Royal INN (Causeway Bay)

P F 1 個月前

上週末與好姊妹相約前往位於銅鑼灣的 ROYAL INN，體驗加入近年大熱的Edible Painting 元素的「凡爾賽靈感畫下午茶」($398/2位)☕️，將餐桌化為畫布🖼️，盡情揮灑味蕾的創意。 這個主題下午茶的最大亮點，必定是互動式的繪畫體驗🎨。餐廳會提供一片玻璃碟作為畫板🖼️，讓我們發揮藝術細胞👩‍🎨，將忌廉、雜莓🍓、Biscoff 餅乾🍪、粟米片、杏脯乾、雜莓🍓、南瓜子🎃、迷迭香🌿、食用花🌸等配料，隨心在畫板上點綴，打造出獨一無二的可食用藝術油畫🖼️。整個過程輕鬆有趣，還可以拿著完成品在這個充滿法式宮廷氣氛的環境下拍照打卡📸。 除了可食用油畫，當然少不了經典三層下午茶☕️上的鹹點與甜點。鹹點小巧精緻，用料新鮮，調味恰到好處；甜點則包含水果撻、Macaroon、Brownie 及Madeleine，甜蜜滿足。雖然餐點份量看似精巧，但整個社交過程邊吃邊聊，其實相當有飽足感。 「凡爾賽靈感畫下午茶」☕️兼具美味與手作樂趣，互動式的繪畫體驗🎨增加了聚會的趣味性，非常適合與好友一同前來渡過美好的午後時光。

Lai Evelyn 3 個月前

假期去咗法式簡約風的皇室堡Royal Inn 食午餐，環境閣落舒適，採光一流，打卡或同朋友聚會都一流！ 最近Set Lunch 新增咗+HK$28 追加「半前菜放題」！前菜款式精緻，多食幾款都已經值回票價！ 🥣 煙肉椰菜花湯 椰菜花的清甜與煙肉的鹹香完美融合，Creamy 又有層次。 🥩 燒羊架配紅黃菜頭羽衣甘藍沙律伴薄荷黑醋醬 羊架嫰滑又Juicy，配菜豐富：紅黃菜頭非常清甜，搭配羽衣甘藍沙律和靈魂「薄荷黑醋醬」，酸甜帶點微涼，完美中和了羊架的油膩感。 🐷 燒美國豬柳配南瓜蓉伴香脆洋蔥絲 豬柳厚切又粉嫰，底部的南瓜蓉口感細滑甜美，配埋面層脆卜卜的洋蔥絲，一啖食落去口感超豐富！

林崇禮 4 個月前

銅鑼灣Royal INN驚喜返兜，Cocktail同甜品超班，仲有Live Band勁Chill 今日同老婆去銅鑠灣行街，心血來潮想食返間有情調嘅餐廳。之前去過尖沙咀嗰間Royal INN，印象幾好，今次就試吓銅鑼灣呢間分店。 一入去，裝修依然好靚，梳化椅好坐，傾偈飲嘢一流。最正係呢間有Live Music，日頭播地中海風情音樂，夜晚就有Live Band，氣氛即刻升級。如果你唔想聽歌，都可以揀坐出面，但我哋就專登坐入面，邊食邊聽，成件事好放鬆。 講返嘢食同飲品，今次真係有驚喜。 首先一定要講杯Cocoa Grasshopper（$88），我同老婆都係薄荷朱古力控，呢杯Cocktail簡直係我哋嘅天菜！薄荷味超重，加埋朱古力同榛子繽紛樂嘅香氣，酒味唔會太濃，入口好順，香濃得嚟又清爽。老實講，係我飲過最好飲嘅薄荷朱古力Cocktail，必點！ 另一杯牛油果Smoothie（$58） 都唔輸蝕，牛油果味好香濃，滑得嚟加埋面頭嘅cream，飲落好滿足，唔會太甜，啱晒唔鍾意飲酒嘅老婆。 小食我哋叫咗Crab Cake（$96／兩件），佢可以跟人頭嗌。外層炸到金黃香脆，入面係滿滿嘅蟹肉絲，配埋酸甜嘅番茄醬汁，做得有水準，唔會成口粉。 主食我哋兩個人share咗一份龍蝦汁海鮮扭扭意粉（$188）。意粉係偏硬身嗰種，掛汁力強，龍蝦汁味道夠濃。海鮮份量好足，有魷魚、蝦、蜆同青口，全部新鮮。整體份量好大，兩個人share啱啱好，食完已經有七分飽。 最後當然要留返個甜品胃。我哋叫咗香蕉榛子醬可麗餅（$88+$18）。呢個組合永遠冇得輸！可麗餅入面嘅香蕉加咗焦糖，甜香軟滑，配埋榛子醬同凍冰冰嘅雪糕，一口接一口，完美滿足晒我哋兩個嘅甜品慾望。 埋單$590，以銅鑼灣、有Live Band、靚裝修、仲要飲品同甜品都咁高質嚟講，我覺得好合理。 總結：Royal INN銅鑼灣店完全超出預期，尤其係飲品同甜品做得非常出色。今次仲發現佢有Live Band，同老婆坐低慢慢飲杯嘢chill下，真係好享受。下次一定會再嚟，可能試埋其他Cocktail同主菜！

