星 South Beauty

Lawrence Miu 2 個月前

儀式感滿滿既一餐，將魯菜融合現代創意，由頭盤到甜品都驚喜不斷！每一道菜都見匠心，極具層次，絕對值得一試。 水晶垛子黃牛肉 切得薄透，肉香濃郁兼口感爽脆 熗拌濰坊蘿蔔皮 微辣開胃，清爽解膩 山東煎餅熏肉卷大蔥 好特別既菜式，煎餅軟糯，另可因應口味加上大蔥、蝦米、花生碎 魚子醬烤鴨配煎餅 絕對係味蕾奢華享受，片鴨皮香脆，配埋粒粒魚子醬係口中爆開 阿膠蔥燒長島海參 海海參軟糯入味，蔥香濃郁，配米飯一流 主廚鍋包肉 非常鬆化，酸甜開胃 國宴烏魚蛋湯魚翅 酸辣提鮮，十分足料，配合香菜，更加惹味。 萊州蟹對蝦醬烤非遺饅頭 烤鏝頭微脆，十分特別既菜式 手臂大油條豆漿 超有特色，豆味濃郁不過甜 阿膠絲滑酸奶 奶香順滑，作位甜品十分完美

barbie chan 2 個月前

中環高端中菜館🥢超豐富川味商務套餐！ 約屋企人食飯都喜歡食中菜，呢度做緊個4人set又係中環幾靚咁，食完之後太飽添！ 川味商務套餐 $1880/4位，食足十道菜！ 前菜 🔸紅油拌夫妻肺片 薄切而且非常入味，前菜先刺激一下味蕾，辣度全部都叫左少辣，呢個辣度還可以。 🔸蠣蝦干龍口粉絲 青瓜撈粉絲，非常清爽，當中又帶有少少蝦米味。 湯品 🔸松茸清湯雞豆花 松茸味香濃，雞湯不見雞，湯面有層蛋白，做到好似豆花咁，滑溜又香濃。 熱菜 🔸太子鮮椒燒甲魚 超重骨膠原，全碟都係只用甲魚個邊邊位，每一啖都非常重膠質，加埋麻麻辣辣感覺，好爽。 🔸發酵酸菜豬肚煲 直頭可以當多一個湯咁，酸酸嘅豬肚湯好開胃，入面仲有滑滑花膠，非常滋補。 🔸辣椒皮炒黑豬肉 豬肉要連埋辣椒皮一齊食，炒得香口得黎，食到椒皮甜甜得黎又辣，口感幾有層次。 🔸鮮青花椒毛血旺 一大窩好似出去食火鍋咁，入面有毛血旺、腸、鱔、午餐肉、寬粉、豬紅、萵筍，真係好豐富，同埋越食越辣的。 🔸清炒四季時令蔬 係少見嘅紅莧菜，估唔到咁香鑊氣味，同埋份量都唔少的。 主食 🔸慕斯大油條 超巨型油條，又係打卡菜，佢仲配左2款好特別嘅醬，腐乳醬同百香果醬，腐乳醬就咸咸香香咁，百香果醬就fresh d，不過我都係喜歡沉豆漿食，佢個豆腐似係自家製，唔算好甜，都好好飲。 甜品 🔸阿膠絲滑酸奶酪 竟然有阿膠，真係好補呀！奶酪係好香滑勁濃奶味，本身就酸酸地，加埋阿膠就平衡返個酸度，好食呀！ 總結呢個餐算係抵食，十個菜得黎又大份，感覺6個人食都得添呀！

