Tailor

Ashley Chan 3 個月前

呢排去咗中環街市搵嘢食，咁啱經過呢間餐廳✨俾佢個門面吸引咗 諗住入去食個輕便嘅晚餐 😋 呢度主打西日風嘅西餐，成個感覺幾舒服，好啱同朋友 hea 下或者放工去 chill ☕🍃食物質素係意想不到地高！ 🌟明太子紫蘇意大利粉（$98） 呢個配搭幾有驚喜🥰明太子俾得好足～而且有滿滿嘅魚子on top! 意粉軟硬度啱啱好 最正係加咗紫蘇葉，多咗一份獨特嘅清香味🌱，完美平衡返明太子本身嘅鹹膩感，成碟嘢食落好清新，好快就一啖接一啖清晒🥢！ 🌟和牛漢堡煎蛋泡菜飯（$138） 賣相好吸引，隻太陽蛋煎得好靚🍳！和牛漢堡排幾厚身，咬落去有肉汁，牛肉味都算香濃🥩。下面嘅泡菜飯炒得幾惹味🔥同漢堡排、流心蛋黃拌埋一齊食，口感豐富🤤食完幾有飽腹感，好滿足💪🏼！ 嚟到呢度除咗食飯，仲嘆咗杯咖啡！ 🌟Iced Latte & Mocha （$42/1） 咖啡同奶嘅比例啱啱好，入口幾順滑✨ 整體嚟講，呢度嘅環境幾悠閒🍃，嘢食方面算係幾有心思嘅西餐🍽️。開喺中環街市食完飯仲可以順便行埋街！真係一個隱藏版嘅中環全日好去處🏙️！

Karen kyt 3 個月前

【中環街市好去處！輕食之選👍🏻】 去開中環街市，想食餐輕量嘅晚餐，就試咗呢間西日風Cafe～ 𓌈⸝⸝ 牛果多 賣相吸引🤩！Sourdough上面鋪上新鮮牛油果蓉🥑、車厘茄，精髓在於中間嗰隻溫泉蛋🥚！切開時啲蛋黃汁即刻流出嚟，流心度高！ (原本有芝士粒🧀，不過我叫咗走芝士，食落依然好夠味，好清新) 𓌈⸝⸝ 東瀛大早餐 日式All Day Breakfast 配料豐富，有三文魚籽、滑嫩嘅玉子燒、薯仔沙律，仲有沙律菜🥗，感覺健康～ ☕️ Panama Los Cantares Geisha (Washed) 估唔到呢度嘅手沖咖啡咁高質！入口風味佳，層次鮮明，咖啡香氣喺口入面持久不散，咖啡控嚟到要試試！ 🍵 抹茶拿鐵 (轉燕麥奶) 抹茶味香濃，口感香滑，甜度啱啱好

Man Daily 4 個月前

餐廳西日風設計，最正係有一排面向中庭嘅吧檯位，日光透過大玻璃透射入嚟，一邊望住中庭一邊歎咖啡食精緻料理，感覺好寫意，絕對係中環全日好去處！無論你想搵中環性價比早餐、中環抵食午餐，定係收工後嘅中環輕食晚餐好去處，呢度都完全可以滿足到你。食物水準極高，當作中環抵食下午茶好去處亦都無得頂！ 明太子紫蘇意大利粉 ($98) 呢盤意粉嘅賣相充滿西日風美感，面頭放咗一朵食用花同埋切得幼細嘅紫蘇葉點綴。每一條意粉都均勻咁沾滿咗粉嫩嘅明太子奶油醬汁，入口帶有明太子特有嘅微鹹同顆粒感，奶香濃郁得嚟，因為有清香嘅紫蘇葉平衡，完全唔會覺得膩口 。意粉煮得啱啱好，好彈牙，調味好出色！ 和牛漢堡煎蛋泡菜飯 ($138) 呢碗飯視覺效果一流！底層係炒得香噴噴、酸辣惹味嘅泡菜飯，上面鋪咗一塊厚實嘅和牛漢堡扒，最面頭再疊上一隻煎到好靚、灑滿海苔絲同埋蔥花嘅太陽蛋 。食嘅時候輕輕將蛋黃戳破，睇住金黃色嘅蛋汁流出嚟包裹住香濃多汁嘅和牛扒同泡菜飯 ，入口既有和牛嘅油香，又有泡菜嘅酸辣，層次感極之豐富，非常惹味！ Magic ($42) 呢度除咗嘢食正，啡好飲亦係一大賣點。呢杯 Magic 咖啡（雙份 ristretto 配全脂牛奶）拉花非常精緻細密 。入口咖啡風味非常濃厚，微苦之中帶有醇厚嘅堅果與可可香氣，配埋全脂牛奶嘅綿密奶泡，口感好絲滑，比例抓得啱啱好，啱晒各位咖啡愛好者。 抹茶拿鐵 ($48) 呢杯凍嘅抹茶拿鐵同樣出色，叫咗走冰，所以完全唔會被冰水沖淡。抹茶呈現好亮麗嘅翠綠色，入口抹茶香氣好突出，帶有回甘嘅茶味，同全脂牛奶嘅奶香完美融合，口感醇厚得嚟好清爽。

