Saravana Indian Vegetarian Restaurant (Jain Food In Hongkong)

Healingbobo 2 年前

最近我去咗重慶大廈食晚飯，一入到重慶大廈已經被熱情嘅印度人包圍，遞上唔同餐廳嘅單張，我哋揀咗一間印度素菜餐廳，佢有兩個舖位，座位好舒適🙂餐牌花多眼亂，好多選擇，樣樣都想試呀😍 雜錦燒烤 Tandoori Vegetable Platter $150 裡面有辣薯蔬菜條，香料味重得嚟又唔會太辣，口感外脆內軟； 香辣薯仔好棉滑，印度芝士鹹香味十足，侍應介紹話係佢哋嘅best menu，有啲配菜冇得散叫，真係好犀利😂 南北印度套餐 Deluxe Thali $120 依個套餐真係好豐富，有唔同味道嘅素菜，包括微辣嘅咖哩雜菜、少少鹹嘅黃豆湯、乳酪、薯仔煎餅、烤餅。黃豆湯有雜菜粒同薯仔，好飽肚。煎餅好薄好脆，中間仲有薯仔好豐富，加埋尖長嘅印度米飯，好獨有嘅飯香味！ 素菜餃子 Veg Momo 餃子皮薄餡多，咬落去好多汁，真係好好味！ 瑪莎拉奶茶 Masala Tea $20 奶茶入面有濃濃的薑味，好香好特別。 瑪莎拉鹹奶昔 Masala Chaas $40 少少鹹清新又開胃解膩，飲完之後心情都好咗😋 整體來講，呢間餐廳真係值得一試，無論係小食定套餐，都可以滿足你嘅味蕾！下次一定要再約埋朋友一齊嚟！ 評分：最高為5分 治癒度：👩‍⚕️👩‍⚕️👩‍⚕️👩‍⚕️ 抵食度：💉💉💉💉 翻兜指數：🩺🩺🩺🩺 娑羅婆納印度素餐廳 尖沙咀彌敦道36-44號重慶大廈1樓105號舖 📍尖沙咀/尖東港鐵站D1/L1/N5出口 #healingbobo #foodie #hkfoodie #foodiehk #香港 #美食 #TsimShaTsui #TST #尖沙咀 #重慶 #veg #vegetarian #素菜 #素食 #India #印度 #Saravana #娑羅婆納印度素餐廳

KOMORI DIARY (小森日記) 2 年前

為左食可以去到幾盡？🙈 今天就同Alex走進龍蛇混集的重慶大廈，轉換一下味蕾體驗，晚餐來到《娑羅婆納印度素餐廳 Saravana Pure Veg》嚐試一下印度菜與別不同的風味。 「香料薯蓉豆蓉包 Masala Pav Bhaji」是一款素菜咖喱，熱辣辣的麵包配上洋蔥粒，沾上獨特風味的咖喱，確實別有一番風味。 「烤印度碎芝士 Paneer Bhurji」 Paneer是印度的一種淡味乳酪，用牛奶加入檸檬酸凝固，因為沒有經過發酵，味道完全唔臭，加上多種香料製作，非常惹味，配上印度薄餅一起吃，居然比肉還要美味😋 「印度脆米球 Pani Poori」 一個個中空薄脆的餅球，內裡讓入了餡料，最特別的是旁邊有一壺綠色的香料湯汁，把它倒進，再一口整個吃掉。湯汁在口中爆破的一瞬間，完全感受到那豐富的衝擊感。 「印式甜奶球 Rasmalai」，一款冷食的甜品，扁圓形的奶球，泡在甜牛奶中，每一口都奶香十足，香甜可口。 飲品必然要點「瑪莎拉奶茶」，還記得第一次飲既Mesala Tea, 由Usman特意泡製給我，在奶茶裡加入多種香料烹調而成，一直對這味道念念不忘，今曰推介給Alex，他一試便愛上🥰 餐後記得要試埋「印度茴香糖」呀！馬上去除口中異味，還可避免脹氣及消化不良的哦！😉

