蓮香樓 (上環店)

acacac1318 1 個月前

踏入上環老字號「蓮香樓」，比以前闊落又新淨好多。唔變既係，落單要拎張點心卡，親自走去揀選心水點心！望住一籠籠熱氣騰騰、新鮮出爐的點心，的確會有選擇困難症。 ​晚市只有蒸類點心，特別推介咖哩魷魚，魷魚大隻彈牙，咖哩汁香辣濃郁，非常惹味！乾炒牛河牛肉嫩滑，份量都算多。其他經典點心如蝦餃、燒賣、糯米雞、叉燒包也水準依然。 ​最令人驚喜的是幾款滋潤養顏秋冬甜品，一般酒樓少見：椰皇燉蛋白、原個生梨燉雪耳、鮮橙木瓜燉燕窩、焗西米布甸。生果吉住把紙遮仔，夠曬復古。 估唔到有咁多國籍遊客幫襯，值得一試中國傳統點心文化。

Hoiyau 1 個月前

去開上環打算去拜一拜文昌帝，一定係要黎蓮香樓呢間香港老字號幫襯下。呢度嘅服務形式係自助去攞點心，去到櫃檯姨姨會好熱情咁介紹每款點心，甚至識得用多國語言同遊客溝通，仲有傳統點心車巡場，懷舊飲茶氣氛真係滿分💯 而且呢度裝修都好有復古風味（廁所好靚🫪） 今次試咗幾款招牌點心同菜式： * 椰皇燕窩燉鮮奶：成個椰子上，一開蓋就飄出椰味清香，配埋濃郁嘅奶味，入口順滑非常滿足，仲有燕窩作點綴，性價比超高。 * 燒賣：用料好豐富，咬落口感扎實，味道鮮甜。 * 蝦餃：熱辣辣上檯，隻隻都大大粒，蝦餃皮煙韌唔會粉，口感剛剛好。 * 帶子蝦餃：比普通蝦餃多咗一粒帶子，價錢竟然同蝦餃一樣！帶子為鮮蝦增添咗一浸海鮮風味，非常值得一試。 * 奶黃包：一咬開就爆漿流沙，鹹蛋黃同奶香好平衡。 * 冬瓜盅：最特別係入面加咗花膠，湯頭清甜又有膠質，夏天飲完好下火。 * 蝦多士：中間嘅蝦肉好緊實，搭配滿滿嘅牛油香氣，入口酥脆鬆化，一啲都唔油膩。 * 蒸排骨：調味好正宗，排骨啖啖肉，底層嘅芋頭完全索曬排骨汁嘅精華，鬆軟入味，諗起都流口水😛 整體嚟講味道好唔錯，全部都係經典嘅老字號風味，去開上環真係好值得去感受下。

Astroboy Lai 2 個月前

蓮香樓作為香港老字號茶樓，最吸引始終係嗰份懷舊飲茶氣氛。坐喺充滿年代感嘅大堂，一邊嘆住龍井茶，一邊等點心上枱，感覺特別有老香港味道。 今次先來一籠蝦餃同燒賣，蝦餃皮薄透亮，蝦肉爽口鮮甜；燒賣肉香紮實，屬於穩陣之選。牛肉球口感鬆軟彈牙，牛味濃郁，而百花蝦膠釀魚肚更加有驚喜，魚肚索晒湯汁，配上蝦膠嘅鮮味，層次豐富。 主食方面一定要試乾炒牛河，鑊氣十足，河粉炒得乾身分明，牛肉嫩滑入味，係經典港式味道。花膠魚翅灌湯餃份量十足，一啖咬開湯汁滿滿，味道鮮甜濃郁，感覺幾有昔日酒樓風味。 甜點方面同樣出色，麻蓉包熱辣辣上枱，麻蓉餡香濃幼滑；黃金糕質地鬆軟帶蛋香，充滿懷舊感。而燕窩椰皇燉鮮奶則為整餐畫上完美句號，椰香自然清甜，燉奶滑溜細膩，食完特別滿足。 整體嚟講，蓮香樓未必係最精緻嘅點心店，但勝在保留咗香港傳統茶樓文化同人情味。食物有水準，加上懷舊環境加持，無論本地人定遊客都值得嚟感受一次地道飲茶體驗。🥢🫖✨

