小瑪哥米線 SMG Noodles

Carmen Chu 2 個月前

今日收工去咗灣仔「小瑪哥米線」食米線，真係幾有驚喜！ 我叫咗碗「花枝丸雞翼辣肥腸米線」配自家酸辣湯底。因為怕太辣，所以揀咗BB辣！ 個湯底酸酸辣辣好開胃啱啱好 肥腸洗得好乾淨、滷得入味，花枝丸亦夠彈牙。 另外加錢配咗兩款小食！ 個「昭通醬雞翼」真係要試超惹味！ 一份有5隻，醬汁濃郁惹味，雞翼炸得酥脆！ 「金蒜油拍青瓜」就夠晒爽脆，蒜香味好突出👍🏻夏天食超解膩！ 最後飲埋杯少甜少冰嘅凍檸茶，成個人爽晒！ 呢餐食咁多埋單先$137 喺灣仔區嚟講性價比算幾高 鍾意食米線嘅朋友值得一試！

Rylee Law 5 個月前

搭車成日經過呢間米線，佢就喺薔虹對面。幫襯過後，發現佢其實係一間用心經營嘅小店，可惜地理位置有缺陷，生意難做。老闆娘好熱情，佢仲有個可愛醒目嘅囡囡。 佢菜式真係太多，樣樣都想叫。我直接叫二人餐，唔洗煩揀餐單，最啱我呢啲選擇困難症患者。 招牌氣鍋雞 🍲🐔 呢個雲南style雞湯一上枱就好有誠意，湯頭濃郁但唔會油膩，飲落係舒服嗰種暖胃。入面有少量菇菌提鮮，雞件大嚿又多肉，真材實料。 涼拌金耳 🥗✨ 第一次見真係會有少少呆咗。原本以為係木耳啲friend，點知嚟到個樣有啲似燻蹄，金色邊，視覺效果有啲反差萌。口感幾特別，爽脆得嚟又有彈性，而且最加分係唔似出面啲涼拌咁成浸紅油，反而配日式 wasabi 同豉油點，有驚喜！ 皮蛋嘶嘶雞 🥚🐔 呢個其實係口水雞，但又多咗皮蛋嘅濃香。底下鋪住青瓜，清爽解膩，皮蛋新鮮，蛋黃仲勁 rich、creamy。 金牌小鍋湯米線 +$10 🍜 米線本身爽口彈牙，唔會淋pat pat，湯底同雞湯一路食一路夾。唯一小小可惜係我覺得可以再酸少少，咁會更加惹味，不過整體都係好穩陣。 絲苗白飯 🍚 彩虹芋圓冰冰粉 🧊🍧 冰冰粉透明爽滑，夏天食落透心涼，配埋芋圓就更加有口感。最抵死係，食完真係會覺得自己慳返出去食糖水嘅錢。 玫瑰豆腐花 🌹🍮 原本望落去似紅糖豆腐花，但食落有淡淡玫瑰香，唔係好假嘅化學味。豆腐花本身質感好實淨，唔係一舀就散嗰種。

food.detective_1111 6 個月前

氣鍋雞上桌時仍冒著白煙，透著溫熱的雞香。掀開鍋蓋那一刻，蒸氣裡混合著花椒與雞湯的香氣，濃郁卻不膩。雞肉鮮嫩，吸滿湯汁，每一口都帶著細膩的回甘。那碗湯更是靈魂所在，清澈如玉，卻層次豐富，是用時間慢慢熬出的深味。搭配一碗絲苗白飯，湯汁滲入米粒中，簡單卻讓人滿足。 除了主角氣鍋雞，滇池酸菜魚也十分驚喜。魚片嫩滑無刺，酸香刺激了味蕾，湯底酸中帶麻，讓人忍不住一口接一口。每一口魚肉都帶著微辣的後勁，既過癮又開胃。 配菜醬雞翼也令人印象深刻，皮香肉滑，鹹香帶甜，是個完美的小插曲。餐後的玫瑰冰冰粉更是一抹清新收尾，玫瑰香淡淡在口中散開，冰涼中帶點花香，為整個雲南風味之旅畫下柔和句點。

Congee Tw 6 個月前

金牌小鍋湯米線（四餸起） 湯底味道濃而不膩，加入酸菜後酸香突出，辣度適中，喝起來舒服不嗆。 米線本身夠腍，口感軟硬適中 配料包括鴨紅、肥牛、辣肥腸、香茅豬排 份量足，特別是肥腸處理得不錯，沒有異味，辣得帶香。 另一碗三餸金牌小鍋湯米線加了雲南炸醬、竹笙、冬菇和BB辣，湯底一樣濃郁，配菜清爽，竹笙吸湯特別好味。 小食方面，通醬雞翼味道香濃 宮廷醬茄子甜酸開胃，份量適中 灣仔返工放lunch好選擇

Coney Li 10 個月前

灣仔一個唔太顯眼嘅地點 店舖雖小，居然有頗特別嘅菜式。 二人晚餐包括： 招牌氣鍋雞 - 雞肉依雞嫩滑，一啲都唔會因為燉完而柴口，湯嘅味道濃厚。 涼拌金耳 - 有別於平時嘅雪耳／木耳，個人超喜歡這個頭盤，簡單咁點一吓芥末豉油已經好好味。 香茅豬扒 - 似乎細件咗啲，但勝在醃得幾入味。 鮮菌蕃茄湯米線 - 本身餐跟2個白飯，既然出名米粉，當然要試吓啦（只加$10），蕃茄湯底唔錯，唔似預製嘅蕃茄膏湯。 甜品分別揀咗：玫瑰冰冰粉+山水豆腐花 - 冰粉有啖啖玫瑰花清香，好味；豆腐花亦都有水準。