Melody Wong 2 個月前

星·South Beauty走輕奢風格，氛圍安靜，菜式呈現香川風味，適合聚會或慶祝時刻。 💓假期逍遙歡聚6人餐 冷盤前菜 水晶垛子黃牛肉/熗拌濰坊蘿蔔皮 山東煎餅熏肉卷大蔥/撈汁渤海灣蜇頭 黃牛肉細嫩晶瑩，肉香濃而不膩；蘿蔔皮爽脆口感，微酸開胃。山東煎餅包著煙燻香的豬肉，夾合大蔥、蝦醬及蝦米，口感豐富。海蜇頭有嚼勁，酸甜微辣。 🌟國宴烏魚蛋湯魚翅 魚翅的膠質感醇厚，上湯口感黏稠，品嚐一絲絲的魚翅，滋補養顏。 🦆魚子醬烤鴨配煎餅 烤鴨由師傅席前切片，烤鴨酥香，油脂香而不膩，與魚子醬鹹鮮散發，細膩滋味。 🫶🏻阿膠蔥燒長島海參 海參爽口軟糯，掛滿稠密的蔥燒醬汁，拌合白飯，充滿骨膠原。 🐟膠東一魯鮮大黃魚 大黃魚用雞湯慢火燉煮，黃魚鮮香細滑，鮮甜美味。 😘主廚鍋包肉 經典的東北名菜，以豬里肌肉裹上澱粉漿香炸，外層金黃，內裡充滿肉汁，沾滿酸甜醬汁，惹人垂涎! 🌸萊州蟹對蝦醬烤非遺饅頭 金黃的蟹膏及蝦醬，把香脆小饅頭沾上蟹膏，柔順蟹黃，像鹹蛋黃般甘香。 🥳手臂大油條豆漿 炸至香脆，配上百香果醬，清新果香平衡油膩感。點上豆漿，別有一番滋味。 🌸阿膠絲滑酸奶 酸奶細密綿潤，倒入阿膠，收在甜潤中。

Miffy Poon 3 個月前

這間位於中環的中菜館 — 星 South Beauty，是香港首間以正宗魯菜為主打的高端中菜館。作為內地著名飲食集團旗下的精品之作，以八大菜系之首的山東魯菜為核心，輔以創新川味，為本地食客帶來耳目一新的味覺選擇。 餐廳設計盡顯華貴雅致，大量運用傳統中式元素，富麗而不浮誇。特別值得一提的是多間以經典戲曲為主題的貴賓房，每間皆可按客人喜好度身定制電子屏幕與室內陳設，營造出極具私密感與儀式感的專屬聚會空間，服務細膩貼心，令人彷彿置身一場小型國宴。 星 South Beauty 對食材的講究近乎嚴苛，嚴選各地最優質當季食材，以頂級原料還原並昇華經典魯菜精髓。最近推出的4-6人分享套餐 ，讓更多本地饕客能完整品味正宗魯菜的深厚底蘊。 茶位 $30 / 位 假期逍遙歡聚六人餐 $5680 🦋熗拌濰坊蘿蔔 選用山東青蘿蔔皮，厚實飽滿，色澤呆萌可愛。經輕醃後微辣帶酸甜，清脆開胃，經典濰縣涼菜的優雅呈現。 🦋山東煎餅熏肉卷大蔥 以五穀雜糧製成的山東煎餅，包裹豬臉肉、章丘大蔥白，佐以鹹菜、蝦乾、威海蝦醬及芝麻鹽，層次豐富，鹹香脆嫩，一卷盡顯魯地風情。 🦋堂切垛子牛肉 選用八個不同部位的牛肉，以精湛刀工切成薄如水晶的透光片。滷味滲透牛筋，凍食時蘸蒜泥醋汁，鮮嫩香滑、入口即化，刀功與調味皆達滿分。 🦋撈汁渤海灣蜇頭 酸香開胃，蜇頭爽脆彈牙，令人食指大動。 🦋國宴烏魚蛋湯魚翅 魚翅彈牙豐盛，份量十足；烏魚蛋滑嫩無腥，湯底微酸帶適度胡椒香氣，暖胃而優雅，是國宴級湯品的經典再現。 🦋阿膠蔥燒長島海參 採用山東長島特產海參，口感Q彈厚實，蔥燒技法精湛，阿膠的滋補風味與海參完美融合。 🦋膠東一魯鮮大黃魚 以慢熬10小時的濃郁雞湯烹製，半野生大黃魚肥美飽滿，魚肉細嫩甘甜，帶有淡淡酒香與雞油香氣，鮮美至極。 🦋魚子醬烤鴨山東煎餅 以傳統京式掛爐烤鴨為基底，師傅精選一鴨只取八件，片皮酥脆、肉質鬆化。鴨件佐以晶瑩飽滿的魚子醬及香脆蝦餅，再以薄薄山東煎餅包裹，每一口皆是酥脆、油香、鹹鮮與層次感的全方位爆發。 🦋萊州蟹對蝦醬烤非遺饅頭 山東非遺手工饅頭烤至外脆內軟，蘸以萊州蟹對蝦醬，鹹鮮濃郁，傳統風味淋漓盡致。 🦋四季時令蔬菜 🦋手臂大油條豆漿（腐乳慕斯 / 鳳梨慕斯） 招牌巨型油條香酥鬆脆，油膩感極輕，單吃已極滿足，配上兩款慕斯後更顯層次。 🦋阿膠絲滑酸奶 質地如絲綢般細膩，阿膠糖漿融入淡淡棗香，甜度輕怡，兼具消滯解膩之效，為整場盛宴劃下完美句點。

