三一餃子 (旺角)

keira 上次編輯：1 個月前

English menu provided 沒有味精的湯餃子烏冬，可選配6-12隻餃子，亦可選米線或菜底。湯底也很好喝 日式餃子是自家出品，有多款特色口味選擇 送一杯清酒，可選冷熱 點餐後可自助拿碗碟，調味料，斟水等等

A Bite A Day 1 個月前

今次嚟到旺角嘅三一餃子，呢度唔單止係食餃子咁簡單，反而更加似一間可以飲住酒、慢慢食住唔同餃子同小食嘅餃子居酒屋🍶。今次就試咗幾款，最有記憶點一定係呢款芫茜餃子🌿 🌿 香菜の暴走(煎餃子) 10隻 (拼埋做韭菜芫茜) $64 一上枱已經見到勁多芫茜，芫茜控一定開心🤩 除咗新鮮芫茜，餃子面仲搽咗特製芫茜醬，香味更加突出。冰花煎得非常之靚，入口超級脆卜卜，餡料飽滿多汁，外脆內嫩，食落完全唔乾身！ 🍢 關東煮 $39 飲酒就一定要食呢個，味道幾舒服，特別係加入溫泉蛋，蛋黃滑溜溜咁撈埋湯汁一齊食，幾有驚喜。 🦪 吉列炸蠔 $47 外層炸得香脆，一咬落去即刻爆汁，蠔味鮮香又惹味，配酒一流🍺 🍤 唐揚暴蝦君 $39 份量幾多，炸蝦香口又有蝦味，越食越想飲返啖酒。 🍶 免費清酒 入坐就會送清酒俾客人試試。有兩款選擇：日本清酒二段酵母仕込偏甘口，入口醇厚清爽，果香幾明顯；日本清酒鮮榨生貯藏酒同樣偏甘口，飲落更加清甜爽口，兩款都幾易入口。 相比一般專食餃子嘅店舖，三一餃子更加強調「餃子＋酒」嘅食法🥟🍶，由特色餃子到關東煮、炸物都有唔少選擇，幾適合一班朋友坐低飲住酒慢慢傾。尤其呢款香菜の暴走，芫茜加冰花煎餃嘅組合真係幾有記憶點，值得芫茜控嚟試吓！

Katie Yip 2 個月前

咁啱黎到旺角買野，想搵間小店坐低食下野，喺google map搜尋‘餃子’，就黎咗呢間。 環境 呢度走日式風格，會播放年青人鍾意嘅津米玄師之類，木檯木櫈，平日下晝人唔算多，坐得幾舒服。 落單 用qr code落單，好多野揀，第一次黎唔係好睇得明，但可以叫店員簡單解釋下。 設施 檯上面有齊餐具同調味料，想飲水可以行出去自助斟。 套餐 。以為要單叫餃子，不過原來可以配成套餐，餃子數量可以自己揀，唔太餓所以六隻煎餃剛剛好。可以唔揀麵食，揀菜底，都幾好。 。餃子係日式煎法，即時煎，幾好味。 。貓貓碗好得意！ 。每個客人可以試飲一小杯清酒，凍嘅，幾得意。 服務 最欣賞佢地嘅服務，一堆後生仔女，但個個都好有禮貌，唔會大大聲響度講無謂野。 多一個人就可以試多啲野，希望日後可以帶姪仔黎食，年青人應該鍾意呢間。

msfood__special 2 個月前

小妹今晚去咗位於旺角三一餃子🥟店食飯😆呢間小店格局偏「快、靚、密」，整體感覺係走日常口碑路線😍 唔會太誇張裝修，主打餃子🥟 餐牌重集中喺不同餡料、不同烹調方法既煎餃🥟水餃🥟入座後最直接就係等上菜時嘅香味同聲勢。 香菜之暴走🥟 韮菜及芫茜拼餃 一上枱聞到芫茜嘅清鮮香氣，就咁睇都見芫茜🌿好多，舖哂起面☺️芫茜🌿控必食；另一款餃子🥟先聞到韮菜嘅青香，整體有種「由重變清」嘅感覺🤗韮菜餃子🥟咸香與肉類及油脂更易融合嘅底味🫣而芫茜餃子🥟提供清爽提香，令兩款餃子🥟唔會變得太厚太膩😝加上煎餃皮夠薄，咬落有彈性，餡料嘅層次會更立體😎 香氣先出、餡味緊接，尾韻更乾淨。 招牌餃子+黑白松露豬肉餃🥟鰹魚昆布湯烏冬🍜 呢款招牌餃子唔會搶走湯的風頭，餃子皮薄而彈、煮得到位，唔好過硬或過爛，影響鮮味收口👍🏻 餡料味道要能夠跟湯頭共存❤️鰹魚湯好香、鮮、偏「有力度」，鰹味係順滑浮出，唔係腥或突兀🫪鮮味會偏清甜滑順；而烏冬吸湯能力強，口感彈牙但唔硬、咬下去有層次😼吸得到鰹魚昆布湯的鮮味 🐟 餃子配溫泉蛋紫菜拌飯：墨醉雞餃+韮菜蝦皮豬肉餃🍙 墨醉雞餃雞肉沒有那種乾柴感，反而比較滑順的口感；墨醉有點深色調的香氣與層次，讓整顆餃子🥟食起來不單調😆 韮菜蝦皮豬肉餃清爽辛香＋蝦皮的鹹香很加分，豬肉餡也把它撐起來，吃起來香鮮鹹香韻味很完整💪🏻 溫泉蛋真係好關鍵，蛋黃一拌進去，整體會從「單純吃餃子」變成「味道更圓、更黏😀 紫菜跟蛋既濃度很搭，食到後段唔會乾口；尤其是前面吃到韮菜蝦皮那種偏鹹偏香的餃子後，再用拌飯收一下，鹹味被蛋與飯的柔化感平衡，整體變得很舒服😌 餃子🥟之酒 日本清酒二段酵母仕込🍶 日本清酒鮮榨生貯藏酒🍶 食餃子🥟🍽️飲清酒🍶配搭一流❤️ 飲品🥤 熱柚子蜜 冷萃綠茶 本體黎講，呢間小店絕對適合聚會🎈好地方🥳而且岩哂想食一餐簡單但有口感既朋友仔又或者放工，逛街之後想快手食餃子🥟既人🤭

ck 3 個月前

旺角三一餃子分店隱藏在女人街內，平日上班的我不輕易光顧到。最近來了兩次，真的不錯，已經bookmark咗做飯堂。 原因很簡單，喜歡他可以選擇大量蔬菜（甘煮野菜、關冬煮），選擇多而且自由🥹，也喜歡豆漿蝦湯底，椰菜清甜，蘿蔔入味。最可愛的，還是他們會免費請你喝一杯清酒，你還可以選擇店員陪你喝🥳。但我還是喜歡他們的冷萃咖啡，沒有我不喜歡的酸味，如果能用玻璃杯子更佳（純粹個人喜好）。 不過光顧了幾回，還是沒有吃餃子，因為只有豬肉餡料，加上澱粉太多，我還是清清淡淡好了。身為椰菜愛好者，這裏麵底可以加椰菜，份量慷慨得不得了，讚👍🏻。