泰簡單

tsz yan lo 2 個月前

銅鑼灣少有可以坐戶外嘅餐廳環境好chill😛 喺戲院樓上 估唔到都幾多人識 幾full下🫪 廚師侍應都係地道泰國人👸🏻 柚子沙律 超級清爽 啖啖都食到爆晒水嘅柚子🐿️ 配上乾蔥 腰果 椰子 青檸充滿東南亞風味🥥 ️冬陰功蝦湯每次食泰國嘢都忍唔住嗌👅🌶️ 一啖可以飲到好多香料嘅味道同層次❤️ 金邊粉炒得乾身大蝦爽口彈牙🦐🦐 蛋網煎到好靚🍳 口感豐富係正宗泰式風味💯🔥 馬拉盞炒椰菜苗細細棵好易食鹹香突出好惹味🥬🌶️ 😋 係室外唔知點解就好想飲嘢😂 其實泰國嘅啤酒真係唔差🧚🏻

Palate Passport Ririko 2 個月前

今日同朋友嚟到銅鑼灣食泰國菜，聽朋友講呢度好地道，廚師同侍應都係泰國人！ 我哋叫咗： 🇹🇭 柚子沙律 柚子夠晒多汁，加埋蝦米、花生，口感好豐富。雖然酸酸辣辣，但係好開胃。 🍖 泰式沙嗲串燒 （豬🐷、牛🥩、雞🐥） 串燒燒得啱啱好，外脆內嫩。配埋個沙嗲醬，真係食唔停口。 🍜 皇宮大蝦蛋網炒金邊粉 個網格蛋真係好精緻，一上枱就忍不住要打卡📸。金邊粉炒得夠晒鑊氣，酸酸甜甜，真係好地道。 🍲 冬蔭功湯 湯底夠晒濃郁，而且有好大隻蝦，誠意十足。 🍹 黃金夢 (菠蘿汁+芒果汁） 呢杯用咗鮮菠蘿汁同埋芒果汁整嘅特飲，顏色好吸睛，頂頭仲插住塊新鮮菠蘿🍍。飲落果味勁濃郁，口感綿密，酸酸甜甜咁，解辣一流！

chan Cindy 3 個月前

餐廳廚師及侍應都係泰國人，爭少少就溝通唔到😂 叫咗兩杯飲，芒果加菠蘿汁並唔係色素溝出嚟，但有新鮮生果嘅鮮甜，食泰國嘢解渴或解辣都非常一流！ 冬陰功會偏辣未必啱晒所有香港口味，但飲得出佢有青檸味，湯入便勁足料又有幾個大蝦頭同蘑菇等等。 個大蝦蛋網金邊粉好食，酸酸甜甜加埋兩隻爽口原隻大蝦，連埋花生食食過唔停口！ 柚子沙律就不過不失，柚子勝在粒粒分明，作為開胃菜係唔錯，果仁都令到沙律生息不少！

mugmugeats 3 個月前

📍 泰簡單 Thai Simple Kitchen 銅鑼灣謝斐道517號總統戲院頂樓 ——————————————— 餐廳環境好 chill，燈光柔和，坐得舒服，幾適合打卡。最吸引係好地道，廚師同侍應都係泰國人。夜晚仲有 cocktail 可以慢慢嘆，氛圍感滿滿。 🥬 Minced Pork 生菜包 (💰: 88 hkd) 豬肉炒得香口，味道偏辣，怕辣嘅人要小心啲😛用生菜包住食可以消膩～ 🍢 Satay Mix 沙嗲拼盤 (💰: 108 hkd) 串燒香口，配埋花生沙嗲醬，味道好惹味。 🍛 Thai Yellow Curry Pork 泰式黃咖喱雞 (💰: 95 hkd) 咖喱香濃帶少少甜味，雞肉軟腍入味，送飯/配薄餅一流。 🍍 Pineapple Fried Rice 菠蘿炒飯 (💰: 128 hkd) 飯粒炒得乾身，配料豐富，味道方面正正常常。 🥭 Fresh Mango Juice 芒果汁 (💰: 60 hkd) 果味香濃，冰涼解渴，飲落幾舒服。 🍍 Pineapple Juice 菠蘿汁 (💰: 60 hkd) 酸甜清新，配泰菜啱啱好。

sandy2815hk 4 個月前

Chill住食泰菜之選《泰簡單》 位置喺總統戲院頂樓，帶少少「隱世天台餐廳」嗰種感覺，燈光同座位都幾舒服，影相打卡都好易出效果 。 冬蔭公湯： 冬蔭公一上枱個香味已經好勁，酸、辣、香草味層次好清新，飲落去係醒神，但唔會辣到搶晒味歐材料都足。 馬拉盞炒通菜： 通菜炒得夠鑊氣，菜爽脆，蒜香夠。 菠蘿炒飯： 賣相好吸引，飯粒炒到乾身分明，唔會油膩。菠蘿甜酸味好自然，配埋咖喱香同蛋香，食落層次豐富。 泰式奶茶： 奶茶茶味夠突出，甜度唔係死甜，飲落去滑但唔「膩口」，係幾順喉嗰種。 漫天飛花(鮮火龍果+橙汁)： 呢杯真係打卡擔當，顏色好靚好上鏡。飲落去係清爽路線，火龍果嘅淡淡果香加埋橙汁嘅酸甜。 鮮芒果糯米飯： 甜品一定要點呢個，芒果夠熟夠香，甜度自然。糯米飯口感煙韌得嚟唔會硬，椰汁淋上去夠香但唔會搶晒芒果味，成碟食落去係「香、甜、糯」三樣都做到，而且份量食完好滿足 。 梛青糕： 呢款好適合做結尾，口感偏軟糯帶少少彈，椰香清清地唔會厚重。 總結： 《泰簡單》係第4次嚟食，水準同味道都幾穩定，店員一向親切友善，成餐食落好舒服。廚師定侍應都係地道泰國人，難怪啲味道做到嗰種泰式香料嘅層次；環境又好chill，好適合打卡同慢慢坐。