南山梳乎厘 深水埗店 soufflé namshan Shamshuipoo

hungry_angle 8 個月前

『深水埗高質疏乎厘🥞｜軟綿綿超人氣疏乎厘✨｜開心果關注組！』 相信大家都聽過石硤尾名物南山白汁冰，但你哋又有冇聽過有一間位於深水埗嘅南山疏乎厘呢？ 其實南山疏乎厘同南山白汁冰嘅老闆係同一個人，只係賣嘅食物唔一樣，呢一間主要係賣疏乎厘嘅，但係佢亦都有白汁冰 佢嘅店舖嘅後巷隔離有一張長長哋嘅白色枱，可以俾食客企喺度食，但係就冇位坐，所以我就選擇咗外賣 今次試咗$60開心果疏乎厘 疏乎厘好足料，上面佈滿咗濃郁嘅開心果cream，令到我呢個開心果愛好者感到超幸福，第一啖食落軟綿綿好有質感，佢冇其他嘅疏乎厘咁有空氣咁，食落比較紮實，開心果cream唔會好甜，入口即溶，開心果味濃郁，同疏乎厘一齊食十分之夾 整體嚟講如果你係比較鍾意食有質感嘅疏乎厘，呢一間就啱晒你！

Anthony Mak 10 個月前

星期六晚大約九點去，間舖好細，得幾個露天位，佢主力都係做外賣，但都有幾個bar枱位做堂食。我點咗個海鹽士多啤梨梳乎厘同埋一個迷理芒果豆花冰，兩個都好好食。個豆花冰雖然只係試食裝但都好重豆味，芒果足料，好食。個梳乎厘要等足10分鐘，佢係即場煎嘅，佢個開放式廚房所以可以睇到佢打蛋白同煎個過程，梳乎厘好鬆軟好重蛋味，好食；海鹽係有少少鹹嘅甜味，都好清新；不過啲士多啤梨就真係一般般，啲士多啤梨味太假，同埋啲士多啤梨粒啲質感有少少膠，有待改善。個梳乎厘賣HKD 60，收八達通。

foodie_kwan_hk 上次編輯：9 個月前

是次深水埗搵食最後一站,嗜甜如我,都係食甜品-梳乎厘。 佢地既梳乎厘都幾多款式,我最後揀左酒心Oreo味,另外實在太熱,所以叫左杯芒果沙冰。我落單個陣,職員話堂食即叫即整要等15-20分鐘。佢地有幾張櫈係鋪頭旁邊,所以都可以堂食,可惜無冷氣,得部風扇,聊勝於無。 芒果沙冰首先送到,急不及待試一口,確實係冰涼,芒果味都幾香,只係天氣太熱,好快就變左芒果汁😅 等左20分鐘左右,終於等到上菜,賣相十分吸引,而且都幾足料。梳乎厘非常軟熟,羹叉輕輕一吉就可以分開,搭配Oreo餅碎,令口感上多左重變化,不過就唔係好食到酒味🤔 整體用餐體驗都唔錯,份量合適,味道足夠甜,係用餐環境係後巷(算乾淨)同無冷氣有啲可惜。 酒心Oreo梳乎厘 $50 芒果沙冰(細杯) $15

Dee Lee 1 年前

出其不意的店舖。Google Maps上顯示地圖有些錯誤應該在往前些走就會看到。大約到店時間約下午兩點人流唔算多現場只有一對子在享受他們的疏乎厘。而我點選了開心果疏乎厘。但製作時間有點長，需要等待10分鐘才可以品嚐。但我覺得非常值得因為非常但而且開心果味非常濃郁。值得一試和推介。

Jessica Pekkle 1 年前

去完主教山路過這特色南山梳乎厘小店，地方很小只有後巷1小小bar枱和4張櫈，我點了雙併梳乎厘開心果味/海鹽芝士（$60）再加芒果沙冰（$25），因為即做所以需要等5-10分鐘，梳乎厘充滿空氣感入口即溶，蛋味較少，海鹽芝士很驚喜很好吃，反而開心果就一般，芒果沙冰可能芒果未合時，所以不香不甜很一般。