泰恩愛

Ka Nang Chau 4 個月前

正宗泰國風味，店員有禮，今次試咗午市餐泰式牛肉炒河配飲品$59，配菜用料足，尤其牛肉份量，肉質冇用梳打粉肉味滿滿，可惜的是河粉分量對於男士唔多足夠感覺似輕食

misschaninhk 1 年前

今日嚟到銅鑼灣泰國菜外賣店《泰恩愛》，雖然主要發售外賣，但都設有少量座位。價錢親民，最啱打工仔或學生來嗌外賣。提供經典泰國菜、飲品 和 甜品。 ✨️泰式炒金邊粉 即叫即炒，火喉十足。呢款金邊粉包括有蝦、葱、芽菜 混在一起炒，上面滿怖蒜蓉碎，還有半邊青檸，予以解膩。食起來，惹味香口，很有泰式風味。 。

Sally Chan 1 年前

🍽️ 今日唔想煮飯，就諗住試下銅鑼灣呢間新開嘅泰式外賣店。由泰國人主理，啲味道真係正宗到不得了，一打開盒已經聞到濃濃嘅香料味，令人食指大動！ 🥬 第一樣試嘅係肉碎生菜包。生菜分量十足，啲菜新鮮又脆口，食落好清爽。肉碎炒得好惹味，啲調味剛剛好，唔會太辣，啱晒我呢啲唔太食得辣嘅人。而且冇飯冇麵，啱晒想低碳飲食嘅朋友。 🥗 跟住係豬頸肉沙律，呢個真係驚喜！豬頸肉燒到外脆內嫩，啲肉汁鎖得好好，咬落去超級滿足。配埋啲洋蔥、香草，酸酸辣辣，加埋個香料味，層次超豐富。 🌿 最後係泰式炒通菜，鹹香味十足，炒得啱啱好，唔會太油，仲保留到通菜嘅爽口感。每一啖都好有街頭泰式風味，食完仲想再encore多次。 價錢合理，味道正宗，份量足，唔怪得咁多人排隊！下次一定會再幫襯～

Sasa Wong 1 年前

銅鑼灣｜正宗泰菜外賣小店 呢間外賣小店啲泰國菜味道真係幾正宗，主打係外賣，堂食都有一張細細張嘅枱仔。 🧡青咖喱雞 $56 呢個咖喱汁真係好正，係勁香嘅椰奶味，有一刻嘅錯覺覺得飲緊椰奶湯，辣度嚟講唔算辣，雞肉口感就偏韌。 🧡豬頸肉飯$60 豬頸肉薄切份量都幾多，而且燒到好似好焦香，單食已經好夠味，點埋個特製醬汁更加Juicy。 🧡肉碎生菜包$56 肉碎煮得好入味，味道好正宗，食中辣椒🌶️籽嘅話覺得好辣。配埋超爽口新鮮嘅生菜，真係超開胃。 🔔想知更多美食資訊，快d follow我啦🔔 📍 泰恩愛 (銅鑼灣) 銅鑼灣銅鑼灣道3-17號國泰大廈地下A1號舖 #hkig #hk #hongkong #foodphoto #foodie #hkiger #foodblogger #instafood #foodstagram #hkfoodblogger #yummy #hkfoodie #食好西 #香港美食 #相機食先 #食評 #香港探店 #銅鑼灣 #銅鑼灣美食

hkfoodsis 1 年前

呢間主打外賣嘅店舖 而且價錢唔貴 揀咗幾道菜式都好地道 ✨豬頸肉沙律 豬頸肉爽口有嚼勁．非常香口 用新鮮生菜包著食．口感更豐富 ✨香葉肉碎炒飯 香葉同肉碎炒得好惹味 加上煎蛋．份量十足 ✨芒果糯米飯 新鮮芒果味道香甜 軟軟糯糯嘅糯米飯 係必食嘅甜品 ✨泰粉紅奶 實在好少餐廳飲到粉紅色嘅奶茶 味道香甜．充滿少女心 係泰國人嘅童年回憶