆麻糬毛巾卷評價相當高，同樣地都係滿滿嘅綠茶🍵甘甜味道。用上抹茶pancake皮包住抹茶忌廉、抹茶奶凍、牛奶麻糬同埋紅豆🫘蓉，再配上一小樽抹茶醬，進食時再淋上毛巾卷上面，令到毛巾卷再添加甜甜的抹茶🍵味道。 毛巾卷的皮夠薄，加上抹茶忌廉，一層一層咁就好似千層蛋糕咁。麻糬同樣軟滑煙韌加上唔太甜但濃濃抹茶味嘅奶凍同紅豆🫘蓉，整件毛巾卷口感十分豐富，抹茶嘅甘甜味道喺口腔久久不散👍🏻😋。 🔆🔆🔆🔆🔆🔆🔆🔆🔆🔆🔆🔆🔆 ❤🙆‍♂️(A先生)整體食評：9/🔟 ❤🙆‍♀️(為食妙妙)整體食評：8.5/🔟 👉🏻 毛巾卷同埋巴斯克芝士蛋糕🎂都有多款口味選擇，總有一款合你心意🥰🥰🥰

sing yan cheung 3 年前

麻糬毛巾卷 美祿•朱古力粒•爆漿 $268 Duck嫂🦆試過咁多間嘅毛巾卷，呢間係其中最出色之一😍；切開之後，美祿漿真係好似岩漿🤯咁爆出嚟，美祿漿好多但係唔係好甜，出色👍。中間有煙煙韌韌嘅麻糬，口感吃起來類似千層蛋糕又似班戟，而且甜而不膩😋；另外仲會附送一樽朱古力醬🍫，唔夠喉嘅話可以倒埋落去，口感更加豐富😍。 麻糬巴斯克 伯爵茶 $128/4吋 蛋糕本身已經好creamy🥰，再加埋味道極濃嘅伯爵茶味🫖，好好味但又唔會太甜🤗；入面拉絲嘅麻糬煙煙韌韌，兩者好夾之餘，口感層次都非常豐富😍。

Miss Cukiee 4 年前

我訂購咗呢間ig店嘅芋泥麻糬巴斯克芝士蛋糕 (HK$188)，好好食，因為： ．小小一個4吋蛋糕，每一次食1/4份左右就不會好邪惡😄 ．芋泥份量好多，好creamy，好香芋頭味，入口芋泥味道天然，唔會好甜 ．麻糬份量也好多，軟綿又有些煙韌，也不會好甜 ．芝士蛋糕體，好濃郁，好creamy，有焦香 ．整體來說，有層次嘅3種味道，一口夾埋一齊食又好夾喎！ ．另外，店主也提供了少許芋頭忌廉，可以淋在芝士蛋糕上，令芋頭味更濃更香

Ky Leung 4 年前

還在懷念昨天爆漿嘅毛巾卷🤤 尖沙咀|my sweet art 🍽🍽🍽🍽🍽🍽🍽🍽🍽 地址：Flat B, 1 54, 龍記大廈 F, 54 Cameron Rd, Tsim Sha Tsui 環境： 樓上小店🙆‍♀️係尖沙咀行幾分鐘就到 特色： 爆餡毛巾卷真係無敵IG-able🤩 趁父親節都order 咗兩條🤭一條芝麻一條泰式奶茶。兩款一切爆晒漿，屋企人都睇到哇哇聲😆 呢間毛巾卷最出色係另外跟個同款芝麻醬同泰式奶茶淋落去，味道double up, 入口濃味唔太甜，啱晒一家大細食。🤭 另外兩條中間都有黑糖/豆腐麻糬🤤煙煙韌韌好有咬口