泰亞萊海南雞專門店 (深水埗)

tintin morita 4 個月前

泰亞萊海南雞專門店 深水埗福榮街97號地舖 假日約了友人行下深水埗電子特賣城入下貨順便食飯，上網搵下見到間海南雞幾正即去試下。 餐廳面積頗大，簡約設計，7點幾去到唔算太多人都有位。 餐牌，招牌係海南雞飯，仲有其他泰式菜式。 招牌海南雞飯，$60，配海南雞醬，賣相不俗，份量適中，雞肉嫩滑，外皮爽脆味道幾好，配上酸辣的醬汁更美味， 油飯唔算太油，少許香口味道正常，冬瓜湯清甜解油膩。 椰汁冰，跟餐加$8，清新香甜，夏天飲好爽。 食物味道不俗，幾抵食同不收加一，下次有機再食。

Foodies FATguy 1 年前

伏，伏，伏，叫咗海南雞飯2分鐘內上到枱，雞冇雞味又唔滑，睇埋雞皮冇光澤，碗湯胡椒味極重，頂！碗飯凍嘅...經典. 湯粉件件豬頸肉又膠又唔熱，魚片頭都唔知乜來貨擺咗幾耐😪，成餐得個炸蝦叫做似d樣. 味道 ⭐️

sunsum9806 2 年前

深水埗向來都是飯店超多，價格貼地，今天就來到泰亞萊海南雞專門店吃飯，一百多元就吃飽了！ 香濃喇沙四寶米線 豆芽脆脆好有爽脆感;軟嫩的豆腐和半個雞蛋吸附了香濃湯汁的香味;彈牙的蝦肉和魚角則帶來滿滿的鮮味;扎肉厚實，米線Q彈有勁,與四種口感各異的配料相互映襯,滋味層疊迭起,在口中化開值得回味！ 冬陰功四寶湯金邊粉 大蝦肥碩飽滿,扎肉彈牙微韌,墨魚丸和豬肉丸滑嫩的口感Q彈，各種食材在湯汁的浸泡下,交織出層次豐富的味道。湯汁濃郁醇厚,帶有清新的酸辣調和,滋味十足！ 泰式千層糕 層層疊疊的糕體,口感柔軟綿密,不會過於粘膩，濃郁清新的香氣！ 泰式椰汁糕 有玉米和紅豆，上邊細滑下邊軟糯,椰香四溢,好出色，讓人忍不住一口接一口！ 珍多冰 顏色豐富多彩，清新爽口的的飲品！

Candy Wong (Supersizeme) 上次編輯：3 年前

招牌海南雞飯 轉雞髀 加$10，份量真係算多！ 海南雞已去骨，雞皮好爽脆，肉質極為嫩滑，基本唔洗點咬～自家特製醬汁好惹味，甜甜酸酸微辣！ 隨餐仲包咗冬瓜湯，都幾甜！

Jayse Yip 3 年前

【新分店🌟 超嫩無骨海南雞👍🏻 驚喜蔥香+椰香濃咖喱🤩 】 推薦程度：●●●●● 抵食程度：●●●●◐ ——— 🐔 招牌海南雞飯(連湯)｜$58 個湯飲得出冇味精、好清甜、真材實料🔥 係來自紅棗、南北杏、紅蘿蔔等等熬出嚟嘅清甜味，大讚👍🏻 雞肉驚喜地非常嫩滑🌟 皮下有啫喱狀嘅雞油，食落份外充滿油香，配埋油飯一流🙌🏻 個人偏好如果醬汁有埋甜醬汁同蔥油就perfect池🥺 🦀 泰式黄咖喱軟殼蟹飯｜$80 私心推薦🌟 咖喱蔥香同椰香味較重，帶少少鹹香，屬入門版嘅辣，易入口，好正！醬汁好稠杰，餸飯超正👍🏻 軟殼蟹炸粉好薄，咬落好酥脆；肉質好軟熟好綿，同外脆形成對比，好好食😍 飯量多，醬汁比例都足夠撈到最後，整體都無可挑剔！ 🥗 豬頸肉沙律｜$78 好多多配料，如青瓜、紫洋蔥、甘筍絲等等，增加口感，洋蔥亦增強咗辣度🔥 其他都好解膩、清新、開胃✨ 豬頸肉有驚喜🌟 唔重膩感，肉厚而口感爽彈，份量都算多，CP值高！辣度屬於小辣，整體好香、好惹味！作為前菜唔錯！略嫌價錢少少貴🤏🏻 🥣 冬蔭公湯｜加配價$10 辣度比較大眾化，BB辣左右，酸度同鹹度適中～ 個人覺得辣味唔夠喉👅 超多配料，呢個價錢嚟講幾抵🫶🏻