Cheng June 3 個月前

上環老字號晚市飲茶體驗 🥢 呢排同朋友去咗上環蓮香樓 呢間舖頭聽咗好耐佢個名 百年老字號 但係一直都未食過 終於試到☺️😊估唔到佢哋而家連晚市都有得飲茶 點心每籠 $48 均一價 夜晚想一盅兩件真係幾特別 幾方便🫶🏻 時菜斑片窩麵 大兜窩麵熱辣辣上枱 斑片份量都幾足 啖啖肉 湯底行清甜路線 夾埋時菜同麵食落好舒服 唔會覺得好油膩 🐟🍜 蜜汁叉燒包 經典一品 蒸得幾鬆軟 咬開入面叉燒醬甜甜地 肥瘦適中 唔會成口都係粉 傳統風味保持得幾好 🐷 上海小籠包 每粒用個小錫紙兜裝住 幾得意 雖然皮就唔算超薄 但係咬開都有少少肉汁 內餡都算鮮甜 🥟 豉汁排骨 排骨蒸得啱啱好 肉質唔會太韌 豉汁味都幾入味 舊舊都有肉咬吓 執埋一齊食幾惹味 😋 水晶鮮蝦蒸餃 外皮晶瑩剔透 咬落煙煙韌韌唔會太厚皮 比例抓得幾好 食落蝦嘅清甜 幾爽口 🥟 班蘭千層糕 賣相綠油油幾吸睛 口感煙煙韌韌 幾有層次感 甜度啱啱好 帶點淡淡嘅班蘭香 夜晚食完點心做結尾幾解膩 💚 整體嚟講 晚市有茶飲已經贏個特色 環境有老香港情懷 絕對對得住個價錢 啱晒同朋友吹水慢慢食 👍😙✨

朱建豪 3 個月前

走到門外，最先吸引目光的是掛在建築外牆上的巨大金龍、金鳳與霓虹招牌，遠遠便能感受到傳統粵式酒樓的氣派。 進入店內後，空間比想像中寬敞，深色木桌椅、暖黃色宮燈、蓮花造型吊燈，以及大片色彩鮮明的蓮花玻璃窗，共同營造出既懷舊又帶有新裝潢感的氛圍。 紅、綠、金色大量運用，還有點心檔、燒臘櫥窗、傳統字牌、舊式茶罐展示，以及極為醒目的金色龍紋大鼓，處處都很適合拍照。 中午時段店內幾乎坐滿，圓桌之間十分熱鬧，既有本地長者、家庭茶客，也有不少專程前來體驗香港飲茶文化的旅客。 整間酒樓充滿茶杯碰撞、客人談話和職員穿梭的聲音，不是安靜精緻的高級餐廳，而是一種很有生命力、很有香港特色的茶樓氣氛。 我們第一輪點了鵪鶉蛋燒賣、蟹籽燒賣皇、蓮香蝦餃皇、蠔皇鮮竹卷、豉汁蒸鳳爪、雀巢芋角和枸子桂花糕。 鵪鶉蛋燒賣是這次相當有記憶點的一款，燒賣肉餡紮實，上方藏著鵪鶉蛋，比一般常見燒賣更有老派茶樓特色。 蟹籽燒賣皇則肉香飽滿，口感彈嫩，屬於不容易出錯的經典選擇。 蓮香蝦餃皇外皮晶瑩，能看到裡面的蝦肉，入口有明顯鮮甜與彈性。 蝦餃看似是每間酒樓都有的基本款，但也最能直接看出點心製作是否扎實。 蠔皇鮮竹卷吸收了醬汁，腐皮柔軟而帶豆香，裡面的肉餡濃郁，是很典型的傳統粵式蒸點。 豉汁蒸鳳爪蒸得軟腍，皮肉容易分離，豉汁鹹香中帶一點辣椒氣息，味道濃郁，很適合配茶。 雀巢芋角外層炸得像細緻絲網，口感酥鬆，裡面則保持綿密芋香；這種點心最好趁熱吃，才能感受到外酥內軟的反差。 枸子桂花糕色澤透亮，帶有淡淡桂花香，甜度不會過分厚重，在吃完燒賣、鳳爪與炸點後，正好帶來清爽的轉換。 第二輪則點了椰皇燕窩燉鮮奶、魚翅冬瓜盅、乳豬與蝦多士。 魚翅冬瓜盅直接盛裝在挖空的冬瓜中，份量與造型都很有傳統宴席感。湯色清澈，冬瓜經過燉煮後柔軟透味，整體風格不像濃湯那麼厚重，而是偏向溫潤、清鮮。 乳豬是另一道視覺與味覺都相當鮮明的菜。乳豬皮切成整齊長條，色澤深紅油亮，搭配醬料食用，重點在於外皮的酥脆感。 入口先是清楚的脆響，接著才感受到油脂與肉香，屬於很有粵菜宴席特色的一道。 蝦多士則是我很喜歡的炸點，方形吐司炸得金黃酥脆，上面鋪著厚實蝦膠，蝦肉鮮味與炸吐司的香氣結合得很好，口感比一般蝦餃更濃郁、更有滿足感。 椰皇燕窩燉鮮奶以原個椰子盛裝，椰香、奶香和燉品的柔滑口感融合在一起。相較前面的鹹點與炸物，這道甜品顯得溫和細緻，也為整頓飯帶來很完整的收尾。 蓮香樓的價值不只在某一道點心是否驚艷，而在於它把蝦餃、燒賣、鳳爪、鮮竹卷、芋角、乳豬、冬瓜盅與燉奶等不同層次的粵式飲食，放進一個充滿老香港元素的空間裡。 新店環境較明亮、寬敞，也更適合觀光客拍照；相對來說，可能少了一點舊式茶樓的陳舊與粗獷感。 不過現場仍然十分熱鬧，長者飲茶、多人搭桌、點心檔前選餐，以及職員在桌與桌之間快速穿梭的畫面，都讓人感受到香港酒樓文化並不是靜態展示，而是