Tracy Lam 2 年前

印度菜咖喱以外的選擇🥘 家庭式經營小店，以印度素食為賣點，食物選擇十分多，都是常見的印度地道食物；餐廳坐位不多，當晚所見，除了印度人，也有香港人前往。 初次嘗試印度菜的我，試了這幾款食物都很不錯，Cheese Masala Dosa、Dahi Poori、Vegetable Samosa

經濟艙的日與夜 2 年前

早幾天我和E小姐一同踏入了尖沙咀的重慶大廈，來到了一家一樓的印度素食餐廳。雖然沒有華麗的裝修，但它的味道絕對不輸比其他印度餐廳。 HK$68的乳酪脆米球～這款前菜給人一種冷熱交替的感覺，外脆內冰凍的乳酪搭配微酸的番石榴，讓我們回味無窮。 HK$80芝士菠菜～不要被它的顏色所抗拒，雖然味道有些鹹，但芝士的香氣十分濃郁，絕對會讓你上癮。 HK$118的印度芝士燒烤～外層被調味粉包著的口感有點像豆腐，味道由濃至淡逐漸展現。 HK$68的瑪莎拉香料煎餅，長長的煎餅內藏著軟綿的薯仔，蘸上三款不同口味的醬料，各有特色。 HK$15的瑪莎拉奶茶，瑪莎香料十足，甜度控制得剛剛好，不會過甜。 HK$35芒果奶昔～甜甜芒果味濃，絲滑非常好喝。 HK$35瑪莎拉鹹奶昔～與食物對比是非常清新又帶點特別的感覺。 總括來講，這家印度素食餐廳的美食選擇多樣，令我們花多眼亂，味道獨特，是一次不錯的素食體驗。

Leung Christy 3 年前

足料飽肚素食印度🇮🇳菜 講起印度菜，好多人第一時間諗起咖喱🍛 咁素食版嘅印度菜，冇咗咖喱，究竟仲有啲咩？ 會唔會好單調？唔夠飽？ 答案係：絕對唔會！ 今次同一位鍾意食素嘅朋友到訪重慶大廈，尋訪一間素食印度菜餐廳， 睇下究竟食素、不好食肉嘅人有咩選擇～ 嘩，一打開menu，第一個諗法係：好多嘢食，點揀好？ 經過一番苦惱，終於揀好啦！ 香炸素菜咖喱角（3件） 久不久經過印度鋪頭，總係會見到有咖喱角，今次就嚟食下！😆 與港式咖喱角可一口食完的迷你尺寸不同， 印度咖喱角相當有份量，切開更發現餡料十足！ 隨碟附上兩個醬，深綠色醬有啲似點羊架嘅薄荷醬般涼喉，微辣； 而另一個深黑色醬則有啲似牛肉醬，質感濃稠，個人偏好呢個多啲。 印度炸芝士 雖然係芝士🧀 但賣相同質感都更似豆腐 又似雞肉🍗好過癮～ 而估唔到呢個芝士都幾辣喎！ 芝士薯仔薄煎餅 呢塊煎餅睇落好薄 但內有乾坤！ 一切開，嘩！原來入面有咁多薯仔餡，仲要好飽肚！ 今次附送嘅醬料有番茄醬、咖喱汁，同埋一個類似豆泥。 印度脆米球 印度與尼泊爾常見嘅小食～嚟到一定要試😍 脆卜卜嘅米球，內有薯仔同蕃豌豆蓉， 再倒入冰涼嘅酸甜醬汁畫龍點睛，好開胃！ 飲品方面，我哋嗌咗香蕉奶昔🍌同士多啤梨奶昔🍓， 香蕉奶昔好香香蕉味，飲得出係真材實料！ 士多啤梨奶昔雖然睇落係用士多啤梨醬整， 但味道完全唔人工，亦非藥水味，好易入口，微甜。