UNO Leung 4 個月前

【銅鑼灣皇室堡Royal Inn半自助晚餐｜$300左右食到咁嘅質素，真心推介】 銅鑼灣皇室堡嘅Royal Inn，晚市半自助晚餐300，以呢個地段同質素嚟講，好抵食。 📌小貼士：經OpenRice訂位晚市，仲會送海鮮拼盤！我哋今次就係因為咁而book枱，上枱嗰刻幾有驚喜——海鮮拼盤有 東風螺、青口、蝦，全部新鮮爽甜，凍食好開胃，呢個優惠真心加分之選。 半自助吧雖然唔係超大陣容，但每樣嘢都做得有心機： · 沙律吧：沙律菜新鮮爽脆，醬汁有幾款可以自己揀 · 海鮮區：蜆同青口鮮甜，無雪味，refill速度都快 · 小食區：有薄餅、炸物小食，食完仲可以繼續攞 青醬忌廉青口 💚 呢個係全晚亮點！青醬同忌廉平衡得好好，濃郁得嚟唔會膩，青口新鮮嫩滑，個汁香到我要拎麵包點晒嚟食。 主食方面 叫咗兩款share： · 意式海鮮意大利粉：意粉al dente，海鮮足料，醬汁掛麵 · 黑松露野菌意大利飯：飯粒軟硬適中，黑松露香氣濃郁，忍唔住食咗兩碟 環境：門口有個許願池噴水池，白色宮廷式裝修配水晶燈，坐得舒服。仲有BB凳，店員主動幫忙安排，會問使唔使預熱BB食物，親子友善滿分。 總結：人均約$300，半自助晚餐本身已經抵食，仲要OpenRice訂位送海鮮拼盤，真係無得輸！呢間已經bookmark咗，一定會再嚟！

Sin 5 個月前

銅鑼灣美食～中西融合餐廳 今次同小伙伴去左間好有特色既餐廳 一入到去好似置身於西式宮廷花園 西式元素既水池 有種高貴優雅既感覺 餐廳採用咗青花瓷為主 佢哋嘅碟都係青花瓷 今次小夥伴叫咗一個前菜兩個主食同埋一款甜品 前菜試咗法式焗田螺 令人驚喜係又酸種麵包伴碟🍞 麵包加上薯蓉 有另類蒜蓉包嘅感覺 有小驚喜❤️ 真係好好食😋 值唔一推👍🏻 主食方面全新中西融合菜式～牛油香煎帶子意式青醬意粉🍝 佢地既pesto醬好出色 而另一主食新思維新突破～燒龍蝦尾番紅花意大利飯🦞 呢個就略為遜色 佢既Risotto好似重手左少少🤏 味道👅偏鹹🙏🏻 甜品方面 就叫左個巴斯克芝士蛋糕🧀🍰 食落好軟滑😍 整體來講呢間餐廳好值得打卡 性價比高 除咗單點菜式～餐廳仲設有semi buffet 都可以一試🥰 。 。 。 。 。 Royal Inn 📍銅鑼灣告士打道311號皇室堡3樓313-314號舖 #ROYAL INN中西融合菜 #青花瓷 #causewaybay #foodie #打卡之選 #宮廷式