KT Hello 4 個月前

今次去中環中心逛街，發現左間幾chill 的西日風cafe 匠館，高樓底環境舒服，飲啡吃下午茶的好去處，食物在細節裏顯細心。 和牛黃金飯 $138 珍珠米, 雞蛋, 南非肉眼蓋m 8-9, 和牛飯汁, 炸蒜 珍珠米吸附和牛飯汁，炸蒜香氣爆開；南非肉眼蓋煎至粉嫩，和牛油脂交織，黃金香濃、入口層次很犯規。 我覺得用珍珠米做蛋炒飯是一件隱藏奢侈的事，特別有嚼頭，很有心思。 東瀛班尼迪 $138.0 羅馬生菜, 三色藜麥, 車厘茄, 炒蛋/奄列, 蟹肉, 鱒魚子, 薯仔蛋沙律, 酸種麵包, 慢煮三文魚, 乳酪 羅馬生菜清爽托底，三色藜麥與車厘茄點亮色澤；蟹肉、鱒魚子與奄列交疊鹹鮮，薯仔蛋沙律酸香收尾，加酸種麵包與慢煮三文魚更滿足。奄列炒蛋中加入蟹肉，生菜加入了柚子醋，酸種麵包有烘底加牛油🧈，變得鬆軟好吃。 薄荷茶 $48 薄荷清涼直衝鼻尖，茶底順口不苦澀；甜香與清爽平衡，適合配鹹食解膩、越喝越舒服。 污糟邋遢咖啡 $48 +Single Origin Fruity(Ethiopia) (+$10.0) 咖啡醇厚濃香、帶點慵懶「髒髒」奶感；加Ethiopia水果調性後更顯明亮果酸，尾韻綿長微甜，喝完還想再來一口。

Jenny Yip 4 個月前

📍🇭🇰 Tailor 匠館 @中環 中環街市二樓嘅角落，有一間西餐廳，安靜又整潔，環境開放又有格調，見到menu有嘢啱食，就入去試下。 揀咗幾分鐘，一人揀咗一個餐。｛晚市套餐配一份前菜豆腐沙律及一碗麵豉湯｝ 首先嚟嘅係麵豉湯，濃味、鮮味一齊入口，感覺到廚師用心準備。跟住嚟嘅係沙律，醋香味充滿沙律菜，非常開胃。 📌 和牛黃金飯 ｛HK$188} 好快主食就到喇，和牛黃金飯嘅香味真係令人難忘。先試一啖炒飯，呢個蛋炒飯真係好香，有酒店水準。如果冇和牛，齋食炒飯都冇問題，如果呢碗炒飯份量再多啲就更回味無窮！和牛好似變咗配角，當然唔係啦，最好味嘅要留返最後，牛肉嘅香味，入口嘅質感圍繞味蕾，食完一舊又一舊。值得一提係和牛份量都多，只可以講，餐廳老闆非常佛心。 📌 三文魚蕃茄意粉 ｛HK$188} 另一個主食係三文魚蕃茄意粉，蕃茄意粉味道濃郁，越食越開胃，三文魚整煎得剛剛好，都算大件，如果加多少少黑椒落三文魚，鮮味會提升不少。 飲品方面，跟餐嘅black office水準幾高，咖啡油脂薄薄咁覆蓋住成個咖啡，證明咖啡豆新鮮。要知道，咖啡要有油脂，咖啡豆必須係炒好後一個月內使用，如果齋飲杯咖啡同朋友價計，呢度都唔錯㗎。另外伯爵茶係成壺咁上，茶味濃郁，慢慢飲可以飲好耐。 如果想同朋友搵個地方傾下計，食啲嘢，再行下中上環其他景點，呢度都係一個好好嘅中間點，值得推介！