Peony Ho 3 個月前

父親節帶老竇食魯菜，食到豎起拇指 👍 今年父親節唔送禮， 直接帶阿爸嚟「星·South Beauty」😎 食呢個「假期逍遙歡聚6人餐」 原價$9110，假期優惠$5680， 樣樣都係功夫菜✨ 🐮 水晶垛子牛展 牛展晶瑩剔透，超薄切又保持到咬口， 滷水香滲透每一層肉紋，越嚼越出味🔥 🥕 焙拌潍坊蘿蔔皮 蘿蔔皮爽脆清新，開胃啱啱好 🫓山東煎餅熏肉卷大葱 煎餅薄韌有麵香， DIY包住煙熏味濃嘅豬肉同鮮甜大葱， 配上蝦醬咬落層次豐富，口感紮實 🌊 撈汁渤海灣海蜇頭 海蜇頭厚身彈牙，撈汁酸酸微辣帶蒜香， 食落爽脆無比，呢碟最啱送酒🥃 🦈 國宴烏魚蛋湯配魚翅 湯底清澈，入口鮮甜濃郁， 魚翅份量十足，絲絲分明，炆煮得軟硬適中， 老竇話「真係酒店級水準」👍🏻 🐦 魚子醬烤鴨配煎餅 師傅喺我地面前製作， 烤鴨皮油脂喺口中融化😌 面頭鋪滿鹹鮮晶瑩嘅魚子醬， 加埋有我哋個名嘅煎餅卷起來， 脆、嫩、鹹、甜一次過爆發！ 🍚 阿膠蔥燒長島海參 海參發得夠透，脹卜卜又軟糯， 咬落啖啖膠質，好似食緊花膠咁滿足； 配上超軟糯白飯，可以食到2大碗！ 🐠 膠東一魯鮮大黃魚 大黃魚用雞湯慢火燉煮， 魚肉嫩滑得用筷子一夾就散開， 湯汁鮮甜濃稠，魚鮮同雞鮮完美交融💕 🧆 主厨鍋包肉 外層炸到金黃酥脆， 甜酸汁掛得均勻，唔會太嗆喉， 仲帶微微果香，十分開胃 🦀 萊州蟹對蝦醬烤非遺饅頭 饅頭脆卜卜， 將滿滿嘅萊州蟹膏同蝦醬倒上去， 鹹香鮮味完全滲入包心，濃濃嘅海味精華🦐 💪🏻 手臂大油條配豆漿 上枱超震撼！ 油條炸到脹卜卜，外脆內鬆化， 點入香濃滑溜嘅豆漿，半脆半軟， 仲有南乳同百香果醬選擇， 大家都好鍾意呢種簡單樸實嘅滿足啱啱好‼️ 🥛 阿膠絲滑酸奶 酸奶滑溜如絲，質地濃厚， 微酸帶淡淡阿膠甜香，消滯又養生！