盛意小館點心粥麵

CE Wing 2 年前

位於尖沙咀漆咸道的［盛意小館點心］開業未夠一年，裝修新淨企理，是一間又好食又抵食的點心店，點心款式多，每日即製，由上午至晚上都有得食，每樣點心熱辣辣上枱，點心控一定要來試試。 《百花釀魚肚》 啖啖的蝦膠肉非常彈牙，魚肚吸收了蝦膠的海鮮甜味，真的很可口。 《陳皮牛肉球》 三粒大大的牛肉球又柔軟又彈牙，散發出淡淡的陳皮味，食得出要人手製作的。 《豉蒜蒸排骨》 用生熟蒜和豆豉醃製的排骨，完全掩蓋了凍肉味，排骨充滿肉汁兼又滑又腍，好味又抵食。 《沙巴鮮蝦燒賣皇》四粒 燒賣真是香港人的至愛，燒賣皮包著豬肉及蝦仁，再散些魚籽在上面，口感豐富惹味。 《翡翠鮮蝦腸》 餡料是大大隻鮮蝦，腸粉皮透薄，滑溜溜，淋上甜豉油，正。 《豬膶粥》《鯇魚片粥》 粥底綿滑味道鮮，無論落豬膶或鯇魚片，都一樣好吃。

Steve Au 2 年前

上網睇見到呢間係米芝蓮級數嘅餐廳 於是入黎試吓 香片 水滾茶靚，飲到啖啖甘香味，茶膽味甚濃！ 秘制妙齡皇子鴿 表面帶點椒鹽粒，乳鴿皮燒得好香脆 乳鴿肉都好入味，食落去淡淡肉好滿足！ 花膠瑤柱灌湯餃 灌湯餃皮薄餡靚，篤爛個皮再撈埋個湯一齊飲，再放少少紅醋，味道更鮮！ 百花蝦煎釀蘿蔔糕 師傅煎得金黃香脆，蝦膠新鮮彈牙，蘿蔔糕內亦食到粒粒蘿蔔絲，絕對係真材實料！ 沙巴鮮蝦燒賣皇 鮮蝦新鮮彈牙，表面配上粒粒蟹籽，帶點漲爆口感，味道更佳～ 脆皮蘿蔔絲紅米腸 腸粉外軟，蘿蔔絲內脆，表面再放上海苔，層次感非常滿足！ 藥膳雞腳 藥膳味甚濃，而雞腳亦都浸得好入味，口感都好易咬，肉質唔會太硬太實 皮蛋瘦肉粥配油條 皮蛋份量充足，白粥口感好綿滑，前面食得太漏，可以中和一下飽膩感！ 楊枝甘露 每一啖都真材實料，食到新鮮芒果粒+柚子粒，為呢餐飯畫上完美句號！

Esther Lee 2 年前

好耐冇食點心喇，今日同一個年紀較大嘅舊同事去食飯，就諗起食呢間米芝蓮大廚主理嘅點心餐廳，餐廳環境以藍色為主題💙估吾到點心都可以咁有格調✨ 招牌蝦餃皇確實值得擁有呢個稱號，蝦餃皮薄餡靚，蝦肉爽口彈牙，確實很不錯🦐 香芋叉燒天鵝酥🐷個樣認真過癮🤣表而脆脆部分香脆可口，裡面香芋好smooth💜有埋啲叉燒肉加添一份甜味，成個組合頗新穎。 豬仔流沙包個樣太可愛啦🐷裡面餡料系奶黃流沙💛不過略嫌流沙吾夠，再多啲再加埋QQ樣就完美～ 海鮮雪茄春卷賣相同樣十分玩味🤭又真系幾似雪茄🚬脆卜卜又食到新鮮蝦肉🦐大家都可以黎用咁經濟實惠價錢一嚐「雪茄」 牛肝菌蟹肉酥，外型真系隻🐮牛腩菌味道香濃🤎連埋蟹肉又意想不到地夾🦀酥皮做到吾油膩已算好好。 香芒大蝦脆脆卷，夏天食芒果零舍開胃🥭橙色賣相非常吸睛🧡 蒜香煎海蝦籠仔飯，海蝦新鮮程度還好，個人比較中意蒜香粉絲白飯部分，蒜蓉加粉絲真系冇得輸🧄

BT 3 年前

椒鹽脆皮魷魚鬚 炸皮炸得脆卜卜，金黃色，魷魚鬚有咬口但唔會太靭，唔濃味，重口味可以自己加鹽或者醋 招牌蝦餃皇 外皮蒸得好軟糯，蝦夠大粒新鮮，推介！ 沙巴鮮蝦燒賣皇 好好食，大粒足料，好滑，推介！ 八年陳皮牛肉球 職員會問清楚要唔要喼汁先加，細心。牛肉球大粒，腐皮夠滑，推介！ 豬仔流沙包 外型可愛，咬開滿滿嘅流心，放耐咗都仲ok，有小朋友要叫！ 不見天韮皇鮮蝦腸粉 腸粉較為闊身，份量夠。 經典蘿蔔絲酥 依家比較少見嘅點心，有驚喜，夠酥脆，蘿蔔絲甜甜地，好食！ 紅油抄手 抄手又大又多粒，抵食 鳳爪新鮮排骨飯 意外大份，排骨同鳳爪比得好夠，豉油甜甜地好開胃，推介！

Kristy So 3 年前

本身都好鐘意食點心，但夜市有得食點心既鋪頭真係唔多，今次又比我搵到間位置幾方便的餐廳啦! 原來呢到係由米芝連級別既廚師主理，應該都有D保證。 香芋叉燒天鵝酥 而家既點心鋪都比較少有呢款，而我都係第一次食。入面超多芋頭，表面都好香脆。而且好靚! 蝦餃皇2粒 呢到有得叫2粒/4粒實在太好，有時人少又想食得多D款，有得簡2粒叫就真係好! 蝦餃皇上台仲熱辣辣，皮薄! 鮮蝦燒賣皇食落好足料! 鮮蝦腐皮卷 預先一開二，方便進食。 叉燒腸 叉燒粒都幾多，腸粉皮幾滑。 蒜香蒸海蝦籠仔飯 個飯底好香，加埋豉油落去撈，唔覺唔覺食左好多! 鳳爪 個汁好鐘意! 馬拉糕份量都幾多，夠鬆軟!