River Sichuan Restaurant

Edwin Lee 4 個月前

傳統川菜餐廳，也有不少不辣的選擇，火氣十足，調味恰到好處，不會有一般茶餐廳常吃到的過多酸酯味，還有一些蕃茄碎提鮮👍🏻

FaiHung 1 年前

今日去開港島，朋友話想食川菜，經過見到呢間餐廳感覺幾正宗，就入去試下。我地叫左酸菜魚同擔擔麵。酸菜魚真係好惹味，魚肉鮮嫩，湯底酸酸辣辣，好開胃！擔擔麵辣味剛好，面條Q彈，配埋濃郁嘅擔擔醬，真係一流！🔥🍜 店員話可以揀辣度，如果唔食得辣，可以揀BB辣，貼心服務👍 仲有甜品桂花冰粉送，冰冰涼涼，岩哂用黎解辣，真係爽呀！🥵🍧 而家做緊promotion，係大眾點評或者OpenRice打卡及收藏會送特麯酒1杯同埋自家製四川臘腸！如果寫埋食評，會送蒜泥青瓜/涼拌木耳呀！優惠多多，真係要把握機會！🍹🥒 呢間餐廳嘅裝潢簡約而有特色，環境舒適，適合同朋友聚會或者家人一齊嚟。職員服務態度好好，令人感到賓至如歸。無論你係鍾意辣定係唔食得辣，都有適合你嘅選擇。下次去港島可以試下呢間餐廳！✨☺️ 川之源 (西環) 西環西營盤正街62號地舖

Hannah 上次編輯：2 年前

我真係好鍾意食川菜 所以每次都會係香港試唔同嘅川菜 今次搵到間係西環都算隱世嘅川菜館 一入黎就好有濃濃嘅中華風味😂 <糖醋里脊 🍖> 💲118 酸酸甜甜嘅糖醋里脊真係好開胃😋 但係對我嚟講 有啲太酸 不過送飯就一流啦 肉質飽滿 炸得啱啱好 如果酸味可以調整少少會更加完美😜 <重慶辣子雞 🌶️> 💲168 每次食重慶辣子雞都好似係係度玩尋寶遊戲😂因為全部都係辣椒 呢間嘅份量都適中👍 雞粒炸得好脆 調味好惹味 每一口都感受到辣味嘅刺激🔥 辣度對我黎講都啱啱好 令我一啖接一啖停唔到口 無唸過食完之後 仲有免費桂花冰粉食 冰冰涼涼 好適合食完辣嘢之後食🥰

Karin S 2 年前

走到正街近頂這算偏的位置，有著一家很受歡迎的四川菜館，平日的晚飯時段都幾乎坐滿。跟友人點了四道菜，有辣有不辣都試。⁡ ⁡ 糖醋里脊 $118⁡ 成品像咕嚕肉的做法，嫩豬里脊肉包裹一層糖醋粉漿，入口酸酸甜甜味道醒胃，肉質嫩中帶爽。無論作為前菜、很好下飯的主菜或是解辣用的小食也相當適合，我倆很喜歡。⁡ ⁡ 干煸牛肉 $168⁡ 上菜一大盤十分誇張。大量辣椒乾、花椒、芽菜及蔥蒜中佈滿牛肉片，超過二人份量。一整盤乾爽牛肉片肉質柔軟、既香又惹味，沾了辣椒籽愈吃愈辣，夠刺激。在一大堆食材中尋找牛肉片，也是吃這道菜的一種樂趣。⁡ ⁡ 重慶酸辣粉 $58⁡ 煮熟至半透明的紅薯粉質感滑溜、煙靭又彈牙真的很好咬，配上酸中帶微辣，比較溫和的湯讓人一口接一口吃。⁡ ⁡ 清湯手工餃子 $88⁡ 一碗共有八隻清湯水餃，每隻都巨型有重量，餡料為韭菜豬肉末，全部爆餡有湯汁，頗為飽肚。⁡ ⁡ 最後店家還送了桂花冰粉，透明啫喱狀，入口卻能立即解辣好神奇。加上桂花就更清香及refreshing~ 為相對濃味的晚餐作結尾，合適不過。⁡

Poor Student Loves Food (hkgourmetparadise) 5 年前

作為一個經常喺西營盤出沒嘅人，我成日都會路過呢間餐廳。而我咁鍾意食川菜，每次路過都好想試。今次終於有機會同朋友去食呢間川菜，好開心。 店員介紹水煮魚、酸菜魚、辣子雞同埋餃子都係呢到嘅招牌菜。但因為得兩個人，就揀左水煮魚同埋辣子雞啦。 🐥辣子雞 $158 一上碟嗰陣都呆左一呆，因為冇諗過會係咁大碟。入面嘅雞粒都唔少，炸得香脆可口，有薑蒜辣椒一齊炒，好香。不過因為炸得好香脆，食啲雞嗰陣記得要小心碎骨啊。辣到啱啱好，唔會太辣，所以唔會掩蓋香味。 🎣水煮魚 $188 有水煮魚同水煮桂花魚揀，店員話水煮魚係冇骨嘅冰鮮魚柳，水煮桂花魚就係新鮮桂花魚，有啲骨嘅。新鮮桂花魚就當然係靚啲啦，不過因為朋友唔鍾意吐魚骨，所以最後揀咗無骨嘅水煮魚。 辣子雞已經夠大碟㗎啦，點知水煮魚上枱嗰陣仲震撼。好大碗。入面有好多紅薯寬粉同埋芽菜，全部都煮得好入味。望落以為啲魚片唔係好多，點知食落發現食極都食唔晒，食極都仲有魚片。好抵食。 個辣度應該好多人都可以接受到，辣辣地，鹹鹹地，好食。 食水煮魚有紅油就無可避免㗎啦，但呢度嘅紅油唔會過多，感覺都適中。 🍚白飯 $15 店員話食水煮魚可以配飯、麵或者餃子都OK。但因為個人喜好鍾意食川菜嗰陣有飯食，所以揀咗叫兩碗白飯。啲水煮魚真係好送飯，正。始終都係覺得白飯同水煮魚先係perfect match。 🍧桂花冰粉 $0 本身冇叫到桂花冰粉，食飯食到一半嘅時候，店員突然送上兩碗桂花冰粉，好驚喜。原來喺呢度食晚飯，每位都會送一碗桂花冰粉。食到覺得有啲口渴或者有啲辣嘅時候，可以食一啖桂花冰粉。呢碗桂花冰粉真係好解渴，又好解辣。食川菜必備。 最後，因為我哋食得比較夜，成為左呢度最後一檯客。所以埋單嗰陣，撞正老闆娘收舖，就同老闆娘傾左幾句。原來老闆娘係四川人，咁呢度嘅川菜一定好正宗啦。老闆娘話因為要遷就香港人口味，所以將辣度調低左。因為我哋冇特別話要辣啲或者小辣，所以啱啱嘅水煮魚同辣子雞會係呢到嘅正常辣度，不過對四川人黎講就會係小辣。同埋呢度比起其他四川菜嘅餐廳，用嘅油比較清少少同埋係靚啲嘅油，係同正宗四川菜用嘅油會貼近少少。聽完之後，就更加覺得呢餐食得好抵啦。 另外原來呢度嘅菜可以揀要辣啲或者麻啲㗎。大家有preference嗰陣可以落單嗰陣同店員講埋。